مقعد الدغيلبي ** ديوان شاعر وعضو منتدى الهيلا**

[@ـايل]

السلام عليكم ورحمة الله وبركاته ..

اسعد الله اوقاتكم جميعا اعضاء وزوار ومشرفي ومدرا في منتدى عتيبه الهيلا ...

أقدم لكم ديوان لأحد شعراء منتدى الهيلا بل أحد شعراء قبيلة عتيبه الهيلا وانه لشرف كبير

ان اضعه لكم شاعر كبير تجد الجزاله وقوة المعنى في قصائده يجيد فن المحاوره وشعر النظم وقصيده خير شاهد على ذلك هو الشاعر / مقعد الدغيلبي

لا اطيل عليكم المقدمه فمهما قلنا لن نوفيه حقه من المدح ...






اول مصافحاته في منتدى عتيبه الهيلا

المشاركة الأصلية كتبت بواسطة ;151628

الشعر ذقتة ثم قرضته على الناب=واسترسل المرسول مافي ضميره
ودخلت بيت الشعر مع كل الابواب=وتشرب هجوسي من بحور غزيره
واشيل في صدري مشاريه وعتاب=واحس في نفسي على الشعر غيره
من شوف جاهل معتلي راس مرقاب=ويحطله بين المشاهير سيره
يقول انا عنتر وابو زيد وذياب=واحترت من وصفه ثمانين حيره
قليل عرف وصار للشعر مهذاب=غثرب على ضاميه صافي غديره

المشاركة الأصلية كتبت بواسطة ;393124

على غبة بحر ضلما غزيره=هواجيس الضمايره مستثيره
أوردها مواريد القراحي=ويروى ضاميً نوّخ بعيره
بعد جتني رسالتها من اللي =يسد الماقف ويحمى قصيره
رساله حرفها فايح بنده=جذبني حرفها بريحة عبيره
مشاعر شاعرً هاضت هجوسه=شكالي وأظهر اللي في ضميره
يقول الشعر في حاله صعيبه=قليل العرّف حوسله مريره
معانيه أستشلت في زمانه=مابين أرضوض وكسورً خطيره
على وسق السرير وفالعنايه=ويندبلي ويشكي من سريره
سعابه جاهل وغثرب قراحه=وشام اللي بغا صافي غديره
هذا مضمون ماقال ابن عاصم=وينخاني وقبقب في هديره
وناصر مايلام ومن يلومه=عساها تالي الهجره ضريره
لكن أخذ الحقيقه وافتهمها=ولو ماضاعلك حبة شعيره
أفكر والتفاكير أزعجتني=وكله من سمير ومن سميره
سمير يجر موالً مكسّر=ويسرق من لحن ليلى وأميره
ماجاب الا الرديه والنطيحه=على سلك المهازل دق زيره
شعبها بلا خطام ولا شدادي=وعرضها العسر وأم العسيره
زعم نفسه وجاك وقال شاعر=يدفونه جماهيرً غفيره
برئ الشعر من هذا وشكله=وبرئ من الكلا واهل العميره
ضعيف الفكر لو شاور وشاور=على ذمة شويره؟ ياشويره
ترى شورك سبايب نكبتً له=حسب شورك مزوزي بالشكيره
دمار الشعر اله كم عام حايم=وأنا شفته قبل يرسل نذيره
وانا وانته ياناصر والعوارف=نلاحض ماحصل في كل ديره
لكن أخذ بشوري واستمعلي=دخيلك جنبوا نفاخ كيره
تعلق بالرجال أهل التجارب=بحور الشعر وسيوفً شطيره
ترى مازال ابه عالم وفاهم=تبشر والسعد مقبل بشيره
هذا واقبل تحياتي وشكري=ياراعي مدةً ماهي فقيره

المشاركة الأصلية كتبت بواسطة ;915953

إحدى ردوده على الشاعر / مرزوق المقاطي

لله من ليلٍ حداني على الضيق=أرخى سدوله ثم نوّخ ركابه
وارسل مراسيله بقل التوافيق=همٍ يراودله وهم اللتوابه
وليا ذكرت اهل الوجيه المطاليق=ينزاح همي والكدر والكآبه
سوات ابو معتق زبون المغاريق=سيفٍ خصومه فالمواقف تهابه
متربعٍ من فوق صم الشواهيق=قام ورقابه يوم غيره يهابه
نبذه بسيطه مرفقه بالمواثيق=مجدٍ عفر منحوت داخل كتابه
واليوم يامرزوق من دون تلفيق=دخلت في غابه ماهيب اي غابه
فيها الهلاك ودونها ينشف الريق=فيها الذيابه تقتضي بالذيابه
لقيت فيها روس قومٍ محاليق=للموس فيها وقفةٍ وانقلابه
واصدورها ماكنها الا الصناديق=فيها المهابه تحتضنها الصلابه
لآ كنها بمشربكات المسابيق=على الثرى وآمالها للسحابه
واليوم نبغا الحل يامنتهى الضيق=واقبل جواب الي وصلكم جوابه

ياقلب عاشر من تعاشر واخر العشره فراق

المشاركة الأصلية كتبت بواسطة ;755778

الهاجس الي له ثلاث سنين نايم دوب فاق=قام وصحى تحت مزونٍ يشتعل براقها
وأمطر على حدب الضلوع وضاق به وسع النطاق=هلت ثعوله من مزونه والهوا مستاقها
والليله الي قفلت باب الفرح والاشتياق=خيّم ظلامه وانقفل بابٍ وراااه اشراقها
ياقلب عاشر من تعاشر واخر العشره فراق=يقولها الي عاش ليلة حزنها وافراقها
المهره الي ماتشاف ولاتباع ولاتساق=تسكن صرح اهل الشرف ماروّجت فسواقها
من بعدها خيّمت فوقي يالندم والاختناق=واسبلت دمعٍ أحرق عيون السهر واحداقها
حملتني كل الخطا واشتلت حملٍ مايطاق=واعميتني ماعاد اميز جلها وادقاقها
طوقتني بجيوش تطويق المريكي للعراق=وذوقتني طعم الفراق ولاحد غيري ذاقها
هذا وأنا مابقت معك اعهودها والاتفاق=ابقى على صرح الشرف يومن غيري باقها
وياقلب عاشر من تعاشر وآخر العشره فراق=ياصعبها ليلة فراقٍ ذقت مر افراقها

