ألفاظ تشتهر عند العتبان"شارك معنا"

[ابو فالح]

يلامج ماقد سمعتها تنقال الا زي

"يلامج قفاه المشعاب"

خخخخخخخخخخخ

[ابن مشيب]

المشاركة الأصلية كتبت بواسطة ابو فالح

أزّني (بتشديد الزاء) = اسقني ماء

الصحيح: اسني وليس أزّني الى اذا كانت تستخدم عند بعض عتيبة كذا الله اعلم

[ابو فالح]

مادري عنك يا ابن مشيب اذا انتم غيرتوها

بس انا اعرفها عند ربعي المقطه " ازّني " من يوم عرفت العلم

[وصل العطياني؟؟؟]

الكلام الصحيح مع المقاطي

قال اسّني ؟

وش أسـني يا بن مشيب

يعني لو جاء واحد عند ناس متحضّرين شوي زيي

وقال لهم يالربع أسـّوني ...

على طول نجيب له البلاي ستيشن



صحح معلوماتك يا بن مشيب ...

شكل هذا تأثير الغربة في بلاد الرافدين


تحياااااااااااااتي.

التوقيع

na111na@hotmail.com

[ابن مشيب]

اهلاً بك يابوفالح , اشكرك على التعقيب

اما اسني فهي تستخدم عند اكثر العتبان كماسمعتها ولم نغيرها , وقد تكون هناك لهجه اخرى لم اسمع بها , وهذا الموضوع افادنا بهذا الخصوص كثير , والله لايهينك


ابومشهور وبك الحضاره وين جتك ووين جيتها انت تذكرني بالبدوي يبا التطور , حطله جرس في خيمته , ضاراً بكثر المسايير وحط الشحم في الصياني لعطران الشوارب

والغربة عزاً للرجال وقوة

والله لايهينك يابومشهور

[وصل العطياني؟؟؟]

غدوة = اليوم الصباح

ليتــَــلالا = قبل ( قبل البارح)

عشــْــتامِـس ( بسكون الشين ) = أمس العصر

يسـتهـَمِـي = يأخذ شيء ماهو له ويقول انه له ..

المـهـَرِي = التسذوب


ماله طسـْق وفي رواية ماله عيّنة = ما فيه احد من نوعيـّته

السّــحاحة = هذا اللي ما عم يفهم


الصَّــهـَيتمي ( بفتح الصاد والهاء) = مثلما تقول فهد الحيــّــان

والقادم أحلا وأحلا



تحياااااااتي

[البرقاوي نت]

ليتــَــلالا = قبل ( قبل البارح)


الصواب اخي ليت ألـوّل بسرع شوي

[سلطان النفيعي]

السلام عليكم

فلان رامة(بتشديد الميم) اي اكله يروع
ماله شريدة اي لم يبقى شئ منه او وجد مقتولا
دونه وردت في التوقيع اعلاه
تواليه بجانبه



ولكم خالص تحياتي

[وصل العطياني؟؟؟]

المشاركة الأصلية كتبت بواسطة البرقاوي نت

ليتــَــلالا = قبل ( قبل البارح)


الصواب اخي ليت ألـوّل بسرع شوي

وانا اقول الصواب اخي ليتــلالا

لأن ليت الأول معناها قبل البارح ...

لكن الليلة اللي قبلها ليتلالا ...

والشاعر يقول :

كريم يا برقٍ سرى ليتلالا=من خلقتي ما شفت مثله سرى برق
قالوا مثل مبسم هيا قلت لالا =بين البروق وبين مبسم هيا فرق

تحيااااااااااااتي

[مقلوع المناصير]

والله الموضوووع الطييب هذاا احب الموااضيع اللي كذاا

بس فيه كلمه هذي حنااا نقوولهااا بعد (((يسـتهـَمِـي ))))

خخخخخخخ زين والله انا بحووط فالموضووع كله وبشووف بعد كمن كلمه

تسلموووووووووووووون واللله معلوومات مفييده