الـصـارم (( نـايـف بن عـرويـل ))

[وافي الخماش]

نايف بن فيصل بن عرويل العتيبي

شاعر حمل على عاتقه هموم وقضايا مجتمعــة،
وبرغم صغــر سنه إلا أنه وصـــل إلى منــزلة لا
يستهان بها ، فقصائدة ذات طابع إجتماعي جميل
يرمز إلى بيئتنا الخليجية الأصلية ..

قــصــيــدة الــعــنــوســة=

ياهاجس ٍ من ثلاث شهور مذيني=
تزعل علي النساء لو اعلن حلولة =
ابي حصانة من النسوان تحميني=
وابا اتوكل على الله ثم ابا اقولة =
ماللعنوسة حلولن كود حليني=
الحل الاول يعود لحاكم الدولة =
لابد تصرف على هذا ملاييني=
لجل يتزوج شباب اليوم بسهولة =
وثاني حلول العنوسة يالمياميني=
في ايديننا شي نقدر دايم نطولة =
اخذوا على الاولة وحده وثنتيني=
وهذي ترى في كتاب الله مقيولة=
لكن لا بد نعدل بالموازيني=
لازم موازيننا بالحيل معدولة =
ويالي غرامك جرى داخل شراييني=
ادريبك اليوم من ماقلت مذهولة =
وان كان عقب القصيدة ذي كرهتيني=
المسئلة يابعد هالناس محلولة =
ترى كلامي هذا ماهوب يعنيني=
شاعر ولا افعل كلامن دايم اقولة =
ابيلي وحده ووحده بس تكفيني=
اربع حريمن صراحه غير معقولة=

قـصـيـدة طـاش مـا طـاش=

البارحة كن الفضاء غرفـة انعـاش=
وانا المريض الـي حياتـه كسيفـه =
والهـم ذيـب ٍ للمعاليـق عـراش=
والقلب شيخ ٍ واعضم الحزن ضيفـه=
واليا نشدنـي واحـدٍ قلتلـه مـاش=
مابـه جديـدٍ للقـديـم بنضيـفـه =
ياليتها ضيق ٍ فـالأرزاق واعتـاش=
اعتاش لو ما القى بعمري وضيفـه =
وليت السبب حب ٍ للأطراف رعاش=
كـم ٍ وليـف ٍ ماحصلـه وليـفـه =
مير البـلا لاشفـت للديـن نهـاش=
امن النفـوس الحاقـدات الضعيفـه =
ومن عادتي لا جبتها جبتهـا كـاش=
والي زعل يزعل على كيـف كيفـه =
هذا جوابٍ عاجل لطـاش ماطـاش=
يخزي وجه ناصر ويخـزي حليفـه =
مانقبل الصـوره بتفكيـر حشـاش=
لأهل القلوب الطاهـرات الشريفـه =
لا عاش من يشتم هل الدين لا عاش=
ولا عاش من يشهر على الدين سيفه=
ذولا هل التوحيد يالغـادر الغـاش=
ريفك وريف الي خذا الوقت ريفـه =
اقلوبهم بيضا وابيض مـن الشـاش=
وافعالهـم عنـد المعـادي كليـفـه =
ذولا رجال الدين ياكلب الاحـواش=
الله مكرمـهـم بمـلـه حنـيـفـه =
ولا انت ضايع بايع الديـن ببـلاش=
بصيرتـك بيـن البصايـر كفيفـه =
بكره ليا جتك المنيه علـى فـراش=
ومرت حياتك قدم عينـك عصيفـه =
وحسيت في روحك تراقى مع الجاش=
ودموع عينك فـوق خـدك ذريفـه =
عرفت بأنك مرتكيلك علـى قشـاش=
وانك ضلمت اهل القلوب النضيفـه =
في وقتها مالك من الموت منحـاش=
بيحاسبـك راع العـدل والنصيفـه =
ولحدن بمرمش لا توفيـت برمـاش=
جيفه ومن يبكي من النـاس جيفـه؟ =
ان عشت يا خفاش وان مت خفـاش=
مايفقـدك غيـر العقـول الخفيفـه =
وختامهـا مانـي بجايـك برشـاش=
لأنا بحكم اهـل السيـوف الرهيفـه =
مير افهم الموضوع ياطاش ماطاش=
واترك تفاهـات اليهـود السخيفـه=

