موضوع للنقاش: لماذا التعصب ياعتيبه ؟

[البعيـد النـايف]

	الرجال صادق عنده موضوع وموجود قول رائك في الموضوع او اسكت انت تبي تنهي الموضوع يا محب الهيلا ليش انت تعرف عتيبه ربعي وتبي تسكر عليه ليش وجايب معك فزعه الله يعينك يا عتيبه ربعي ولكن رجوع للموضوع ان قالوا ما نزوج إلا عتيبي وهو موجود عجلت في الموضوع وان كانوا يبون عتيبي وينتظرون احاول اتنقز على العالم المتحجره هذي إلين يحل تتغير وجهة نظرهم وإلا اخذلي كلمه ترفع الضغط واسكت تقبل مروري

[##البروفسور##]

الزواج قسمه ونصيب اكيداللى خطب ولازوجوه لايرغبون فيه وعليه ان يفهم

[fahad8088]

والله ماهو شرط

وكثير من العتبان متزوج من قبايل أخرى

والعكس ايضا

وشكرا...

[خلف العتيبي]

محب الهيلا وراك الله يصلحك أكلت الرجال بقشوره..

الرجال طرح موضوع وظاهره لايمكن لأحد ينكرها وهي فعلاً موجوده في كل القبائل وليس في قبيلة عتيبه..



ربعي عتيبه..

العتبان يزوجون من كان أصله وتاريخه طيب..

ظاهرة التزويج من نفس القبيله موجوده عند كل القبائل وأكثرها عند العتبان وبعض قبائل الجنوب ولاكن بعض من العتبان يزوجون من برى القبيله..

على فكره ترى حتى الرياجيل في قبيلة عتيبه صعب أن يتزوجون أي فتاه الا أن يكون أصلها وفصلها من كذا وكذا..

وأهم شيء تاريخ الرجال وأخلاقة..

بعض من العتبان يريدون أن يحفظوا نسل القبيله للقبيله..


أتمنى أني أجبتك..


خلف الدعجاني..

آخر تعديل خلف العتيبي يوم 01-Dec-2007 في 03:42 AM.

[محب الهيلا]

ياخلف ياخوي هذا ماتدري عن نواياه خلها على الله وشوف رأى الهيلوم وابو راكان وانت تعرف من يكون هذا

[عبدالرحمن الهيلوم]

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
ربعي اعتيبه !!!!!!
البعيد النايف !!!!!!!

الرجاء ترك مالا يعنيكم جانبا
التعصب القبلي ليس وليد اليوم وكل عود بدخانه ! بس موضوعكم مار علي 000!!!!!!!!!!! وين!!

بتعرفون قريب
(محب الهيلا ) احبك الله0000000000 ولازال البحث جاري
لاتقاطعني
(((( فديت اعتيبه الهيلا من الف حتي الياء ))

[صقرالقثمة]

أول شي السلام عليكم ورحمة الله وبركاتة

اول شي هدوا الوضع ياشباب اخوي ربعي عتيبة ومحب الهيلا مهما كانت نوايا البعض منا فلنا الظاهر وبصراحة الرسول قال من ترضون دينه والشباب كاتبين في ردودهم عبد او ماله اصل وش ذا الكلام طيب الي ماهو قبيلي ما يتزوج خافوا الله حرام وهذه الظاهره الي قالها ربعي بدت تقل والحمد لله ما ننكر وجودها لكن في ظل قلة الرجال عقلوا اولياء الامر
واهم شي بالموضوع اني عتيبي وبتزوج عتيبيه اقولكم ليه لاني يوم خطبت سالوا عني وقالوا اهم شي يكون عتيبي لاني خطبت من قبيلة ثانيه من برقا يعني مو من القثمة هذا يدل انه الظاهرة موجودة وشكر لكم .....ومالنا ومال النوايا....

[السبيق]

المشاركة الأصلية كتبت بواسطة عتيبه ربعي

السلام عليكم ورحمه الله وبركاته

اخواني في هذا المنتدى الطيب

من خلال معرفتي بالعتبان عن قرب

اجد لازالو لديهم عصبية قبيلة وبالذا ت في امر الزواج

بالذات بعض افخاذ الروقة والنفعة وغيرهم

لماذ هذا التعصب والرسول وصنا ليس بالنسب او نفس القبيلة قال بمعنى الحديث من ترضون خلقه ودينه فزوجوه


لكم كل التحايا

وعليكم السلام ورحمة الله وبركاته
اول شي وبدون زعل اشك في انتمائك الى قبيله عتيبه
اقولك سبب شكوكي
لوراجعت ماكتبت لوجدت مايثير الشكوك وكأنك تكتب عن قبيله ثانيه
لاتعلم عنها سواء برقا وروق
ثانيا اخي الكريم كلامك لاوجود له من الصحه على الاطلاق
ثالثا ليتك تشوف لك موضوع يستحق الجدال لكي تثبت انتمائك
للقبيله وتقل تحيات
السبيق

[عبدالرحمن الهيلوم]

المشاركة الأصلية كتبت بواسطة السبيق

وعليكم السلام ورحمة الله وبركاته
اول شي وبدون زعل اشك في انتمائك الى قبيله عتيبه
اقولك سبب شكوكي
لوراجعت ماكتبت لوجدت مايثير الشكوك وكأنك تكتب عن قبيله ثانيه
لاتعلم عنها سواء برقا وروق
ثانيا اخي الكريم كلامك لاوجود له من الصحه على الاطلاق
ثالثا ليتك تشوف لك موضوع يستحق الجدال لكي تثبت انتمائك
للقبيله وتقل تحيات
السبيق

------------------------------------------------------------------------

الهيلوم ( يقول ) بيض الله وجهك(( يالسبيق )) 0اختصرت المسافات
لاتلومه يموت في اعتيبه جاي خصوصي ليحل مشكلة التعصب!
وبكره موضوعه بيكون البطاله وطرق حلها

[صقرالقثمة]

وش فيها البطالة وطرق حلها ياهليوم موضوع يستحق الطرح اذا انت منت ملاحظ البطالة وين ايش ولا اتوقع تكون خايف من تتكلم بمواضيع ماهي قدك حبيبي لابد ان تحترم راي الاخر ولا يكون نقدك محل تجريح ككالتشكيك بانتماء صاحب الموضوع ياخي احسن النيه ان بعض الظن اثم...