عطلة الصيف

المشاركة الأصلية كتبت بواسطة ;200249

الله من قلبٍ همومه مشاريف =ونفسٍ من الأيام زايد تلفها
أسباب منهو نتف القلب تنتيف=غرواً معاليق الظماير نتفها
جتني به الأيام مع عطلة الصيف=ياليت حظي ياعرب ماصدفها
بالوصف لو وصفت ماله تواصيف =يتعبني التوصيف يلعن (جدفها)
هاذي (8) أسنين ماطابلي كيف=وايامنا عيّت تحقق هدفها
مشتالها بين الضلوع المراديف=يومن حظي في طريقي حذفها
واشكي عليك الحال يابن مقيطيف=لك وقفت(ن) ياقل منهو وقفها
وشاعر تصرف كايد القاف تصريف= وبحور شعرك مانقص من غرفها
وقبل تحياتي وبغلى المصاريف= من شاعر(ن) در الجواهر صرفها

زحنا القبايل عن مناكب نجد

المشاركة الأصلية كتبت بواسطة ;463215

بين الضلوع الحانيه سمعتلي ذيبً قنب=عيا يهيد الا بعد ماجبت بوكه وقلمه=
شرّد بنات الفكر تندبلي واللبسها ذهب=وانحت سخر واسبح بحر والقاف اصوغه وانظمه
نظم الهجوس المقتدر لآجات حزات الطلب=والرجل ماله عذر دون اللازم اللي يلزمه
البارحه راجتبي الذكرى على نار وحطب=ذكرت وقتً فات صفحاته عذاب ومشئمه
لكن ابه قومً تضد القوم في وقت النشب=الكل منهم فاللقاء يحداه شره وحدمه
ربعي عتيبه لحتما الميقاف واشتد الكرب=عدوها دايم بذل وبالمهند تكعمه
برقاء وروق اهل الشجاعه والحسب واهل النسب=واهل الفعول النادره وقت الليال المظلمه
لطامت العايل ليا دارت دواوير الغضب=ذباحت الحايل ليا شحت كفوف المكرمه
تقبل بجمعً يارد حياض المنايا ماحسب=هيلاً ليا هالت تشابه للمزون المردمه
زحنا القبايل عن مناكب نجـد والفعل انكتب=سقنا عنه من كان يرعابه زمان ويحكمه
من دون جزيه غير بالقوه تهوش وتختطب=رغم الزمان اللي علينا كان حامي ميسمه
نرعى بحد السيف ماسقنا قناطير الذهب=السوق سيف ورمح مع شلفاً تطش الجمجمه
هذا وأنا من لابةً تشهد لها كل العرب=تاريخها بين العرب تاريخ عز وملحمـه
ألآد (منعر)لآقنب ذيب المنايا واقترب=سم الكبود ومن يعاندها تقوم وتلطمه
في ظلهم ترعى الجهام ودونها ثني الركب=ترعى بأمان من الحجاز اليا سنام المردمه
ويوم القبايل سلمت غالي قلايعها بأدب=حنا عصينا الامر وحبال المعاند نبرمه
عيا عليها اللي يسوق اطول شنب وأطلق شنب=شيخً على صرح المعالي بالفعل رز أعلمه
أخزام اخو نوره خزام مطوعً كل الصعب=أيو الله خزام الخشوم وسعًد منهو محزمه
اليا نواها ساقها بمشوكً نار ولهب=فيه الشجاعه تطًبخ من حد راسه لقدمه
وكل القبايل والنعم والها فعولً تنحسب=الها مواقيف وفعول الها فعول ومعلمه
واليوم حنا خوان مافيها نزاع ولا نشب=عبدالعزيز ارسها قواعدها عسى الله يرحمه
قضاء على الفتنه وسلها هل السيف الحدب=اعياله اللي حكمهم كله نعيم ومرحمه
وارجوا السموحه كان ابه فالعلم نقصان وعتب =الكامل الله وام أنا سر الليالي ماعلمه

لجله عملت المستحيل للي يسمى مستحيل

المشاركة الأصلية كتبت بواسطة ;521539

يا امة الاسلام حان الوقت وانقاد الشعاع

المشاركة الأصلية كتبت بواسطة ;631329

مساجله بينه وبين الشاعر / نايف الثبيتي

المشاركة الأصلية كتبت بواسطة ;527835

؛؛
رد نايف الثبيتي

الى متى وانا احتمل

المشاركة الأصلية كتبت بواسطة ;490291

الهاجس اللي يدّرج ياما طلع ياما نزل=مع ظيقةً فالصدر ماني جاهلً فسبابها
شعّره بسيطه فاصله بين الجنون من العقل=شعّره خلقها الله تهيد جنونها واعصابها
لو لآي أحكم في شعوري وأردع سهوم الزعل=يمكن تشيب رموش وقتي ثم تطيح اهدابها
ياوقت ياوقت الشقاء إلى متى وأنا حتمل=إلى متى وامسيلمه تسرد كبار اكذابها
صدقت في قول المثل لكن كذااب المثل=اللي يقول ان الصبر مفتاح قفل ابوابها
أبرك مباريك الجمل واشيل ماشال الجمل=والتافهه والساقطه من خلقتي مارضابها
ياللي على سطح الثرى واتقول ماجالك فعل=أفعولنا بأيماننا فالمكتبه واكتابها
السالفه حنّا ماخذناها من المفلى غفل=ارسومنا ووسومنا بخدودها وأرقابها
الرجل يجزاء بالفعل والنفس تجزاء بالعمل=ونفسي غنيه والمعزه مكتسين اثيابها
وصفق الهواء لو هب مازعزع شموخك ياجبل=على البسيطه راسيات اجبالها واهضابها
والحمد لله واشكره بالعقل ازيحك يالجهل=وأسكّر افواااه الذياب اللي تحد انيابها

