النشمي
يابولمار انته تكرر غلطتك في كـل عـام=تتخيل انك حاكم العالـم وكـل اقطارهـا!!
لو كل من حطوه في منصب كفو عم السلام=ماكان تال الوقت يحكم فالعبـاد اشرارهـا
ابو لمار
انته نسيت اتملّح الماكول ياراعـي الطعـام=مايحرق الطبخه ياكود اللي يزوّد نارهـا !!
ماعاد نعرف ياعلي شكل الصقور امن الحمام=كل البلا في الحيّه اللي وازيه في غارهـا !!
النشمي
ياكرهنا للي تلاعـب بالمشاعـر والنظـام=لو لا الحياء بعض البشر كشفت كل اسرارها
لو قلت كلمة حق صدربك قـرارات انتقـام=ونهايتك تصفق يـداك ايمينهـا بيسارهـا!!
ابو لمار
ماعاد عند اصحابك الا ضرب من تحت الحزام=وفيك الناس يالنشمي قامت تلـد انظارهـا !!
اجهر بقول الحق يالنشمي ولاتخشـى المـلام=مادام كل" ثـوّر البنـدق وغـرّ اعيارهـا !!
النشمي
نص العرب يضحك وهو فالخافي الد الخصام=والله يعلم مكرها فـي سرهـا وجهارهـا
ان جيت ابهرج مشكله وليا سكت اكبر حرام=لكن ابـا قـدر رجـال يهمنـي مقدارهـا
ابو لمار
اللي يعشق الفاتنه مايترك ادروب الغـرام=طرقه ويمشيها من العربان من يختارها !!
ناس" يبنّون القصور وناس يبنون الخيام=يالعود موضات الفضا لايخدعك تيّارها !!
النشمي
نبا نهار الحفل نردح ثم ندخل فالزحام=والفاتنه نبا نسنعها ونلعن عارها!!
واللي يبا قسمه من الفطحه ومن راس السنام=ياخذ نصيبه والفضاء ماله ومال اقمارها
ابو لمار
اردح ولاترفع بصوتك ثم يصحون النيام = مالك ومال اطوالها ياصاحبي وقصارها !!
ياصاحبي فرّقت بين الناس واحدثت انقسام = واللي جهلت اخبارها بكره تجيك اخبارها !!
« آخـــر الـــمـــشـــاركــــات »
12-Jun-2009, 05:22 PM
العرض المتطور
