سعود العصيمي
إثنين من برقا مع إثنين من روق = ياعيد راع السيف والخيل والنوق
المرشدي عندي ومرخص بمرزوق = ولكل رجلٍ حيلته دون حاله
ليلةٍ ماقبلها ليلة ويمكن مابعدها = ياسلام الله سلامٍ مايجوز العذر دونه
العازمي
ياسعود راع الطايله والشدادي=
فعل الحرار الشقر يوم الهدادي=
مرزوق يبشر بالعنا والهجادي =
ولكـل رجـلٍ حيلتـه دون حالـه=
قوة الدفع الرباعي من بلدها في بلدها = ابتدا صخر القوافي والحضور يتابعونه
ناصر المرشدي
اصحابنا كلِ يوصي خويييييييه=وانا خويي مايباله وصيييييه
مرزوق الك مني سلام وتحييييه=ولكـل رجـلٍ حيلتـه دون حالـه
مرحبا ترحيبةِ مع برقها توحي رعدها=برقها هالحين وشويه رعدها تسمعونه
مرزوق حمدان العتيبي
انهض يابو تركي يانعم العضيدي = اسعود عندك قيّده بالحديدي
والعازمي ماله مفر ومحيدي =ولكـل رجـلٍ حيلتـه دون حالـه
ليلة ٍ ياطيبها يوم اجتمعنا في وعدها = ابتدا حرب النجوم وعيد كان الله بعونه
سعود العصيمي
وصيت والا ياعسى ماتوصي = ماهو مهم اهم شي المفصي
انفصه لكم فص يالمجانين فصي = ولكل رجلٍ حيلته دون حاله.
سرها يالمرشدي واعطيك فالجزله سندها = كل رجالٍ حضر تسبرك ياناصر عيونه
العازمي
المشرف اللي ينتخي من ذراعه=
اليا حضرنا ماش دونه فراعه=
لكن ماودّي يروّح طماعه =
ولكل رجلٍ حيلتـه دون حالـه=
العيون الغطش يمكن كحلنا يبري رمدها = لو مشرفنا مضرّاله بناس يجاملونه
ناصر المرشدي
ياللي تدور لك مفصِ تفصه=كلِ على ماقيل فيما يخصه
حنا رويسك من متونه نقصه=ولكـل رجـلٍ حيلتـه دون حالـه
يالعصيمي مكثر علومك ولا ادري وش بعدها=تدري انا نطرح المجنون ونطير جنونه
مرزوق حمدان العتيبي
اليا انتخانا يالعتيبي فعلنا = لكن طعني لاتقرب زعلنا
حنا ترى اهل الحلم وان كان علنا = فـ لكل رجل ٍ حيلته دون حاله
وش بلا عيد امتعومس وله حاجه ماوجدها = نظرته سوداء وتظلم كل ناس يخالفونه
سعود العصيمي
للشعرفي ذكر المطاليق ميقاف=ونوادره ماكل من يلعب القاف
يقدر علاها لو بدا راس مشراف=ولكل رجلٍ حيلته دون حاله
العدود الراهية يارد ويروى من وردها = وانت لو ظنيت الك في ظن ظنك صرت دونه
العازمي
انته مراقب مار يمكن تراقب =
مانته بسالم من ختام العواقب =
من ظلم بعض الناس يمكن تعاقب =
ولكل رجلٍ حيلته دون حاله =
معي حجه يالعتيبي لو غيرك قد جحدها = إن نص عتيبه الهيلا من الوقف مغبونه
ناصر المرشدي
وشبك تروح يسار وتعود يمين=اعرف طريقك زين واسلك معه زين
وحكاية الشعار والشعر بعدين=ولكـل رجـلٍ حيلتـه دون حالـه
السفينه فالبحر ياصاحبي بالعرف قدها=وانت رجالِ تعرف البحر من شكله ولونه
مرزوق حمدان العتيبي
اراقب الله واجتهد في صلاتي = واقول ليته عيد.. سوّى سواتي
احسبه صاحب واثره من العداتي = ولكل رجل ٍ حيلته دون حاله
المصيبه غلطة ٍ من صاحبك لوما قصدها = تنحسب ضده واهل بعد النظر مايعذرونه
سعود العصيمي
بغيتك اتعش العرب حايليني = وشفتك تملص يافتى من يديني
وهالحين اخذ لك علم بينك وبيني = ولكل رجلٍ حيلته دون حاله.
البيوت اللي بنيناها وركزنا عمدها = لاتضلي كل بيتٍ تدخله تهدم ركونه
العازمي
ياصاحبي لوقلت بعد النظر فيك=
صحيح مار الشك معكم تماتيك=
في صفوة العتبان داخلك تشكيك=
ولكل رجل ٍ حيلتـه دون حالـه=
ياحسوفي يالحرار اللي ينومسنا هددها= برقعت والراس يامرزوق عزّه من متونه
ناصر المرشدي
تبا تدل الناس وانته مضّيع=مرماك عرضه للهدف يالدعيع
ياللي تبيع سلعتك وش تبيع=ولكـل رجـلٍ حيلتـه دون حالـه
العزوم اللي جليل الملك ماضيع جهدها=مايغيرها الملحن لو يكوسر في لحونه
مرزوق حمدان العتيبي
الشهم والممدوح مايلحقه شك = ولا الردي يشري بعشره وهي تك
ليتك من اللي يفسد الجو تفتك = ولكل رجل حيلته دون حاله
ابشر ان ابواب درب المرجله محد ٍ وصدها = شد حيلك جعل ماتسعون فيه اتحصلونه
« آخـــر الـــمـــشـــاركــــات »
20-Oct-2008, 10:16 PM
....لا والله الا اللي طافتنا المحاوره ...
...ولا الواحد ماوده يطوفه مثل هالمحاوره الكبيره ...
العرض المتطور
