أوراق شــاعــــر

[هلال العتيبي]

الورقة 60

نحتّلـك ياملهـم الشعـــر حرفيـــن=في صخـرة احساسـي بمعـول حنينـي
ولونتهــا مـن سايـل فالشراييـــن=باسْمـك ورسمــك وسمهــاياظنينـي
ان قلت ياحرفي تمهّــل علــى ويـن=قــال الـورود اليانعـــة تهتوينــي
قلت اثقل احبابـك تراهــم ثقيليـــن=وقلوبهـم مثـل الصخـر ماتلينــــي
قال الظبي يجفل ولو ترمـش العيـــن=يخشى سهام اهل الـردى الحاسدينــي
لاتلومني فاللي حروفــه بساتيـــن=محفوفـةٍ بالـفــل والياسميـنـــي
ان هبت النسمـة تفـوح الرياحيـــن=والزهر والروض الخضــر يحتويـنـي
انـا نويـت اخلّـــده فالـدواويـــن=ايضاً و ابروز صورتــه وسط عينــي
واكتب له بلون الشفــق عشت يازيـن=حسبي علــى اللي حـال بينك وبينــي

[هلال العتيبي]

الورقة 61

ضيفة خفوقي مرحبـا والحشـا دار=مفروشـةٍ بالـورد والياسميـنـي
اليـا لفـى شـرواك للقلـب زوار=ان ماوسعك القلب تاسعـك عينـي
من يوم جيتي والحشى زحمة انوار=والسعد واطياف الفـرح تحتوينـي
كيف اقتحمتي قلبي وحوله اسـوار=وكيف ارتويتي من مـوارد حنينـي
ضيفة خفوقي مرحبا كثـر الامطـار=اللافيه مـن بعـد غيبـة سنينـي
ماجيتي إلاّ نسمة وعطـر وازهـار=وطيبٍ بقى ف/ثيابي وفـي يدينـي
شاعر وقلّطتّك على عذب الاشعـار=وفنجال(ن)مبهّـر تحوفـه يمينـي
وانتي سواليفك كمـا شبّـة النـار=جمـر الغـلا وقّـاد بينـك وبينـي
يسعدني اهديلك من الشعـر تذكـار=وانحت حروف اسمك على الفرقديني
اناقصيدي ديمـة وحـرف مـدرار=يفرح به القلب الخلـي والحزينـي

[هلال العتيبي]

الورقة 62
تهمنـــــا مصر والباقي بكيفـــه يروح

يروح حسني والاحزاب وشعاراتهـــا



ارض الكنانة مجار من الالم والجروح

جـــروح ياللاسف صعبٍ مداواتهـــــا



يامصر دم العرب في كل عرقٍ يفــوح

مع حفظ حق الشعوب وحق ثوراتها



لكن لاتتركــون ام العروبــــة تنـــــوح

من حقهــــا نفخربهـــا وبحضاراتهـــا

[هلال العتيبي]

حصدت الصمت وانا باذرن قمح الحكي بالكـوم=خسارة ياكثـر زرعـي ويـا قلّـة محاصيلـه
وانا مااحب جلد الذات ولااعشق سيـاط اللـوم=ولاارسم للاماني حلم واغـرق فـي تفاصيلـه
وسوق الرخص مافكرت اجيه ولااشري ولااسوم=اعاف اللي بخس وزنه والـوم مطفّـفٍ كيلـه
احب اللي هواني واذكـره بالساعـة وباليـوم=ولاانسى صحبة الغالي ولو شحّـت مواصيلـه
افصلّه من احساسي ومن خام القصيـد هـدوم=واجيب الحرف من بستـان ورد وود واهديلـه
انا مااكون شاعر كان مااهدي للنجـوم نجـوم=واغيّـر للشفـق لونـه وابعثـر للقمـر ليلـه
يسافربي حنيني كلما انشا فـي سمـاي غيـوم=لقلبٍ يحتويني طـول عـرض وهمّـي يشيلـه
عليه من الغلا ومن الهوى ومن الجمال وسـوم=اليا نامت عيون الخلق جتنـي غازيـة خيلـه

[هلال العتيبي]

انا وعدتك مااتنـــازل عـــــن هـــواك
حتى ولـو حسني تنازل عن مصـــر
رسمتلك درب الهوى وانت ب/هواك
انــــا على ما قلتــــه من اوّل مصـــر

[هلال العتيبي]

إلاّ الوطن ماعندنا فيه مرة
ماعندنا في ذرّةٍ من ترابـه
ياحلوه وياحلو حلوه ومــرّه
غير الجمال عيوننا ماترابه

[مرزوق حمدان العتيبي]

..

.
جميله ومشوّقه هذه الاوراق ياهلال
صح قلبكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[هلال العتيبي]

المشاركة الأصلية كتبت بواسطة مرزوق حمدان العتيبي

..

.
جميله ومشوّقه هذه الاوراق ياهلال
صح قلبكــ

مرور من نور يامرزوق
اضفيت على اوراقي جمالا وانا اخوك

[هلال العتيبي]

راجعت صفحـــــة هوانا مالقيت إلاّ
ابياتي اللي بعطـــــر الورد كاتبهــا
وانته على هامش الاوراق تتسلى
ترسم قلوب وسهم الحب صايبهــا
يانفحـــة الورد والريحــــان والفــــلا
ذكراك تلفي على النفس وترتبهـــا
لبيــــه لــو كنت تتبغــــدد وتتغــــلا
انا كذا اعشق نجوم الليل واطلبهــا
واهوى بروق السحاب وجاهز هــلا
والغيمة اللي همت وارخت ذوايبها
واطرب لروض زهاه الفجر والطـــــلا
وارض خيالية امشي في مناكبهــا
وان قلتلي شوف غيري قلتلك كـلا
ياجوهرة روحــي وغايــــة مطالبهــا
صحيح ياصاحبي عهـــد الجهـل ولا
صرت اجبرالنفس واردعهاواحاسبها
إلاّ قضيــــة غرامـــك مالهـــــاحـــلا
ف/اسمى مطالبي وفااعلى مراتبها

[هلال العتيبي]

من قال نامت عيون الحب صدقني
ماغاب طيفك عن عيوني ولاليلة!!؟؟

حتى وانا بين خلــق الله تسرقني
واسترجع الماضي وروعة تفاصيله

انت الذي في بحور الشوق تغرقني
واخــرم لفنجانك اللي زايد هيلـــه

لو تشّر اجيك والاشواق تسبقني
القلب يمّك قبل يمطر يجي سيله

ياما ليالي وجمر الشوق يحرقنـــي
م غير اسولف لطيفك عنك واشكيله

ادمنت سجنك ولو حاولت تطلقني!!
اسرق مفاتيح قلبك وارجع بحيلـــــة

وان حاول انسان عن دنياك يفرقني
اقول ياعمّــــي تنيّل قتــــك نيلــــة

خلّوا حبيبي بحبل الـــود يشنقني
انا كــــذااحب تعذيبــــه وتدليلــــــه