مرحبا بك يالمسري بعد طول الغياب

[المسرّي]

مرزوق ,, الايداء ,, المسعودي


الله يحييكم

شرفتونا بمروركم

[نايف الحميدي]

انت تال الوقت صايبك عشرين التهاب=والجروح الداميه ماجهلت اطبابها
الله الي وقعك بين ضرس وبين ناب=الحقوق المبطيه جالكم طلابها

التوقيع

[نايف الحميدي]

الايداء

فيصل المسعودي

متابعتكم شرف

[المسرّي]

شد حيلك

الحقوق اللي علاكم ترى كُبر السحاب=طوّلت لاحدن طلبها ولا يقضى بها
المسرّي ما يهاب المواقيف الصعاب=وان غزا على عتيبه سرى بركابها

[نايف الحميدي]

دام تدري ليه خليتها ضمن الغياب= ماظبطت الحبه الي على مضرابها
العتيبي سل سيفه وسيفك فالجراب=من قديم الوقت غامد يقص ارقابها

[المسرّي]

ابك حنا ما لحقنا ديون ولا عتاب=راجع الكلمه وميّز حروف كتابها
ما خبرنا اللي من عتيبه يقص الرقاب=ومن طرفهم وامنه غامد(ن)واصحابها

[نايف الحميدي]

انت لودققت مظبوط في كشف الحساب=كان ماغرتك نفسك ولاهندابها
ياعتيبه تاج راسي عزيزين الجناب= دله الرسلان ماغيركم شرابها

[المسرّي]

شاب راسي يالحميدي وانا اعلمك شاب=ما عرفتوا مشرق الشمس من مغرابها
نعم يا غامد بني عمّي سهوم العذاب=لابة(ن) كم ذوّقت سمّها .. حرابها

[الزهيري]

المشاركة الأصلية كتبت بواسطة المسرّي

شاب راسي يالحميدي وانا اعلمك شاب=ما عرفتوا مشرق الشمس من مغرابها
نعم يا غامد بني عمّي سهوم العذاب=لابة(ن) كم ذوّقت سمّها .. حرابها

والله كفو يالمسري


شدوا حليكم

أنا وماجد بنمسك الصف
الليل الليل

[سرحـــان]

يعطيكم العافيه واصلو
وارفق يالمسري يعمرك