منيف المنقرة ... من يقنعني بـ هذا الشاعر ؟ ؟

[ماجد العصيمي]

الكلام بالالغاز ما يصلح ياولد ميسان عندك شي اطرحه علشان نتناقش فيه وبعدين هذي وجهة نظر الكاتب (اللي اوافقه فيها) فمافيه داعي تعصب وترمي الكلام يمين ويسار
بعدين الزلامي مالعب معه الا مره اعتقد واللي شفناها في قناة الساحه
ارجو ان تتقبل ردي برحابة صدر

[قادح شرار]

المشاركة الأصلية كتبت بواسطة ولد ميسان

ومو لازم يلعب معه مستور هذا رشيد الزلامي لعب معه اختلف شيء؟؟



لانك تغلط على قبيلة (بلي)وعلى شاعرهم اللي مقتنعين فيه

قال رشيد :

يا سلام الله سلام ٍ يسمعه حاضر وغايب = سمعوا الحضّار والغيّاب بكرة يسمعونه
في محل أهل الكرم ربع ٍ يسدون النوايب = سلّمهم عبر الزمن ما يختلف شكله ولونه

السلام موجّه لجهينة لأن الحفل كان عندهم .. والمفروض إن شاعر جهينة اللي كان يجلس جنب رشيد هو اللي يرد على هاذي البدعة ..

بس تلقـّف المنقرة ورد مع إنه ماهو من أهل الحفل .. ولا من رأيي إن رشيد ما يتنازل يلعب معه ..

والدليل : ألوله . ههههه .

لو تحمد الله ليا غنا معك رجال شايب = تعرفون العلم ولا جعلكم ما تعرفونه
والله إني ما دريت إنك عن الجهنان نايب = نايب ٍ والله يا لولا حشمته لكحل عيونه

وأزيدك بالطامه الكبيرة اللي تثبت إستحقار رشيد من منيف :

أنت لك موقف مع جهينه وأنا ماني بخايب = يوم أروح بعيد وألقى شاعر ٍ من هالنمونه !!

مع إن المنقرة أبدع في طاروقه هذه مع رشيد ..

ومع ذالك أضم صوتي لأخوي وحي العقل ...

ويا ليت يا ولد ميسان تترك نبش المشاكل حتى لو كانت في في قعر النملة ..

لأن قبيلة بلي قبيلة عزيزة علينا جميع ونقدرهم ونكن لهم الأحترام ..

وماله داعي تحرف مسار الموضوع إلى إشعال نار الفتنه بين عتيبه وبلي بكلامك ..

ووحي العقل كان إنتقاده يخص المنقره بعينه وليس لقبيلة بلي ..

وقبيلة بلي غنية عن التعريف ..

ولا أنسى إني أوافقك الراي يا ولد ميسان إنه فيه شباب شعار مسببين عبء على الساحة الشعرية ...

تقبلوا مروري .

[مرزوق الجعيد]

اخوي قااااادح شرار احترمك واحترم رايك
ولكن لي مداخله بسيطه معك اذا تسمح لي

تقول
ووحي العقل كان إنتقاده يخص المنقره بعينه وليس لقبيلة بلي ..

وقبيلة بلي غنية عن التعريف ..

----------
طيب الان لو قرينا في اي منتدى تهجم على شخصية شاعر من شعراء عتيبه مثل خلف او رشيد او العصيمي او مطلق الله يرحمه او اي شخص ينتمي لعتيبه

نقول وجهة نظر واهم شي ما تكلمو عن قبيلتنا والشاعر او الشخص يدافع عن نفسه؟؟

يوجد فعل وردة فعل

كلام ولد ميسان في محله ولكن لم يوفق في طرحه ولم يكن لديه اسلوب النقاش الجيد من وجهة نظري

وخاصه عندما يقول لوحي العقل(وبعدين ياريتك احتفظة بوجهة نظرك احسن)
وانا عكس هذا التوجه وهذا الكلام
جميعنا لدينا حرية الطرح قد اختلف معك ولكن لا يحق لي تهميشك او ردعك عن ابداء وجهة نظرك حتى ولو كانت خاطئه فهذا حق مشروع للجميع


تقبلو تحياتي
وارجو ان نرتقي بالحوار الهادف بعيدا عن المشاحنات والنبش بين السطور لاستخراج السلبيات وتلافي الايجابيات وتقليب النوايا

[@ـايل]

نعم المحاوره الان مصابه بجلطةو

لن تتشافي منها الى ان يرث ..

