ابو لمار
السعيدي جار للنشمي وهو حافظ جواره = وان بغينا نزهمه قال الثبيتي وش تبابه
صاحبي فواز ماينقصه شي من الشطاره = لو ثبيت اصحاب فواز السعيدي ماتشابه
فواز السعيدي
مانصدّق فالعلوم اللي تدوّرها دواره = صح جارتنا عتابه وانته مجاور عتابه !!
صح كل اللي تقوله بس دقّق فالعباره = العتيبي لو كشف معناك قوّمها حرابه !!
ابو لمار
قالوا ان الحرص واجب وانته افهم بالاشاره = لاتلصق بالثبيتي وانت مانته من شبابه
عنك لاتحرف علومي ثم تحسبها مهاره = ثم تسري جوف ليل" سرمدي ماينسرابه
فواز السعيدي
انت والنشمي على راس الجمل تاره وتاره = وانته تزيّن له الدلّه وتنفض في ثيابه !!!!
لو خلقك الله زند تفيد بقدوح الشراره = يستفيد العود منك ويحفظك داخل زهابه !!