أوراق شــاعــــر

[هلال العتيبي]

أكبــــــــر فخــــر شهـــــادة النـــد للنــــد
وانت الذ ي حايـــز على اعلى شهــــادة
الفـــــل والريحــــــان والورد يشهــــــــد
انّك رغـروس الـــــورد وانّـــــك بـــــلاده

[هلال العتيبي]

ليتك تجي وتشوف وش صار فيني
قلبي بعـــد غيبتك ذبلت غصونــــه

نبع الغــــلا اللي كان بينـــك وبينـي
ليه اختلف طعمه وشكلــــه ولونه؟؟

[هلال العتيبي]

ماسألت الليل عن قصـــة غيابك

ادري ان الليل مايخفــــي قمــــر

كان حظي جادلي يازين جابــــك
...
وكــــان ماجابــــك ف لله الامـــــر

ودي اظماحيل واروى من سرابك

وابرد انكان آخر احساسك جمــر

[هلال العتيبي]

الله ياكثــــر ماتطـــــــري على بالــي
احيان اظن انّك اقرب من نظـر عيني
وانا مـــع الناس والاّ جالـس لحالـي
مامنـك فكّــة مخاوينـــــي مخاوينـي
لاتحسب اني لو يطول الزمن سالي
لازال جمرك ونار الشــــوق تكويني
وجهك سكن في جميع وجيه عذالي
من لامني عنك اشوفه فيك يغرينـي

[هلال العتيبي]

اللهم بارك لنا في شعبان
وبلغنا رمضان
وكل عام وانتم بخير

جيت تغمرني اطياف الفـرح والسعادة
والمشاعر نسايم والاحاسيس نااااوة
جيت اهنــي بوافــدنا وحـــي الوفادة
واتنقّى من اسمــــان المعاني نقـاوة
ليش لا؟! لـــو تفرّغنـا شهـــر للعبــادة
في صيام وقيـام وبين ذكـــر وتــــلاوة
نترك الهرج ف الناس الذي صـار عادة
بعضنا صاير لسانـة ســـواة الهـــراوة
ناصل الرحـم لو ان القطيعــــة مراده
تبّت ايد القطيعـــة كان صارت ضـراوة
ليتنا نلبس ثيــاب التقـــى والرشــادة
وانتعامـل مـع الجـار بوقـــار وهـــداوة
والتعصّب بغيض ولا سقى الله بـلاده
والله انّــه نذيـــر التفرقـــة والعـــداوة

[هلال العتيبي]

من صندوق الصادر
لاتقــــول ناسينــي وانا مانسيتـــك!!
لاتقــــول يوم العيد ماارسل رسالة!!

انتـــــه خويــــي وان بغيـــتك لقيتــك
نايـــــف/ وتشبـــه للحجــاز وجبالـــه
ــــــــــــــــــــــــــــــــــــــــــــــــــ ــــــــ
كل عام وانته بخيـــــر وعيدك مبـارك
يااللي بشوفك وقربك يكتمل عيدي

حبيت اهنيك قبــــل الكــــل وابــارك
واهديـــك ودّي وبيتٍ كاتبه ب ايْـدي

[هلال العتيبي]

سلطان من لليتيم اللي يهـــــل العبـــــار؟=واللي على كبده همــــوم الليالي وطـن؟
من للمعاق الذي عافــــه زمانـــه وبـــــار؟=بعدالله إلا انت يالشهم الكريــــــم الفطــن
من للمساكيـــــن والمرضى كبــار وصغار؟=غيرانت ياللي عن انسانيتـــــه م انشطن
احييت مكــارمٍ توشـــــك علـــى الاندثــــار=هبّت بجــــودك نسانيس الصبا وانشطـن
بشاشتــك موطــــن آخر للمواطــــن ودار=في ضحكتك فجر ساطع وابتسامة وطــن
حنا فقدنا سنـــا بدر وشعـــــاع وفنـــــــار=إلاّ فقدنا السخـــا واكرم يديــــنٍ عطـــــــن
ياراس مال الشهامــة والكـــــرم والوقـــار=تفخربك الارض ياسلطـــان ظهـــــر وبطن
مير العزاء في حبيب الشعب حام الذمـــار=مليكنا بالعطــــــا الوافـــر يدينــــه سطــن
ونايف مغرّبــل الارهــــاب ليــــل ونهــــــار=شيخٍ بناله قصـــر في كـل قـلب وقطــــن
بين الملك واسرته والشعب جسرٍ عمـــار=مبني من الصلب والفولاذ ماهـــو قطــــن

[هلال العتيبي]

ياربي اجعـــل عيد الاحبـــاب دايـــــم
واشملهم برحمتك عيـــدٍ بعد عيـــــــد
واجعل قسمهـــــــم من كبار الغنايـم
ضاعف لهـم غفرانك وفضلـــك وزيـــد

[ابو فايح]

وااااااااصل

ونحن لك متابعين


اجد لديك ما الا اجده عند غيرك الا القليل


صح لسانك لين ترضى

[هلال العتيبي]

المشاركة الأصلية كتبت بواسطة ابو فايح

وااااااااصل

ونحن لك متابعين


اجد لديك ما الا اجده عند غيرك الا القليل


صح لسانك لين ترضى

ابوفايح
فاح متصفحي عطرا بمرورك
تشرفني متابعتك ياأمير
اخووووووووووووك