الله من قلبٍ به الهم يزتاد

[علي فلاح العضياني]

السميري




لاهنت يالغالي على المرور نورت الصفحه

التوقيع

(( رأس الحكمه مخافة الله ))

[علي فلاح العضياني]

فيصل الدرباس




لاهنت على المرور ياالغالي



وصح بدنك

[علي فلاح العضياني]

سلطان الجذع




لاهنت اخوي على المرور


وصح بدنك


اخوك الفالح

[ابو فهد العمري]

القلب دايم في نحى الزيـن ينقـاد
سبحان من كمل حلا ناعـم العـود
بعض الصدف خيرٍ من الفين ميعاد
صادفتها فالسوق من غير موعـود
يوم الخميس وخامس ايام الاعيـاد
ما انسى هذاك اليوم والرب معبـود

الفالح /صح لسانك
عسى الله يعقل علانا وعلاك
من زمان وانا ودي اقراء شعر وكلمات جزله
سجل اعجابي ودعائي لك بموفور الصحه والعافيه
ولاتكون هذي القصيده الاخيره وصدقت (بعض الصدف خير من 2000ميعاد
أخوك /ابوفهد العمري

آخر تعديل ابو فهد العمري يوم 24-Oct-2007 في 03:48 AM.

[شاعر القوابعه]

صح لسانك على القصيده الراعه

[شاعر القوابعه]

صح لسانك على القصيده

[هلال العتيبي]

المشاركة الأصلية كتبت بواسطة الفالح

السلام عليكم

بعد الغياب الطويل اضع بين ايديكم هذه القصيده ارجو ان تحوز على رضاكم

الله من قلبٍ به الهم يزتاد=همّه مع الايام من زود في زود
هموم قلبي بين صادر و ورّاد=والقلب لهموم الشقا عدّ مارود
الليل كله ما اتهنّا بمرقاد=يوم العرب فالليل هجّاع و رقود
والنفس صايمةٍ عن الشرب والزاد=مالي هوى بالزاد لو كان موجود
انا هوايه شوف مركوز الانهاد=اللي مضاله وقت غايب و مفقود
القلب دايم في نحى الزين ينقاد=سبحان من كمل حلا ناعم العود
بعض الصدف خيرٍ من الفين ميعاد=صادفتها فالسوق من غير موعود
يوم الخميس وخامس ايام الاعياد=ما انسى هذاك اليوم والرب معبود
اوصافها يا زينها بالتّعدّاد=مالي بغيره في هوى البيض مقصود
الخدّ نوره فوق نور القمر زاد=يشدي لبراقٍ سرى نوّه يقود
وحجاجها بالوصف مبري ومنقاد=وأهدابها نعّاس وعيونها سود
وفالمبسم الله جامعٍ بين الاضداد=والخشم سلّة سيف مرهف ومحدود
والطيب والريحان والورد والكاد=فوق الجديل اللي على المتن مرجود
ابيات شعري فيه تقصر عن الماد=حتى و لو ابذل معه كل مجهود
اخذت انا وايّاه جلسه ومقعاد=على النقا وبعيد عن كل منقود
جلسة شرف على قوانين الاجداد=النا مع الشيمه مواثيق وعهود
واقفى ورجواني بجيّه ومعواد=وهذي ثلاث سنين ما اظنه يعود
يا عزّتي لن طوّل الوقت ما عاد=وقلبي تلاوعه الهواجيس يا سعود
صبرت لين الصبر طوّل ولا فاد=صبرت صبرٍ ماله قياس و حدود
المسعد اللي ما شكى هجر و ابعاد=يقضي حياته كلها سهود ومهود
وغير الهموم الحب فعله فالاكباد=ايداوي كبودٍ ويجرح له كبود

وسلامتكم

سالم وغانم يابعد حيي
الله الله يامبدع
صح لسانك اخوي الفالح
عدد برقا ورود
تدري وشلون انزل السوق كا اسبوع
ههههههههههههههههههههه

[علي الثبيتي]

الله الله
يالفالح
انا وياك فالهواء سوا
صح لسانك جزله من راس جزل

التوقيع

ماني بلا روقي ولا برقاوي = انا ثبيتي جد روق وبرقا

[فهد النفيعي]

يعطيك العافيه .. ولاهنت


ولك التقدير والإحترام

[علي فلاح العضياني]

اشكر الاخوان على الاطراء الجميل والمرور الكريم