السلام عليكم
مصافحه جديده متواضعه اضعها بين ايدكم الكريمه واتمنى ان تنال على القليل من اعجابكم
وذائقتكم الشعريه
حلمت حلم البارحـه يابـن عيبـان=وفزيت من نومي من اللـي جرابـه
وقمت اتعوذ منه مـن كـل شيطـان=وجلست افكر فـي خطـاه وصوابـه
حلمـت بنـي نـازل ٍ بيـن وديـان=تخاطف ازواله علـى اللـي وطابـه
واشجارها متشابكه بيـن الاغصـان=وظـلام ليـل ٍ مادلـه مـن سرابـه
وصفق الهوى من بين الاغصان رنان=منها يكـش الجسـم داخـل ثيابـه
ولقيت فيها اجناس واشكال والـوان=وفيها اختـلاف بالطبـوع وتشابـه
ولقيت فيها قبور واصنـام واوثـان=واطـلال دار ٍ مـن سوافـي ترابـه
وناس تعبد الشمس من زود طغيـان=وناس عن المعبـود تلقـى خطابـه
وناس تعبـد النـار زور ٍ وبهتـان=مافكـرو بالديـن واللـي سعـابـه
يعني اختـلاف كلهـا بيـن الاديـان=مانزل بها رب البشـر فـي كتابـه
مانزل بها الله من على الدين سلطان=والا ومر فيهـا النبـي والصحابـه
ولقيت قصر ٍ من على العـز بنيـان=بانيه من يبغى الـذرى فـي رحابـه
مخرجه باب ومدخله عشـر بيبـان=ويذهلـك لوتنظـر متاريـس بابـه
يجملـه مـن خارجـه رسـم فنـان=وان وقت مع بابـه لقيتـه خرابـه
متهايل مهـزوز مـن دور الازمـان=وصابر على مـر الزمـان وعذابـه
وغور ٍ مشاريبه فـي كـل بستـان=عقب العذي من ماه صافـي شرابـه
هو من ملوك الارض من نسل فرسان=وبين العـرب دايـم عزيـز جنابـه
لين البلاد اجتاحهـا اليـوم عـداون=وصـارت بـلاده عرضـة لنهابـه
وانهار ملـك هيبـة بيـن الاوطـان=من شرق والا غـرب كـل ٍ يهابـه
شاف الخيانه من شعوبه والاعـوان=والكل منهـم قـام يشكـل عصابـه
ماهي مطامع من حناشـل وسرقـان=شي كبير وسعـد مـن هـو هنابـه
وعرش الملك تلعبه يديـن رعيـان=اللي فـرض حكمـه بعـز ومهابـه
اصدر اوامر كلهـا اليـوم عصيـان=وجيشه غدى قسمين عقب الصلابـه
البعض له نقش الولاء بين الاعيـان=والبعض كيف الحكم ينـوي انقلابـه
واللي معه شجعان وتموت شجعـان=وكـل علـى موتـه ينـوخ ركابـه
لكن جمـوع الضـد ِ اعدادهـم وان؟=كثر الدبا وشلـون تحسـب حسابـه
ويصفق لك الكفين حسـره وندمـان=من جرح حاربه الدوى فـي صوابـه
يذكر فتوحاته على اطـراف ميـلان=وجنوب قبرص كم هجـوم ٍ سطابـه
وينفض لك البيرق على ديار يونـان=والمـوت لاقبـل قـال يامرحبـابـه
ثورة جموعه انثورت ثـور بركـان=سيل مـن النيـران كـان اعتزابـه
ويومنه ايقن مالـه اليـوم مزبـان=قال الزمن ملعون مـن هـو هقابـه
وساقوه للاعدام مـع صـوت الاذان=معلن علـى الدنيـا لربعـه ذهابـه
ومشيت عنه وداخل الصـدر نيـران=عابر ولالـي حيلـة ٍ فـي مصابـه
ولقيت من يبكي على ماضـي كـان=حنين ماضـي حـنّ لـه وانتحابـه
ولقيت من يشكي لي هموم واحـزان=والوقت حطه بيـن ضرسـه ونابـه
ولقيت فيها اخوان بس ماهم اخـوان=كل ٍ علـى الثانـي يشيـل الحرابـه
قلت اصبروا من بينكم جيت بأحسان=قصدي سؤال الصلح وابغـى جوابـه
تشـاورا ثـم قالـوا اقـول يافـلان=شـي ٍ جهلتـه ياولـد وش تبابـه
ماعاد نبغى الصلح لو كـان ماكـان=والسيف يعرف سلتـه مـن نصابـه
قلت اسمعوا من بينكم ريح شيطـان=ومن عادتي مادخـل بيـن القرابـه
ومشيت منهم ضايق البـال حيـران=في درب يتعب من هو اللي مشابـه
ولقيت فيه كهوف واسـوار ضلعـان=يذكرلي انه مـن دخـل بـه غدابـه
ديار ٍ خذوها زمـرة الجـن مسكـان=(وذرية المارد) مـن اللـي رعابـه
اخطر جنون الارض في كل الاكـوان=واسرع من برق ٍ سطـع بالسحابـه
من سحر ساحر يخدم الجن الانسـان=ادى طقوس الجـن وجنـه دعابـه
لـو ان مافيهـم تعاويـذ واكـهـان=ماشفت ساحـر طـق للجـن بابـه
سبحان خالقها على الارض سبحـان=منهـا ومافيهـا تشـوف الغـرابـه
اللي تكد الروس من بين الاحضـان=واللي يزوغ السم مـن شـدق دابـه
واللي رعش بالروح من بين الابدان=واللـي تعاقـب نـور لـه يقتدابـه
واللي يخاف الحـرق بايـات قـران=واللي ذرى بالقـاع ماجـاب جابـه
واللي يطير بدون ريـش ٍ وجنحـان=سرعت غيابه مثـل رجعـت غيابـه
واللي طلع راسه علـى راس مابـان=واللي تعلـق فـي جنـاح الذبابـه
واللي يصورلك على هيئـة انسـان=ومن البشـر مـن ميّـزه او درابـه
هي مملكة تجمع لك الانس والجـان=وفيها فرح وحـزون وهـم وكأبـه
وصورت ماشفته لكم وسط الاذهـان=لوكـان ماتكفـي حـروف الكتابـه
ومن طـاول الدنيـا تذلـه وينهـان=تتعب سراب الوقـت تطـرد سرابـه
ياوقتنـا وديتنـا فـي خبـر كـان=وشيبت منهـو كـان بـاول شبابـه
كبرت حجم الشـاه فعيـون عبـدان=والضلـع ضاقتبـه عيـون الذيابـه
يالين لك عافـوه ّ طلقيـن الايمـان=ويمكـن توصلهـا لحـد الطـلابـه
ومادام لك قلـب ٍ وعيـون ولسـان=العمـر رحلـه والليالـي زهـابـه
صدق بـأن الوقـت بايـر وخـوان=وكـذاب منهـو قـال وقتـه وفابـه
الصدر غابه وسـود الايـام عنـوان=صدر غدى من سـود الايـام غابـه
فيها الحقايـق والنـوادر والاثمـان=وياليت لوتكفي حـروف الكتابـه !!
« آخـــر الـــمـــشـــاركــــات »
11-Nov-2009, 06:45 AM
ممــلكة الانـــــس والجـــــان !!!
العرض العادي