ياسيد تلعات الرقاب

المشاركة الأصلية كتبت بواسطة ;366489

يامرحبا واهلاَ هلا ياسيد تلعات الرقاب=تفضلي بين الضلوع الحانيه واهلاً هـلا
أصك للهجران باب أفك لهل الود باب=وان قلتلي قلبك سلا والله(ليبطي) ماسلا
هذا الجواب انكان تبحث يالغلا هذا الجواب=سبع العجائب فيك مجتمعه وثامنها الحلا
أرهقتني واتعبتني مابين صدك والغياب=وهزمتني وأنا الشجيع اللي يهابونه ملا
أعميتني وأسقيتني من صدك انواع العذاب=أهيم في وادي الرشا واحيان في سبت العلا
حالي نحل يابو عسل والنفس داخلها أكتئاب=أرحم خفوقٍ ساقته يمك مجاديف الغلا
مابين جرعات التغلي والتغطرس والغياب=أنا دخيلك مد وصلك واعلن اقرار الولا
قدام تذبحني وتنهيني ضحاضيح السراب=اللحق عليه لآتخليني عشا ذيب الخلا
وانكان ناوي ترسل سهوم الجفا والانسحاب=الله معك مسموح يمكن روّحتك دفعة بلا
أنا مكاني مرتفع بين الثريا والسحاب=بين الثريا والسحاب ألي مكان ومنزلا
يحّرم عليه طردت المقفين لو النور غاب=تمنعني أسلّوم الجدود وسلّمنا علآ-علآ
أنا سلايل عزوةٍ دايم يهدون الصّعاب=كم واحدٍ من فعلهم عن حلته قام وجلآ
هنا جوابي كااان تبحث يالغلا هنا الجواب=روحي وطرد المقفيه عيبٍ عليه ياملا

رساله منه موجهه للشاعر / محمد بن مريبد العازمي

المشاركة الأصلية كتبت بواسطة ;319910

على بحر الحدا والا على المنكوس والمسحوب= تداعبني بنات الفكر ومواجي تداعبها
حسب نسج الخيال المتسع وأطلسم المكتوب= وأهيم بحورها ماهزني غبة غياهبها
لو أن الثمان بحور عجزت تطفي اللآهوب= خليجي بأكمله عجزت بحوره صد لآهبها
وابا سوق المطيه لين تبدي عالي المشذوب= تزرفل بالحموله والحبل من فوق غاربها=
على درب القصيم ولآلها غير القصيم دروب= علشان الرجال اللي توجبني ووجبها
تسلمها رساله مادبى من فوقها الدبدوب= رساله مبهمه مابين قاريها وكاتبها
بدايتها تحيه مع سلامٍ يكشف المحجوب= سلام الله على محمد عدد مبدا كواكبها
سلام الله سلامٍ يبتهج من مبتداه قلوب= وريح المسك والكادي محيطاته تعجبها
على صفحة وفا والعازمي لهل الوفا منجوب= تسلسل من عطا والطيب حبله جاك جاذبها
رجالٍ تنهي الديان والطالب من المطلوب= لحاها فالمواقف تحتمي موقف شواربها
واقول الشعر أله عندك مكانه عاليه وسلوب= كسبت النادره والنادره عادتك تكسبها
يانبراس القوافي يامجمّل وجهها المشحوب= بعث الروح وسطه وانتزعته من نصايبها
على غيرك ماسقت القاف وانته للشعر منصوب= اسوقه للفهيم وجاهل الناس أتجنبها
أعشق الطيبه والطيبه عن سوقها ماتوب= ولاحرّك شعر راسي هواميرٍ تحيط أبها
ذكرت اللي ذكرته وابتدا مشوار ابو يعقوب= سنا شمس الحقيقه تعجز الانذال تحجبها
بلشنا في قضيه تنتفض منها دول وشعوب= قضيه مابلش فكري يترجمها ويعربها
جمال البدو في حكمة بعير البدو ابو لغبوب= وابو لغبوب مايدري بمشرقها ومغربها
عطوه اخطامها وخطامها من حقدها مكروب= تحت عين وهدب ساعة غضب للضد يقلبها
مسلسل بس متهلهل ولا مراقب ولا مندوب= سفينه والرياح العاتيه قامت تموج ابها
ثياب الظلم والبهتان منها يصرخ الدالوب= صريخ الظلم يبقى لو ثياب الظلم يقلبها
تحالف مع توازر والتحالف مايفيد الطوب= صحيح ان الذنوب معلقه في عنق مذنبها
نشدتك يامحمد قلت فنجال العرب مشروب= ليا حمي الوطيس وشبت الفتنه شبايبها
صبرنا يامحمد فالليالي مثل صبر ايوب= وضاقتبه قصيم الخير مع نجد ومناكبها
مطيه والمطيه ديسها يالعازمي محلوب= على خمس الاصابع طاوعت مع غير حالبها
يابين السم في كوب العسل لو غيرو فالكوب= ومهما صار تبقى اهل المناصب في مناصبها

