محاورة رباعية مباشرة مع أربعة من نجوم المنتدى

[عبدالله الجـــذع]

عبدالله الجذع

انت تسمع الرجال وش يقول !!!

ماجاب ابو زيد الهلالي غير زيد
ياطيب الاذكار والساري سـرى


الأسطوره لاتدقق




...
روح يالسمي عليهم والله اكبر..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بندر المرشدي]

ناصر المرشدي

سلام تسليمةٍ معها يقوم 4=على جميع الحضور تعم وموزعه
ياعلها ليلةٍ بما حوت ممتعه=الحي يحييك والميت يزيدك غبن

قال المثل مال الحديد الا الحديد=الليل ياشعار والساري سرى

طلال الثعلي

ياناصر المرشدي سلطان كتف يداه=والحربي الله مع العتبان يسعد مساه
لكن انا ابنشده وآخذ علومه ...عساه= والحي يحييك والميت يزيدك غبن

الحربي اللي لاقريب ولابعيد=لكن اله مقدار والساري سرى

سلطان الجذع

يامرحبا ياهلا.... حيا الله اللي حضر =مع قومة ..الاربعه يبا .يطيب السهر
يابحر تدريٍ ان ماقدامك الا بحر =والحي يحييك والميت يزيدك غبـن

لاوالله الا جابك الحظ السعيد =والزند يقدح نار ..والساري سرى

عبدالله الحربي

الله يسعد مساكم يا جميع الحضور =هذا محلي ولا جاء من جهتكم قصور
وانا معك يابن ثعلي في جميع الأمور = الحي يحييك والميت يزيدك غبن

الطيب يفيد الرجال ويستفيد=وللطيبه يختار والساري سرا

ناصر المرشدي

دام البقاء يالمرحب عن جميع الحضور=يالصاحب اللي حضوره زود النور نور
تراك قبل الكلام اللي تقول مخبور=الحي يحييك والميت يزيدك غبن

الحظ جاك بقوم اولو باسٍ شديد=منها الكبار صغار والساري سرى

طلال الثعلي

انته شبابي وحنا في شبابه سوى=سالم ومسروح والروقه وبرقا..دوى
ونجما تعلا ونجماً من مكانه هوى=الحي يحييك والميت يزيد غبن

اعلومكم ماجات مع ساع البريد=في نشرة الاخبار والساري سرى

سلطان الجذع

فالشعر نوع يتوفى في سموع الغواه =ونوعٍ حسب معدنه يكتب له الله حياه
جاء في كلامك كلام بخانه الاشتباه =الحي يحييك والميـت يزيـد غبـن

احيان باس الرجل ينقص مايزيد =لاطول المشوار ..والساري سرى

عبدالله الحربي

حنا ترانا سوى من ماضيات الليال = انساب واصحاب ما فيها شكوك وجدال
يشهد عليك المزاين يا كريم السبال= الحي يحييك والميت يزيدك غبن

با البنك يا بن الناس انا عندي رصيد = ثابت ولا ينهار والساري سرا

ناصر المرشدي

ماقلت غير الكلام اللي عليه الكلام=ياعل من سمع قولي قال لي ياسلام
حرام ياصاحبي سلطان والله حرام=الحي يحييك والميت يزيدك غبن

ماجاب ابو زيد الهلالي غير زيد=ياطيب الاذكار والساري سرى

طلال الثعلي

صحيح حنا سوى من حكم عبد العزيز=والا منول مع المطران والانقليز
لكن تبقى عزيز وفي مكانا عزيز=والحي يحييك والميت يزيدك غبن

ان كان ماتدري عن العلم الجديد=رح وانشد الشعارر والساري سرى

سلطان الجذع

شاعر وماهر وتهرج باللسان الفصيح =وانا مااذمك ولا كثر عليك المديح
ماتحذفه في سماك بداخل ارضك يطيح =والحي يحييك والميت يزيـدك غبـن

لو تنشد اللي للحساء راحوا مديد =قالوا ياكثر الخار ..والساري سرى

عبدالله الحربي

يا صاحبي يا العتيبي لا تزل الحدود = مالي مع مطير صحبه من قديم الجدود
حنا حربنا الدول من سابقات العهود= الحي يحييك والميت يزيدك غبن

اللي موصلك الخبر رجل بليد=غافل عن اللي صار والساري سرا

حقوق التنسيق محفوظة لــ معجب العتيبي

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ناصر المرشدي]

ياسطورة المنتدى يكفيك هذا الاسم=وان جاء مجال المعاني والقصيد ونعم
تاخذ وتعطي يابن عساف بس المهم=الحي يحييك والميت يزيدك غبن

ماغنت الورقى على خضر الجريد=مع عازف الاوتار والساري سرى

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

[طلال الثعلي]

هذي حقيقه وانا عندي عليها دليل=يوم المطاري تركم فالمكان المهيل
انتم تشوفون ناره..والمطيري ذليل=الحي يحييك والميت يزيدك غبن

الله يعوًض حرب في هاك الفقيد=من يكمل المشوار والساري سرى

[زبن الدخيل]

الله الله الله
ليلة من اجل الليالي


والصف معروف ومحدد من زمااااااااان

ألعب ألعب ألعب

[طلال الثعلي]

عبد الله الحربي........


بيض الله وجهك......


ماقصرت ياذيب...


نتعلم منك لاعدمناك........



والمعذره لن كان حصل قصووور.......


ووجودك بيننا شرف .....


تحياتي

[طلال الثعلي]

مسك الختام عند عبدالله وسلطان......


المعذرة عندنا دوام ......



تحياتي للجميع

[طلال الثعلي]

ناصر المرشدي.....


كفو ياولد العم........



سلطان الجذع


ماقصرت..



تحياتي

[عبدالله الجـــذع]

زبن مايحتاج ..

انا احتريك من اللاله...


وماعليك الأسطوره والسمي متولينهم هههـ

ومازال للأبداع بقيه.

[سلطان الجـذع]

ياصاحبي مايكبرني بوقتي لقب =ياللعجب من كلامٍ قلت ياللعجب
تراك علقت روحك فوق غصن النشب=الحي يحييك والميت يزيدك غبـن

بكره يبي يبدي لكم يومٍ جديد =ياللي حديت يسار ..والساري سرى