أبن سرحـآن .. نبي نتعلم منك

[المقدام]

صح بدنك

يالغبيوي ومتابعتك شرف لي

[فايز بن سرحان الثبيتي]

مواثيق القبايل تلتزم فيها كبار اسليم = وانا عهد ٍ علي اني لامشيها على شاني
وانا طيب ليا طاب الزمان ولا خسرت القيم =افل احجاج ربعي واتعشى قسم عدواني

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فايز بن سرحان الثبيتي]

جميع الرائعين الذين شرفونا باطلاعهم لاعدمتكم ولا عدمت اطلاعكم


......


والعذر على القصور

[المقدام]

مواثيق القبايل ماتغير وانشد ابو خشيم = والن كانك معي تبلش ترى مانيب بلشاني
تقوله والفعل بيٌن ولو صادق طرحت الريم = مادام أنك ولد عمي ترى هرجي من لساني

[فايز بن سرحان الثبيتي]

رحى الايام قامت تدرج فيداك يابن عثيم = احسبنك منول تاجر مخباك ملياني
ولكن دامت الدعوه كذا ماني هناك مقيم = انا اول من وصل قمة كرى ماحد تعداني

[المقدام]

أسف على التاخير بس رحت للمحاوره اللي بين فهد العازمي وتركي الفين

الختـآآم عندك يابن سرحان وتشرفت باللعب معك

وإذا بذر مني خطا العذر والسموحه

تقوله وانت ماعندك حصيل فموعد التسليم = تجنب عن طريق الحق ثم تقول زعلاني
مادام أنك وصلت أبشر نبى نرسل لك التكريم = ولكن مانته بقدمي وموقعكم ترى وزاني

[فايز بن سرحان الثبيتي]

صح لسانك يالمقدام

بيتك مسك الختام

ولا جا قصور

[حمد العطاوي]

صح لسانك يا المقدام

[المقدام]

ابن سرحان

صح لسانك ولاهنت على هالطاروق

حمد العطاوي

صح بدنك