طعنة السكين

المشاركة الأصلية كتبت بواسطة ;356247

حكمت الروح بيدينك كما حكم الشريف حسين=لكن اليوم روحي تطلبك عفوك واعف عنها
واقول اسمح بكلمه جاهزه والقاسيات تلين=أخذها من حبيبك واستلمها زين واحضنها
فمااان الله ياحبٍ حفضتك فالفؤاد سنين=قضاء حكم القضا بإانك تغادر عن مواطنها
فمان الله واسمحلي وابعلنها على وجهين=جبرني وقتي القاسي وابنطقها وابعلنها
تمخض والسبب حبٍ يلاعبها على الحبلين=عفاء عنها ضميراً في ضلوعه كان ساجنها
كبد صدري نفذ صبري بوجهك يالزمان الشين=غدرت الورده اللي كنت بسواري محصنها
انا ماكنت متوقع تجيب الكارثه ذالحين=وضويت المطمه وانكشف خافي محاسنها
زمان الفين و(7)جرح صفحة زمان الفين=سدول الليل ترخيله حريره لجل يدهنها
تراني ماتحمل ياغلاتي طعنة السكين=قبل تطعن دخيلك ثمن الوقفات ثمنها
تناسيـت المعاريـف القديمـه والكـلام الزيـن=تجي تبعث جـروحٍ فـي فـؤادي كنـت دافنهـا
بعثت جروحها من تحت بطش السيف ابو حديـن=تهمقيـت الجـروح النازفـه وأمسيـت تطعنهـا
مسامح وأخذ مني راحتك واحكم بـلاد الصيـن=تحت دورت رحاتك كسّر ألاضـلاآآع واطحنهـا
لـك الله مانسينـا قصـةٍ دارت مابيـن أثنيـن=تخـخللها الوفـاء والحـب والعفـه معادنـهـا
وتبقى بالمحبـه والغـلى مابيـن خشـم وعيـن=على صرح الغلى فلـة غرامـك وانـت ساكنهـا

غياب مهجتي

المشاركة الأصلية كتبت بواسطة ;327991

على هجعة عيونٍ ماهناها النوم خمسـه شهـور=ثلاث شهور مع شهرين جفـن العيـن سهرانـي
وبعد مانزاح ثلث اليل واستبشـر طلـوع النـور=جنـون الشعـر ثلـث الليـل تامرنـي وتنهانـي
تفضل ياهجوسٍ في غياهـب مهجتـي محشـور=بعد مـالاح بـراق الفـرج مـن غـر الامزانـي
تباشر بالنصر دام النصـر قامـت رحـاه تـدور=علـى بـر الامـان وفالامـان وداخـل آمـانـي
نويت أنحت سخر واقطف ثمر وأسبح عميق بحور=بحـورٍ تستظيـف بقوعهـا لؤلـؤ ومرجـانـي
أعشق الكايده وآصلهـا لـو دونهـا الشرشـور=لآشاش الراس قوة بـاس يخـدم كـل شيطانـي
كذا طبعي وانـا طبعـاً لنـي مغـرم ولا مجبـور=قراده والقـراده فـي طريـق المـوت تحدانـي
هذا مؤجز هذي نبذه بسيطه فـي ثـلاث سطـور=ثلاث سطور والمجـد العفـر رمـزي وعنوانـي
وذا كله لجـل مرسـول عشـقٍ يلتطـم ويفـور=مراسيـل الشكـاوي بالشكـاوي عنـد بيبـانـي
على فراش المعـزه والكرامـه نـوّخ المظهـور=وصلـت لشامـخٍ عـز وذرى يامنبـه العـانـي
غلاي وسلوتي تشكي من اهل العمي واهل العـور=وتندبلـي بصـوتٍ نبرتـه مـن هـم وحزانـي
تبلوهـا رخـومٍ مالهـم مجـد وقصـار شبـور=عواذيـلٍ مهمتـهـا تـفـرق جـمـع خـلانـي
ماعاد أبها سكوت ولآش راي ولاستماعت شـور=ابـه نصـراً عظيـمٍ يستغيـض فـلان وفلانـي
تعالـي لعنبـو حيـك وخلـي خاطـرك مسـرور=حرامٍ من حزامـي ماحسبـت احسـاب عدوانـي
مكاني فاول الطابـور وأعشـق مقّـدم الطابـور=على هاذي حيـاة العـود قبـل يمـوت وصانـي
وانا حراً تسلسـل مـن حـراراً فعلهـا مخبـور=عشايه مـن مخاليبـي وعـزي روس جنحانـي
وانا من عزوةٍ يـوم المواقـف والسـلاح يثـور=لهل فعلٍ عظيـم وصيتهـا فـي كـل الاوطانـي
رجالٍ تكـره البـوره ولـو كـل الرجـال تبـور=سهـوم المـوت لآمـن ولعـة شعلـه ودخانـي
على عز ومعزه فـي رحـاب البيـرق المنشـور=مواقفهم عظيمـه لآحضـروا فـي كـل ميدانـي
عتيبه عزوتي حطت على نجـد المسمـى سـور=زمانٍ فـات يومـن الحصـان بسـرج وعنانـي
لنا فالمجـد مجـد وفـي حمانـا يرتعـن الخـور=ويشبع من فرايسنـا الفهـد والذيـب سرحانـي
ذكـرت اللـي ذكرتـه والحقيقـه مادخلهـا زور=وانـا شاعـر عتيبـي وافتخـر بفعـول جدانـي
هذا قول الصحيح ولاعلى بـاق الرجـال قصـور=لنا فعل ولهـم فعـل ولنـا شـان ولهـم شانـي

مساجله مع الشاعر / ماجد متعب الدغيلبي

البدايه مع ماجد الدغيلبي يقول :

