أبو وافي العتيبي
سلام تسليمٍ يزود لكم زود = ياربعنا ياأهل الوفاء والحمية
أثرك يالحيران طيب وموجود = أنا أحسب أنك مت هاك السنية
$ الحــيــران $
يامرحبا وعداد ماهبت النود= عن ربعنا اللي يحتمون السريه
سجيت رجلي بين حامد ومحمود= لكن بلشنا من يقود المطيه
أبو وافي العتيبي
دام البقاء ماأنته عن الطيب مردود = أنته من اللي يحتمون القفيه
ياللي تسج الرجل والحد محدود = كلٍ مع الأيام نعرف نويه
$ الحــيــران $
موعود بالمعروف والخير موعود= حي الوفي اللي يقدر خويه
ياللي عرفت البيض لاتتبع السود= الله ولادرب القشر والخطيه
أبو وافي العتيبي
عينك تشوف الدرب والخط ممهود = تبا تروح الصبح ولا العشيه
ياللي بنيت الجدر ماهو بمهدود = بيني وبينك ماتصير الرديه
$ الحــيــران $
وإن كان هاك الدرب من عصر مقعود = ماهمنا مادامت النار حيه
مافيه لاشكه ولافيه منقود = الحال واحد وأنت مني وفيه
أبو وافي العتيبي
لا بالله إلا فيه نارٍ وبارود = خل القويه في نهار القويه
ماأني بلا طارد ولاأنته بمطرود = أنته وأنا ياأبو محمد سويه
$ الحــيــران $
سلاحنا البلجيك في يوم مشهود = ياكم خذينا في هذيك الغزيه
ياللي تريد الفود غارك يبا الفود = حظك رمى بك بين شمسٍ وفيه
أبو وافي العتيبي
ونعم مار الناس ماخانت عهود = حسنة بعشرة مار سئية بسئية
أتعب وجاهد كل شيءً بمجهود = حظك رمابك مار كيف الرمية
$ الحــيــران $
لله مانجحد هل العز والجود= أهل الوفا تبقى رجالٍ وفيه
لاصار فالايام حاسد ومحسود= مالي ومال اللي تشمت عليه