رسالة الى حكام الامـة الاسلامية=

يقول من جنـت جنونـه وغنـا=أبيوت شعر ٍ من صميم المعانـاه
شفنا العزاء في موت بابا يوحنـا=وخطاب مات ولاحد العرَب عزاه
ابسـأل الحكـام عمـا وصلـنـا=وش موقف الحكام ممـا سمعنـاه
يوم اليهودي عـاث فينـا واهنـا=والمصحف الطاهر برجله توطـاه
ياناس فوقوا وارفعوا الـذل عنـا=ياكيف نرضى الذل ياكيف نرضاه
الاهنـا يوطـا كلامـه وحـنـ=انشجب ونستنكـر وفعلـه ادنـاه
يامـن ادان بفعـل يانـاس منـا=والهرج كل الي يبى الهرج سـواه
نبي فعولن تبـدل الضـن ضنـا=يذهلبها الكافر من اقصاه لادنـاه
الي يضوحـك فالوجيـه ويكنـا=حقد ٍ بفضل الرب بانـت نوايـاه
حربـن صليبيـه علينـا تشـنـا=ويالي سمعت العلـم دور خفايـاه
في كتابهم نـص ٍ لبابـل معنـا=من شان هيكلهـم تشيـد زوايـاه
وين الوليد وويـن ربـع المثنـى=عزاه والله ياهـل الديـن عـزاه
ياهيـه يالـي فالكراسـي تهنـا=انهايتك قبر ٍ ثرى الارض غطاه
لاصـار ماجالـك فعولـن تثنـا=مافايدك عـز ٍ ولا فايـدك جـاه
اقدم بجيشك ياعسى النقـص منـا=اي والله ان الدين بالـروح نفـداه
لاصار ماصلنـا عليهـم وجلنـا=ولاصار كلن ما خذ السيف وارواه
ولاصار ماشفنـا جباهـن تدنـا=وجسم اليهودي كل كلب ٍ تعشـاه
لاخير فينا ولا بعـد عـاد كنـا=مادام حتى الدين ماناخـذ قضـاه
هذا كلام(ن)وسط راسـي يطنـا=قلته وانا اعرف كل قصده ومعناه
وان كان رد الفعـل خيـب املنـا=والله ما الوم الذيب يسرح مع الشاه

قـصـيـدة الـبـطـانـة=

الشقاء عذب قلوب الناس واسـرف فـي ألمهـا=
والدموع الي على اوجـان الفقـارى مستهانـة =
يستشفـون السعـادة والامانـي مـن عدمهـا=
والضمير الي حكولـه ماتحـرك مـن مكانـة =
دوروا حل المشاكـل والمشاكـل وش رسمهـا=
غير تغييب الضمير وغيـر تضييـع الامانـة =
مشكلتنـا فالبطالـة قالهـا الــي مافهمـهـا=
لا وربـي الـي خلقنـا مشكلتنـا فالبطـانـة=
بالقصـور وبالتغاضـي والتهـاون نتهمـهـا=
من طيوف الشعـب كلـه يستحقـون الادانـة =
ناس عاشت فـالنعيم وربـي بفضلـه كرمهـا=
بالوسايط والرشـاوي وصلـوا ذيـك المكانـة =
غيبوا شمس الحقيقـة وابدلونـا فـي وهمهـا=
وصارت احلام السعادة في عيون النـاس دانـة =
قل حال الناس زاد وقـام ينهـش فـي لحمهـا=
ومجلس الشورى يناقش كيف تخفيف الاعانـة =
والاعانة وش تسوي وش تسوي لـو خصمهـا=
لو خصمها وش تسوي افهمو يا اهـل الفطانـة=
يا الـي تحـط المبـادي والمبـادي تحترمهـا=
اسئلـك بالله ليـه الضلـم هــذا والخيـانـة =
ياخي ناضر فـالألوف الي جنابـك يستلمهـا=
ليش مايخصم معاشك او على فلوسك حصانة=
حط حيلك فالضعوف وصد عينك عـن قممهـا=
وانت تاكل وآنا آكل واترك السـارق وشانـه =
قاعده عمت علينا خاب حـض الـي نضمهـا=
وخاب حض الي تبعها وارتضى درب اللعانـة=
ذي بلدنا ذي بلدنـا كيـف بيدينـا نهدمهـا=
كيف نرضى بالفساد وكيف نرضى بالأهانـة =
اشتكـوا خـل الحقيقـة ترفـع يديكـم علمهـا=
زلزلوا من عاث فيهـا زلزلـوا كامـل كيانـه =
والأمـل بعـد الله بليـثٍ تولاهـا وحكمـهـا=
ذاك ابو متعب عسى الله ينصرة ويعـز شانـه=
قالـه الـي مابدتلـه كلمـة الحـق وكتمـهـا=
شاعر ٍ لأصعب قضايـا امتـه سخـر لسانـه =
وانا داري هالقصيدة الف واحـد مـا هضمهـا=
لكـن الباقـيـن قـالـوا الله يسـلـم بنـانـة =
مشكلتنـا فالبطانـة مشكلتنـا فــي قيمـهـا=
بـس ماهـو كلبوهـم فيـه قـلـة للأمـانـة =
ومن يقول بغير ذالك الـه نضـرة واحترمهـا=
المهم الي بقولـه صـار واضـح فـي بيانـه =
والمشاعر لو تخير كـان هجـت مـن قلمهـا=
وكان ماقالـت قصيـدة فالحريـم وفالبطانـة=