المشاركة الأصلية كتبت بواسطة ;270565

يامقعد القرم حال الوقت ودهوره=من دون منهو عليه العين مسحوره
خل(ن) ذبحني وحبه مالك(ن) قلبي=بين الحناياء بنا فالروح معموره
لامر طيفه وانا فالنوم يامقعد=أفز كني شجاع(ن) فاقد شعوره
في وسط كونن بها العدوان ملتمه=خلوه ربعه وكل (ن) ساق مظهوره
ماعنده الا حريم وعود(ن)مساقم=والوضع مزري وشقر الخيل منحوره
عليه مني دموع الشوق ننثرها=منفوق خدي كما شلال نافوره
ايو الله اني بحبه هايمٍ مغرم=حب(ن)ترعرع غرامه داخل جذوره
لو يطلب الروح مني ماترددنا=تجيه روحي على مشفاه مخفوره
لحيث ماله شبيهن فالبشر مره=عندي وكل(ن)على كيفه ومنظوره
أدراه من كل هراج(ن) يسولفبه=ولآسّمع العاذل اللي يدلي بشوره
ناس(ن)تحب الغثاء والشر هاجسها=تكّره ليا شافت الخلان مسروره
دايم بلاها تكنه في في ظمايرها=ماهيب قبله ولا بالخير مذكوره
وانا على صاحبي مسمع ولا بوحي =قناة فكري عليه اليوم مشفوره
والله لو حطو الخفرات قدامي=مالد فيهن وعندي مالهن فوره
شفي وودي لطيف الروح والمنظر=اللي يذوب الجسد من لمسة ظفوره
غرواً سباني بسود(ن) تسحر العاشق=سود(ن) هدبها بسهم الموت ماموره
الزين عنده رهينن خاظع وطايع =والشين من دونه البيبان مصروره
ماله مداخيل ولاله يمها منفذ=أيضاً ولاله على شرواه مقدوره
الياء ابتسم والتفت وارخى مذابيله=لآحت بروق(ن) تخلي القاع ممطوره
بيضاً تلا لا من الياقوت جذابه=سبحان رب(ن) عطاها الزين من حوره
ولاا جات في حفلت(ن) والناس مجتمعه=حارت وجيه(ن)من الحرمان مقهوره
معاد تلقى وزانه من ينافسها=كل(ن) بجنبه يبا ياخذ معه صوره
وشعراً حريراً على الامتان متعزل=ياخذ على هيكله دوره ورى دوره
وخد(ن)كما الصبح لانور على العالم=وخشم(ن)يشادي لسيف خزام أخو نوره
شيخ(ن)يدوس المناياء والخطر قادم=لا ثار عج الرمك ثم حامت طيوره
ربعه الآد النعيري فالقاء صلفه=قوم(ن) أفساح المجالس تاخذ صدوره
كعامتن للعداء والطيب منهجها=وعند القبايل بفعل الطيب مشهوره
والحب بلوى على العشاق مايرحم =ياما وياما غدى برجّال في بحوره
واليوم حل الشقاء والهم خاواني=يسريبي الهم في تيار بابوره
الفكر حاير ولادري ويش بسوي=ضيّعت علمي وفكري ضاع دستوره
أفلتّ حبل الرشاء من عقب مارخيته=بغيت لزمه ودونه حال ناعوره
وحظي قعدلي وعيا الحظ لاينهض=طايح مطيح العطب يانعنبو جوره
لاقلت وشبك طريح القاع ياحظي=كشّر بوجهه ويمي مد طنقوره
ثم قام يعلب بوضعي كيف مايبغى=لعب الفرنسي ولد زيدان بالكوره
واليوم ياراعي الفزعات لاتذخر=جتك المخايل بدن الرعد ممهوره
ولو لاك منته تسد العلم فالماقف=ماسقت يمك بيوت الشعّر وسطوره
ياذيب عجّل تراني واصل(ن) تيمي=والروح سارت بسهم الويل مخطوره

الــــــــــــرد

قرايح الشعّر وسط الصدر محشوره=وابا أطلق أعنانها والثوره الثوره=
واهيم في بحّرها واسبح بغباته=لجل عقود(ن)بوسط القوع منثوره
أعقود غالي ثمنها داخل السوقي=لآطبت السوق ماتجتاحها البوره
السلعه اللي تبيض وجه جالبها=منها هواااااامير سوق أدّبي مبهوره
صخرتها لجل أبو متعب ومكتوبه=نوادر الشعّر جتني منه مسطوره
ساعة قريت الكتاب أختل ميزاني=ترسانت الشعّر منظومه ومقطوره
السبك والحبك طبعله ومنهاجه=قوايم حروفها ماهيب مبتوره
في عالي الصّرح شيّدها ولد منعر=على الصّروح الرفيعه راسي(ن)سوره
وارسل مراسيل عشاقه وكلفها=برسالةٍ عن هزيل الهرج مستوره
يقول وسط البحور أمست مجاديفه=والحظ من دونها يومي بباكوره
يشكي عليه غرام(ن)شتت افكاره=والنفس في ماقف العشّاق مسخوره
يندب بروح(ن)غدابه مّدّمج الساقي=واقمار فكّره على المجمول مفروره
غيد(ن) غلاها يخج القلب وعروقه=تلعب بقلبه وتقطف غالي زهوره
مصيونتن عن عيون النذل وهروجه=تمشي بلبس الشرف في وسط معموره
هاذي نهاية رسالة طيّب السيره=اللي عليه شكى من جاير عصوره
واليوم ماعاد ألي صده وتجنيبه=أبا بذل الجهد والمجهود وأزوره
الراس راسي وقلبي مبعد(ن)خوفه =لو الجبل تقنب ذيابه مع نموره
من شان ماجد نبي نتعّب ركايبها=واسوقها مع طريق(ن) تطلع عسوره
أخطامها براسها والنورمنقادي=والحمل بردوفها والبيد معبوره
وان كان تبغى الحقيقه يابن الاشرافي=حظي وحظك علينا تدّرج سيوره
مشيت قبلك طريق العشق ياماجد=نسناس برده يحوسه حامي حروره
لاتنخدع في ربيع(ن) يعجبك شكله=ربيع صيف(ن) يسوقه مسّني دهوره
وانا تراني سواتك بالش بروحي=الغصن ذابل وفوقه مات عصفوره
ذكّرتني في زمان(ن) قفّت أسنينه=وبعث جرح(ن) دفنته داخل قبوره
لاكن كابد زمانك وأرّدع سهومه= الوقت خيره وشره يطّحن زوّره
وان كان حبل الموده طالت أنشابه=يحلها أبن جبير ومجلس الشوره
وانا حزامك لاكشّر وقتك بنابه=أبشر براية فخر بالعز منشوره
أنقل حمولك لامن شبت شبايبها=واللي طويله شبوره نقصر شبوره
وختامها المعذره لنكان به قاصر =ياشاعراً سيرته بالعز مذكوره

