زيارة شيوخ عتيبه الى رهاط

[فلاح مشعل الزراقي]

السلام عليكم ورحمة الله وبركاته

قام الشيخ:


عبدالله بن عمر ابن ربيعان


والشيخ/ ناصر السميري
شيخ قبيلة السمره

الشيخ/ حجاب العالي
شيخ قبيلة العوالي

والشيخ/صنيتان الظيط


ومجموعه من مشائخ واعيان قبيلة عتيبه


بزيارة لقرية رهاط
يوم الخميس الموافق:14/7/1429هـ

بدعوه من
الشيخ/ شجيع بن جابر بن حباب الزراقي
وقد كان
الاحتفال بهذه المناسبه
في قصر الريف بقرية رهاط



وقد شهد الاحتفال مجموعه من القصائد
لبعض شعراء ذوي زراق

امثال الشاعر شبيب الزراقي
والشاعر سعدون الزراقي
والشاعر فلاح مرشد الزراقي
والشاعر حسين بن زيد الزراقي
وفالح بن عزوان الزراقي

وسنورد بعض هذه القصائد من خلال الموضوع


الان نترككم مع صور من الاحتفال



























































يتبع

[فلاح مشعل الزراقي]

يتبع

[فلاح مشعل الزراقي]

قصيدة الشاعر :

	شبيب بن مرشود الزراقي

يالله طلبتك يالكريم الليي ليا سيل استجاب=ياواحدن ماله شريك وكل شين في يده
ياغافر الزلات عن عبده ليا استغفر وتاب= يامبدل السيات بالحسنات للي يعبده
اطلبك لطفك والرضى والعفو في يوم الحساب= واللي يقدم خير والاشر قدمه ياجده
يالله توفقني وتهديني على قول الصواب =اللي يجملني وعراف الرجال تمجده
هاضت هواجيس الظماير وانفتح للشعر باب = والشعر له شرد وفالميقاف اصخر شرده
ماني بمثل اللي يطاردها كما طرد السراب=انظم جزيل الشعر وابني به قصور مشيده
خصاً ليا شفت الرجال اللي لهم باب وجواب=اللي مزاياهم بطيب افعالهم متعدده
مثل الشيوخ مصطرين المجد تسطير الكتاب = اشيوخ روق اللي لخدمتهم جنود مجنده
يامرحبا باسم القبيله في محل ابن حباب = ترحيبة يبذل بها الرجال جده وجهده
يامرحبا حياكم الله عد همال السحاب = اللي من المنشا يهز الارض دندان ارعده
اللي ليا خيل على روس المسايل والهضاب= سيله تضيق به المسايل قبل ينماح برده
انتم لكم تقدير غالي عندنا شيب وشباب = هذا كلامن يثبتون الاد زراق سنده
حنا ذوي زراق اشد من النماره والذياب = زبن الدخيل وفعلنا كل القبايل تشهده
يوم الحرايب والمغازي والعزاوي والعتاب = حدود روق اللي جهتنا ممنه ومحدده
واليوم حكم ابن سعود اضفى على الناس الحجاب= كلن على كيفه يعيش ويهتني في مرقده
وانتم مذاخير الشيوخ مروية روسس الحراب= ركابة الجيس الاصايل والخيول الجيده
وانتم حرار من الحرار اللي يحلون الصعاب= والشيخ له مركاز والمركاز يحماه ولده
مثل عمر غطى على تاريخ ابن غانم ذياب= والله ونعم به وبالثبتان قبله وبعده
ابن ربيعان اشتهر من صغر سنه لين شاب= بالطيب واللي يشتهر بالطيب محدن يجحده
لبس المراجل مثل لبسه للمشالح والثياب = واليا نخاه اللي حداه الوقت يبشر بسعده
والظيط راع السيف ابو حدين مصقول النصاب=عمهوج سوى في نحور الترك قومه وقعده
وابن محيا فالمواقف لايذل ولايهاب= اللي على سيفه وخيله كلن شيخاً يحسده
وانا ماجيتكم من شان بلقي لي خطاب=جيت اتكلم بالحقيقه وابلغ القول اوكده
يالله عسى من جابكم يجزى بالاجر وبالثواب=والعذر منكم والسماح اهم شي نقصده
وختامها صلوا على من قام بشرع الله واناب=شفيعنا الللي حطم الاصنام ووفى بوعده

--------------------------------------------------------------
اخوي فلاح الزراقي
نمون عليك ونسقنا لك القصيده
غازي البقعاوي


يتبع

[فلاح مشعل الزراقي]

	القصيدة التي سماها بعض الحضور بـ (الصاعقة ).