قـصـيـدة الــتــاج=

بديـت بأسـم خالقنـا منـزل محكـم التنـزيـل=خضعنـالـه واسلـمـنـا وامـنــا بـآيـاتـه
هجوس الشعر جوديلـي بقـاف ٍ مادخلـه الميـل=ابرضي من فقـدت اليـوم همساتـه وضحكاتـه
عشان الحزن والضيقـه ودمـع ٍ غـرق المنديـل=عشانـه يطـرب لشعـري ابنهـي كـل ونـاتـه
ابشعل للعتـب شمعـه وابضـوي للغلـى قنديـل=ونور الشمع مـا يضفـي ولـو ياصـل لذرواتـه
مسـاء الخيـر يانـادر ولالـك بالملـى تمثـيـل=مساء الخيـر ياأجمـل حـروف الشعـر وابياتـه
مساء الشـوق والرقـه مسـاءٍ صاحبـه تبجيـل=الى من جـاك يصغرلـك وتكثـر فيـك فرحاتـه
يألطف من هوى السوده واعذب مـن ميـاه النيـل=يانـور ٍ لاسطـع يخفـي شعاعـه كـل نجماتـه
ماكنت آضـن ياروحـي تلـد الـقـال ولا قيـل=اعرفـك تسفـه العـاذل وتكشـف كـل حيلاتـه
اخذ قولي وشف فعلـي وكـب الشـك والتحليـل=واذا بانت بـي الخلـه تقـف الجـرح ثـم هاتـه
هلـى بالجـرح دامنـه بــلا زود ٍ ولا تقلـيـل=هلـى بالجـرح دامنـه يكـفـر كــل مافـاتـه
انا ضاقت بي الدنيى وذقـت الهـم فـوق الويـل=وشفـت اقـرب محبينـي يـزود فـي طعنـاتـه
سيوف الغدر في ضهري وشاشت في حشاي الخيل=وجيتـك ضايـع ٍتايـه يبـي يحـكـي معانـاتـه
لقيت الجرح يتبـدل معـك باسـم الغلـى تبديـل=ولقيت القلب في قربـك سلـى عـن كـل اهاتـه
انا جيتك وانـا منهـك ولا لـي للمعاتـب ميـل=ولابـي مـن يحاسبنـي بغلطـاتـي وغلطـاتـه
تعـال وفسـر احلامـي واول هاجسـي تاويـل=وشوف شلون حبي لـك بـدى يرسـم علاماتـه
انا احبك واحبك مـوت انااحبـك واحبـك حيـل=انا ابحـرت فـي حبـك وابـي آصـل نهاياتـه
ولاكـن لاتواخـذنـي اذا زاد بعتـابـي كـيـل=ترى مغرمك ماراحت طبـوع البـدو فـي ذاتـه
انا مانـي ديموقراطـي ولانـي قاسـي ٍ بالحيـل=ولانـي مـن مساراتـه تغيـر عــن كتابـاتـه
انا اسمي نايف الصارم ولد فيصل ابـن عرويـل=اذا شعري نقـض فعلـي ابتـرك كـل ساحاتـه