قفل الصناديق

المشاركة الأصلية كتبت بواسطة ;267832

فكرت فالدنياء بنظره وتحقيق =فكّرة حكيماً فكّرته ماسرقها
لقيت للدنياء هواه وعشاشيق=لو تضحك العاشق مع اللي عشقها
لآبد من يوم الأسى والتفاريق=يوم(ن) تحطك طيقةٍ من طبقها
دنياك ماتعّرف عهود ومواثيق=شهب (ن) نواصيها تمايل شنقها
ويالله أنا طالبك حظ(ن) وتوفيق =مع طاعة الرحمن واللي وفقها
من بعدها فكيت قفل الصناديق= وأخترت من حلو المعاني عذقها
وأخذ مع الهاجوس سجات وافيق=يرّعف قلمها ويتشكى ورقها
وأدّخل المعنى بطون الطواريق=وأعانق أبحور الشعر وأعتنقها
وأعود وأفكّر ببعض المخاليق= ياليت ربي ياعرب ماخلقها
ناسٍ تلفّق تايه الهرج تلفيق=هاذي عوايدها وهاذي طرّقها
وانا ترى ماسمع هروج المطافيق= أذني عن أهروج المطافيق صقها
ويامحلا المسراح مع فكت الريق=قدام شمس الصبح يبدي شعقها
واللي على جنبك عيال(ن) مطاليق=والسالفه لآجات محد(ن) صفقها
والنار شبّت وسط روض وزماليق=ونسناس ذعذاعه يلاعب ورقها
ومن وارد البغداد مثل الغرانيق=وصبّابها راكد ويعّرف سوقها
دله وهرجه مع ضحوك وتعاليق=تجلي عن النفس العليله قلقها

الكافره والمسلمه

المشاركة الأصلية كتبت بواسطة ;230506

لا يازمن تضحك وانا ماني غبي ولا غشيم=أخذت عبره من دروسك لو دروسك مبهمه
أعرف مايجري من على سطحك يابو سطحٍ وخيم=أفهم واعرف اللي حدث واعرف مايحدث وافهمه
لولا الضلوع القاسيه والعقل والفكر السليم =رحنا عشا تحت الخيال اللي رعوده مرزمه
يكفي ماكنه يازمن في داخل الصدر الحليم=بين الرجاء والياس وجدار الأماني تهدمه
تحت الغطا بان الخطا من بعد ذعذاع النسيم=والدمدمه لو طال وقتك ماتفيد الدمدمه
أشوفلي رحال تال الوقت شددله مقيم=والكافره شدت وحلت في محل المسلمه
والداب أله كمٍ سنه يزحف ونسمعله وشيم=مشتال سمه وسط نابه والحيايا في فمه
عشاه من تمر الحساء غداه من تمر القصيم=ولاعاد تطمع بالتمر من عند مصاص عجمه
واليا رقد راع الغنم في وحشت الليل الظليم=فرصت عمر للذيب يبطش فالسمين من غنمه
والذل والحقران ماترضاه ياكود الحريم=والتين والزيتون مايقطف من غصون أسلمه
والصبر مفتاح الفرج هذا (مثل) لآكن قديم= أنا أعتقد مابه صبر من فوق حامي ميسمه

بنت شيخ

مداعبه بينه وبين الشاعر / تركي العصيمي

المشاركة الأصلية كتبت بواسطة ;215808

يامجاديف الغرام وياصدى صوت الحناني=ويا نسيم الليل داو الجرح والنفس العليله
طالت المده وانا أسامرك ياسهيل اليماني=ليله اشوفك وليله يحجبك برق المخيله
وأصتدمت بواقعي والشوق للعوده دعاني=وعودت المشتاق تنهكها المسافات الطويله
والمحبه والغلا والبعد وظروف الزماني=أرهقتني مير أنا مالي عن المكتوب حيله
آتصدى والزمان الشين مازعزع كياني= وأتحدى واتصدى وابرك الحملي واشيله
والفلك دوار والشدات للرجل أمتحاني= وألاماني ماتحقق بين يوم وبين ليله
ماعلا الدنيا قرار ولاعلا الدنيا ظماني= قالها اللي جرب الحلوه وذاق الحنظليله
علموا تركي تراني رحت فالرحله تراني=رحلة الاشواق سارت والله اعلم بالدليله
يابن مزيد ماشكيت الا الك عن قاصي وداني=حيث جربت الهوا قبلي وشارب من صميله
ماذبحني يالعصيمي غير مجلي الثماني=المنايا في عيونه والنعومه في جديله
عيطموسٍ وسط قلبي جالها قدر ومكاني= بنت شيخٍ له مكانه واطيب شيوخ القبيله
آلاصاله ورث جده والعبيه والحصاني=ينتمي للمجد (عفواً)مجدها اللي ينتميله
والحقيق طيفها سيطر عليه واحتواني=واستشلت عنفوانة قوتي وامست ذليله
والعلاقه بيننا مندوبها كوفي عناني =بس كوفي من فصيله والحبيّب من فصيله
عن وصاله ماحداني خوف كل اللي حداني=سلّم ابوي وسلّم جدي والمعاليق الاصيله
والنهايه يازماني وش بقالي يازماني=مابقى غير أنتظر مردود كساب الجميله

وهذا رد تركي ..
..