الله الارض ومن عليها ,,

والادهى من هذا والأمر ..ان هناك جماهير متابعين لهذه الجلطه ...

واخيرًا..

اقول مثل ماقال مستور

الملعبة تبكي لواحد وتبكي ثنين =يحيون ميدانها يحيون ميدانها

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[عقاب العنزي]

الاخ بجادالثبيتي

انا لااعلم حقيقه مالذي حدا بك للتطرق عن شاهر رغم ان الموضوع كان عن شاعرية منيف المنقره ؟

احببت ان اقول لك شاهر العنزي ليس بحاجه لشهادتك ولارأيك وكان

يجب عليك ان تتكلم عن منيف كما هو واضح فالموضوع المدرج

مع ان الشاعر الكبير مستور العصيمي من الذين اشاد بشاعرية شاهر

وقال بالحرف الواحد قبل عدة سنوات اين هذا الشاعر من قبل ؟

وشاهر فرض شعره واحترامه على الجميع والدليل الاكبر ان اكثر حفلاته

في الاوانه الاخيره عند ربعك العتبان

تقديري

[عبدالله المطرفي الهذلي]

بصراااحه منيف منقره عنده موهبه نقدر نقول شبه جيده شاعر يقدر يلعب على معنى ليس بالقوي لكنه أفضل من شعراء آخرين وبصراحه إذا كان الشعر أصيب بجلطة من منيف المنقره فقبلة واحد لايقل عنه مع احترامي له ولقبيلته وهو الشاعر عبدالله الذيابي ( العمى ) والشاعر سلطان الجلاوي

هؤلاء الثلاثه جميعهم شعراء سطحيين واهل موالات هابطة ومحاورات كذلك واستمرارهم عاله على الشعر

هذي وجهة نظر .

[فارس نجد]

انا اقول يا شباب المنقرة ما يمثل قبيله بلي بهذا الاسلوب الهمجي والطرح السئ الذي نزل به الي الحظيظ فشاعر مثل المنقرة م اظنه يشرف قبيلته امام القبائل لانه لايملك الا حثال الشعر نسأل الله ان يهديه ويرده الي الصوب ويعوض بلي خير فيه

[سلطان الجـذع]

ولا يابغضني للزيدي اللي ياكل الشمه
اعرف أهل اليمن دايم يديها في مخابيها

هههههههههههههههههه يهيب يالهامور


وحي العقل لافض فوكـ اتفق معكـ 100%

[أبو مصلح 511]

الموووضوووع اخذ حجم اكبر من حجمه واختلاف الراي لا يفسد للود قضيه

ولكن اراء بعض الردود مستاه من وجهة النظر المقابله مع ان الموضوع ولا يستاهل كل هذا التشويش


وانا ارى ان كل واحد يحتفظ برايه حتى لا يظهر هذا التشويش على ذائقة المتلقي العادي



واطلب من المشرفين حذف الموضوع لانه موضوع بسيط واراء الاختلاف فيه كبير


مع احترامي وشكري وتحيااااااتي لكاتب الموضوع




وشكرااااااااااااااااا

[سلطان بن دحيم]

ابو مصلح 511

الموضوع بسيط واسمح لي ان اخالفك الراي في حذف الموضوع لانه يعتبر وجهة نظر صاحب الموضوع ويجب على الجميع احترامها والمناقشه فيه تعتبر تقييم للشاعر من وجهة نظر الاعضاء واتمنى من الاخوان عدم التضايق ولا احد يتضايق من وجهة نظر الثاني والرد بكلام منطقي يفيد المتابع للموضوع والحذف للرد اللي فيه اساءه.

( المعذره وانت استاذ نتعلم منك )


تحياتي