قـصـيـدة في الملك عبدالله ( حفظه الله )=

بديـت بأسـم الله بديـع السمـاوات=
منجي ضعيف ٍ فالكـروب ارتجالـه =
مانصرف لغيـرة جميـع العبـادات=
الواحـد المعبـود جــلا جـلالـه =
واخذت من صم البيوت الجزيـلات=
شي ٍ يجملنـي مـع اهـل الجمالـه =
والشعر اله في مـر الايـام وقفـات=
تفرض على بحر القصيـد الجزالـة =
والوقت ميزان القصايـد والابيـات=
الزيـن يبقـى والحثالـة حثـالـة =
والقصد توثيق الفخـر والبطـولات=
للقايـد الــي كلبـونـا عيـالـه =
سـلام ياشيـخ الوفـا والـمـروات=
يالي كسبت الطيب فـي كـل طالـة =
ياريف شعبـك فالليـال العسيـرات=
يانور عين الشعـب يـاراس مالـه =
يالصيرمي زبن الحمـول الثقيـلات=
يامحبط اصحاب الفتـن والضلالـة =
ياصامل الهدات مـرو الشطيـرات=
يامرهب العـدوان وقـت الجهالـه =
يالفيصلي راع الضروب العطيبـات=
يالقايـد الـي روس شمـر خوالـة =
يامذهلـن روس الـدول والقيـادات=
يامعدلـن خصمـه بميلـة عقـالـه =
حبك طغى من فوق سقف العبـارات=
حبك طغى فـوق القصيـد ومجالـة=
والله نحبك حـب ماهـو مـراوات=
هـذا مقـال الشعـب هـذا مقالـه =
يامن نصرت الدين بيـن الديانـات=
يامن سعيت بنشـر اعضـم رسالـه =
اثريت شعبك بالعطـى والزيـادات=
وكلن وصـل بقيادتـك مـا سعالـه =
فتحـت لعيالـك جميـع المجـالات=
وانهيـت مشكلـت الفقـر والبطالـة =
واسكنت شعبك فالفلـل والعمـارات=
وحققتلـه ايـات خـيـر ٍ بـدالـه =
صارت امور الشعب عقبك سهـالات=
صارت امور العيش عنـده سهالـه =
عدة مدن لجل البلد فأربـع جهـات=
اخـر مدينـه يحتضنهـا شمـالـه =
فيها فتحت ابواب كـل الصناعـات=
وفيها تحقـق حلـم شعبـك وجالـه =
وترى العجب ماهوب في كل مافات=
اكبر عجب لاقيـل كمهـو مضالـه =
في عام واحد بس سوى العضيمـات=
وشلون لـو عشنـا سنيـن ٍ بجالـه =
ادعوا معي ياناس وبكل الاصـوات=
يالله تحفضـه يـوم كـل ٍ دعـالـه =
وتحفض ولي العهد راع الجمـالات=
راع الوفـاء والطيـب راع العدالـة =
ياسيـدي سلطـان زبـن المهمـات=
سلطـان ياسلطـان راع الشكـالـة =
لأسمك على هامة بـلادي علامـات=
لو زال كل الكـون ماهـي مزالـة =
تبقى على صدر الوطن طول الاوقات=
تزهى بها بيد الوطـن مـع جبالـه =
رفعت راس الشعب والجيش بالـذات=
وكلـن تطمـن لا تذكـرك بـالـه =
كونت جيـشٍ شامـخ ٍ كالطويـلات=
اكبر جيوش الخلـق ترضـخ قبالـه =
غير السلاح وغير كثـر المعـدات=
اسمك لحالـه بـس يكفـي لحالـه =
وحنا على ذيـك العهـود الوثيقـات=
هـذا وطنـا مـا نــدور بـدالـه =
دون الوطن ناقف حصون ٍ حصينات=
حنـا هـل الميـدان حنـا رجالـه =
من مات للجنه ولـو كـان مامـات=
ومن عاش يقضي بالفخـر مابقالـه=
وياعل عين ٍ هلـت الدمـع مـرات=
علـى عيـال الـي تيتـم عيـالـه =
تبعد عن النار العضيمـة مسافـات=
ويكتبلها الغفـران فـي كـل حالـة =
وتعجز قول الكفر نبـع الضـلالات=
تاصـل وطنـا بالخـدع والعمالـه =
بقيت يـادار الفخـر والحضـارات=
امحصنٍ عـن كـل عايـل وعالـه =
وحفضكـم الله يالجبـال المنيـفـات=
حكامنـا ال سعـود يأهـل العدالـة =
انتم هل التاريخ واهـل البطـولات=
ياسلالـة الامجـاد نعـم السـلالـة =
وختامها صلـو كثيـر الصـلاوات=
على نبـي ٍ قـام بأعضـم رسالـة=