الشعر خيل وفيها أصايل وتهجين = والكل فالميدان تعطي جهدها
وحدة تقدم لو معها ملايين = والخيل والفرسان تقعد بعدها
وحدة تجي فالسير بعد الأخيرين = وحدة ما تاخذ فاللقا طول يدها
وأنا ليا قلت القصيد أعرفه زين = أسوقها وتصير الأولى وحدها
آرد بها وأصدر ولن جيت بعدين = أثني على عد الرها وأفتردها
ما هي بعارية ولا أخذتها دين = ولا هي بصدفة حاجة(ن) معتمدها
ملك(ن) لنا والناس بالوضع دارين = و تعرف أهلها ماهي لمن هبدها
قلته بعد جونا الرجال الحشيمين = فالوقفة اللي كلبونا سندها
وقفت أرحب بالضيوف الكريمين = من بعد ابن خلف علي اعتمدها
معك يا خالي يا شجيع متواصين = و الرجل لأخواله و يحسب ولدها
حنا فرحنا يوم جونا الرباعين = والضيط أهل وقفات محد(ن) حجدها
وابن محيا من صقور(ن) شياهين = أحرار معروفة ليا جا هددها
شيوخ ما تحتاج دين وبراهين = شيخة قديمة عهد ثابت وتدها
يشهد لهم فالناس الأدنى والأقصين = شهادة(ن) حتى المعادي شهدها
وضيوفنا الباقين لا شك غالين = أهلا بشايبها وحضرة ولدها
يا مرحبا يا للي على الطيب مرهين = ترحيبة منا ما يحصي عددها
باسم ذوي زراق سقم الحريبين = العزوة اللي من بغاها وجدها
ربعي حزامي صف ما هم بصفين = ميقافنا واحد ليا جت عقدها
لمصامخ الصاحين ولا المجانين = مواقف(ن) محد علينا نقدها
حنا ليا جات الموقف مفادين = بالمال والروح ومعاها جسدها
قمنا سوا سابق ولاحق وذالحين = نعز بنيتها ونرفع عمدها
وحنا عتيبة من هوازن قديمين = اللي محد فالكون يلحق أمدها
عدونا نسقيه طعم الأمرين = وأمر من طعم الأمرين وأدها
ذباحة الحايل عذاب المعادين = وناس(ن) تكافت شرنا يا سعدها
ولا عندنا أهون من نحور البعارين = كم من عتيبي(ن) بخلبه لكدها
لجل الضيوف اللي عليه متلافين = وليا نحرها أصحى وكبده بردها
قبيلة(ن) وسط الجزيرة مرسين = من الحجاز لنجد هذا بلدها
عسر(ن) على أهل العسر لين لهل اللين = رحمة وشر ليا تزلزل رعدها
وعلى مقابل علية القوم ضارين = و نودب اللي نعمته ما حمدها
وليا عطوا مداتهم تكحل العين = يا حظ من وقت اللوازم قصدها
ومع الخوي دايم على جنبه يمين = ينسونه هموم الحياة ونكدها
يا من بهم من خاف من وقته الشين = ويلقى الثقة لو فابن عمه فقدها
وكل القبايل كفو من سابق الحين = تحمى مواقفها وتحمي سددها
واليوم حكم مروعين السلاطين ‍= اللي عداه بالسيوف تحصدها
آل السعود مكبلين الشياطين ‍= خلوا شياطين البشر في كمدها
بنوا لنا دولة على الشرع و الدين ‍= فالليلة اللي عودنا ما رقدها
عبد العزيز أبو الملوك العزيزين ‍= هو صقرها هو نمرها وهو أسدها
وصلت لعبد الله حبيب الملايين = بعد ترجل عن ظهرها فهدها ‍
وحنا يا بو متعب على العهد باقين = معك ومع سلطان والي عهدها
وأنته بعد وصيتنا فوق ثنتين ‍= دين ووطن ما نستهين بأحدها
اضرب بنا العدوان وتصير شطرين = وكرر بضرباتك عليهم وعدها‍
و يبقى الوطن والمسجدين الشريفين ‍= في نعمة(ن) كل(ن) عليها حسدها
حنا لها درع(ن) عن المستبدين ‍= لين النفوس تحط داخل لحدها
ونوصي عليها اللي ليا الساع جايين = وهيه توصي كل من جا بعدها
وأرفع يديني وأدعي وقولوا آمين ‍= يا الله ياربي من الخير زدها
وصلوا على خيرالرسل والنبيين = من هدم أصنام الكفر ما عبدها

	الشاعر/ فلاح بن مرشد بن خلف الزراقي ..

[فلاح مشعل الزراقي]

الموضوع منقول من منتدى ذوي زراق
وعذاً لو صار قصور



فلاح بن مشعل الزراقي

[المبهم]

بيض الله وجهك

والله يعطيك العافية

[فلاح مشعل الزراقي]

وياك


الله يسلمك
ومشكور لتوااجدك

[ابو سعد الدلبحي]

الله يعطيك العافية




لاهنت يالغالي

[مشاري]

يعطيك العافيه يامبدع

تحيتي

[فلاح مشعل الزراقي]

الله يسلمككم مشكوورين