البدايه مرحبا ياشاعراً صغت المعاني= من هجوس الشاعر اللي مايهاب المستحيله
مايجيب المفردات الكايدات الا لساني=كل مامني نويتبها تجي بسهل وسيله
وان نزلت السوق مادورت ياكود السماني=من صغر سني ماجازيت السمينه بالهزيله
أتعصى بالسيوف الحدب مثل الخيزراني=واقدح الافكار من زندي كما قدح الفتيله
مير عبر ياقلم واكتب على الصفحه بياني= في خصوص الشاعر اللي مامشى درب الرذيله
الرفيق اللي عطى المندوب مكتوبه وجاني=يشتكي من جور خلانه وانا اللي بشتكيله
علموا مقعد يدورله من الشعار ثاني=والا انا ورطان في حالي ولاعندي وسيله
من بحور العشق والاشواق جاني ماكفاني=والمثل قال أعترافٍ بالحقوق أكبر فضيله
والله أني ماستعنت الا الاإله المستعاني=من عرف وزن الخفيفه ماجهل وزن الثقيله
يالبيبين القلوب وياطويلين اليماني=الهواء يعرف قتيله والمرض يعرف قتيله
والله يحقق مناكم ياكثيرين الاماني=الزمان الشين كم فرق خليلٍ من خليله
والقضاء يجري على متن الدقايق والثواني=زين والا شين مايكتب على ابن آدم يجيله
وانت يامقعد ماعدك غير واحد من خواني=مونسٍ لفح السموم ومونسٍ حر المليله
مير لاتطمع شيوخٍ شيدوا صرح المباني=خل بنت الشيخ عنك وروح دورلك بديله
لايوهقك الطمع يالادمي والعمر فاني=يامدّور ذاهبٍ ذهّبت والافيها عقيله
والسلام ختام عود أزرق وهيل وزعفراني=فيه ريح الياسمين وفيه طعم السنسبيله

مجاراه بينه وبين الشاعر / سفر الدغيلبي

يقول سفر :

المشاركة الأصلية كتبت بواسطة مقعد الدغيلبي

عبوس قمطرير

المشاركة الأصلية كتبت بواسطة ;207057

من فيض مااااكنه هجوسٍ مارده بحراً غزير=غبة بحر ومواجها يصفق يمينه بيسره
تسعين قامه طولها وأتحير أفكار البصير=فيها لبيب المعرفه يحتار فكره وبصره
والحمد لله واشكره مالي عوين ولاخشير =ربي عطانيها وأحمد الله عليها واشكره
منها أستمد القوه اللي حدها حد الشطير=سيفٍ يشيل السم بطنه والمنايا بظهره
يامفردات الشعر غوصي وسبحي بحر الضمير=وسترسلي من قوةٍ داخل محيطه وبحره
حسبي على منهو حداني واعترظلي فالمسير=شيطان أبن شيطان زيره كل ليله ينقره
ياللي على المقفي رحاتك بالنمايم تستدير=عطني نهايتها معك واللي سواتك نستره
هاذي ثلاث سنين ساكت عن علومك ياحقير= أمحشمين الكلب من حشمة هله وانقدره
لآكنها طالت ووصلت للكبير وللصغير= واليوم من فوق الصفاء نوخ بعيرك واهجره
نوخ بعيرك والرغى مكروه من بعد الهدير=كمٍ غشيمٍ وقعت شلفاه في عرض نحره
قدام لاتصبح على راسك عبوسٍ قمطرير=درب السلامه من بغى درب السلامه يعبره
هاذي رساله رمزها ماهوب مجهول المصير=تاصل بريدك والمعاني والحروف مشفره
وليا قريت حروفها راجع ظميرك واستشير= العقل مابينه وبين الجن ياكود شعره
وان عدتها والله لتونسها على الظلع القصير=وان كان ماني قدها قولوا ترى مقعد مره

عتيبه عزوتي

المشاركة الأصلية كتبت بواسطة ;158188

عتيبه عزوتي حطت على نجد المسمى سور *****زمانٍ فات يومن الحصان بسرج وعناني
لنا فالمجد مجد وفي حمانا يرتعن الخور******ويشبع من فرايسنا الفهد والذيب سرحاني
هذا قول الصحيح ولاعلى باق الرجال قصور******عسى ربي يديملنا الامن في كل الاوطاني
تحت حكم السعود اللي كتاب الله لها دستور******هل العوجاء مطوعة الصعب بالسيف شاماني

الارهاب

المشاركة الأصلية كتبت بواسطة ;152364

الشعر أله غايه ومبدا ومقصود=واعرف متى زرع القصيد وحصاده
وعندي لمقفول المباهيم بالود=وراع الذهانه مايخاف البلاده
وهاذا زمانٍ يخلط البيض بالسود=والوقت غالب في بياضه سواده
من يوم مابانو شياطين نمرود=شرذمةٍ تحمل علينا الحقاده
تلبسوا بالدين والعالم ارقود= ويبشرون المنتحر بالشهاده
رصاصهم مايرحم الطفل والعود=والقتل سلوا شذرته من غماده
مثل المغلث يأكل اكبوده الدود=وكلٍ لبسله بالقنابل قلاده
في دولةٍ فيها تعاليم وحدود=تحكم بشرع الله وصفوةعباده
تملا مساجدها بركاع وسجود=واللي يبا الأفساد يقطع فساده
وحنا ترانا للوطن درع وجنود= الدين حنا مرجعه وستناده
في ضل أبو متعب ذرا كل مضهود=الشعب واحد والولا للقياده
ماعندنا للمعتدي غير عبرود=ومن جاهد الأسلام حنا جهاده

ألغازه

المشاركة الأصلية كتبت بواسطة ;174059

ياناس انا محتار في وضع رجال=طلق ثلاث من البني واحتوى عود
رجال اله في هامة العز منزال=واللي طمع في خوته حصل الفود
والعود اله حكمٍ قديمٍ ولا زال =يطوع الأشناب والعلم ماكود

الحل هو :الرتبه العسكريه

------------

المشاركة الأصلية كتبت بواسطة ;174066

أنا بنشدك عن عذرى ولا جابت ياكود أحوار =ولاولدت ولاجابت ياكود احوار فرداني
أنا ابين جوابي للفهيم وجملة الشعار=خلقها (الله) عديمة جنس بقدرة رافع الشاني

لم يتمكن أحد من حل اللغز ؟؟؟

------------

المشاركة الأصلية كتبت بواسطة ;168292

ويش بنتٍ فعلها فالصباح وفالعصر=والظهر ماتنفعك خلها محلها
طولها شبرين والعرض تقريبٍ شبر=تحمي الانسان لامن جلس في ضلها
أختها في جنبها مثلهابطن وظهر=حلها ياصاحبي كان تقدر حلها

الحل هو : شماسة السياره

------------

المشاركة الأصلية كتبت بواسطة ;168297

ياويش عذرى فرضه نفسها فرض=سوادها عن كل سودا بياضي
الأرض تطلعها ولاهي من الارض=عنوان مستقبل وحاضر وماضي

الحل هو : وسم الصلاة

------------

المشاركة الأصلية كتبت بواسطة ;169512

بنشد العراف عن عطب الضرايب=والهدف ماكل من يرمي يصيبه
ويش ورعٍ ساكنٍ في جنب شايب=محزمه عند المهمات الصعيبه
يزهمه لابركت عوص النجايب=والولد طيب ومشهودن بطيبه

الحل هو : الدبل

------------

المشاركة الأصلية كتبت بواسطة ;207074

أنشدك عن عودن يضيع الهقاوي=تكره معاليمه وتكره وصوفه
كلٍ تخلا عنه واصبح خلاوي=معادله قدر وغلاه ومروفه
ياكود في كلمه على أللسان راوي=يمربه وحده والاخرى تطوفه

لم يتمكن أحد من حله ؟؟؟

------------

المشاركة الأصلية كتبت بواسطة ;200194

أنشدك عن رجل(ن) مقيد ومربوط=وصيف العرب عنده يوافق ربيعه
أسمه يدل أنه مع الناس مبسوط=وهو الذي يمشي بعكس الطبيعه

الحل هو : المكيف

------------

اتمنى لكم المتعه والفائده في هذه الصفحه المباركه ...
......

[حالد جزاء]

مشكووووووووووووورر ولاهنت

[@ـايل]

المشاركة الأصلية كتبت بواسطة حالد جزاء

مشكووووووووووووورر ولاهنت

العفو يابن جزا وحياك الله في الصفحه ..والله لايهينك ..

....

[المرعـب]

شاعر بحجم : مقعد الدغيلبي يستحق ان نشيد بجهوده وقصيده

استمتعت بقرائة القصيد لكن فيه لغزين ودي اعرف حلها ؟؟؟؟

[خلف الروقي]

مشكووووووووووووورر ولاهنت








دمت بوووووووود

[@ـايل]

المشاركة الأصلية كتبت بواسطة المرعـب

شاعر بحجم : مقعد الدغيلبي يستحق ان نشيد بجهوده وقصيده

استمتعت بقرائة القصيد لكن فيه لغزين ودي اعرف حلها ؟؟؟؟

اشكر لك حظورك للصفحه يالمرعب ..وان شاء الله تجد الاجابه لاهنت والله يعافيك..

......

[@ـايل]

المشاركة الأصلية كتبت بواسطة ابو سالم الروقي

مشكووووووووووووورر ولاهنت








دمت بوووووووود

العفو يابو سالم ..اشكر لك حظورك للصفحه ..ولاهنت والله يعافيك..

.....

[محمد العتيبي]

مقعد الدغيلبي

شاعر من الوزن الثقيل يتسم بالجزاله وقوة الشاعريه ..

كلنا ثقة بما يقدمه لنا مقعد الدغيلبي .. صح لسااانه ..


وبيض الله وجهك ياهايل

على السبق في طرح هذا الشاعر الرائع

تحيتي
..

التوقيع

للتواصل عبر twitter تويتر al_bargawy@

[@ـايل]

المشاركة الأصلية كتبت بواسطة محمد العتيبي

مقعد الدغيلبي

شاعر من الوزن الثقيل يتسم بالجزاله وقوة الشاعريه ..

كلنا ثقة بما يقدمه لنا مقعد الدغيلبي .. صح لسااانه ..


وبيض الله وجهك ياهايل

على السبق في طرح هذا الشاعر الرائع

تحيتي
..

ووجهك ابيض يامحمد ..اشكرك على حظورك للصفحه ..لاهنت والله يعافيك ...

.....

[..المورقي..]

هااايل صح لسانك وبيض الله وجهك يالدغيلبي