قـصـيـدة في الملك فهد ( رحمه الله )=

اصمتي يانجـد وابكـي ياعروبـه=واصبري يانفس في وقت المصايب
احد ٍ اليـا مـات ربعـه مادروبـه=واحد ٍ اليا مـات تبكيـه النصايـب
واشهد انه يوم مـات الفهـد دوبـه=شفت دمع الحزن بعيـون الحبايـب
شفت ابوي يمش دمعـه كـم ثوبـه=وشفت اخوي يصيح ودموعه سكايب
يكتمون الصوت والدمـع جهروبـه=ما احتملت الدمع فوق خدود شايـب
قلت يمـه وشهـو الـي ماحكوبـه=وليه دمعاتك على رموشك نوايـب
واسكتت....ثم هلت العين الجذوبـه=وانطقتها مثـل طعنـات ٍ عطايـب
قالت اسمع والخبـر تـو اعلنوبـه=قالو انه مااااااااااااات جرار الكتايـب
قلـت وعيونـي لدمعاتـي سكوبـه=ارحمـه يـارب ماهبـت هبايـب
الكريـم الـي يمينـه فـي جيوبـه=ماحد ٍ قد جاه ثمـن عـاد خايـب
الحكيـم الـي عداتـه مااغدروبـه=وان تنبئ علم صار العلـم صايـب
حط طوبه فوق طوبه فـوق طوبـه=لين وصل دار الامجـاد السحايـب
الوطـن يشهـد شمالـه لا جنوبـه=من ورى الدمـام لحـدود المغايـب
انـه الـي كانـت اعمالـه دئوبـه=لجل يبعد عن وطنـا كـل عايـب
وانه الي قاد جيشـه فـي حروبـه=وانه الي صار في عهـده عجايـب
مانسـوا وقفاتـه الـي اعتزوبـه=يوم شبت في سما الـدار الشبايـب
قادها والناس تمشـي فـي دروبـه=واحتماها مسرج ضهور الصعايـب
قدهـا وقـدود يافهـد العـروبـه=قدهـا وقـدووود مافيهـا غرايـب
يالله المعـبـود لتنـقـي ذنـوبـهن=قوة ابياض الثياب مـن الشوايـب
ويالله توفـق اســودٍ احتـذوبـه=نخوة الاغراب من قبـل القرايـب
خـادم البيتيـن والنايـب ينـوبـه=الهـم البيعـه بشـبـان ٍوشـايـب
ويالله انك ترحمـه فهـد العروبـه=ارحمـه يـارب ماهبـت هبايـب

ياالي تجرين الهمـر وسـط بيـروت=

ياالي تجرين الهمـر وسـط بيـروت=
مالمتـك مـن عيـن غيـري عباتـي =
لكن تعالـي بتـرك الخلـق للمـوت=
وباتي على حضي من النـاس باتـي=
ببيحلك شـي ٍ مـن العـام مكبـوت=
وبلقي على ساحر عيونـك عصاتـي=
الـي بـأذن الله تقلـب الـى حـوت=
لو كـان مالـي بالنبـوة صـلا تـي =
لكـن شعـري در مرجـان ياقـوت=
والطيب دربي والعطى مـن سماتـي =
وشعر ٍ بلا معنى مع الناس ممقـوت=
وشعـر ٍ فغيـرك مايجيلـه حلاتـي =
جسمك على ذوق المحبيـن منحـوت=
ووجهـك يلـم مباعـدات الشتـاتـي=
الثلـج والرمـان والخـوخ والتـوت=
والقوس والخنجر وسيـف الزناتـي =
ورمش ٍ ليا سلهـم تقـل بالبراشـوت=
ينـزل علـى رتـم الثقـة والثباتـي =
واليا ارتفـع يفتـح ثمانيـن تابـوت=
اكتب قبل ترفـع رموشـك وصاتـي =
والعنق عنق الريم لا سمعت الصـوت=
ولبـة نحـر تشبـه عبـال الفلاتـي =
وباقي وصوفك كلها سحـر هـاروت=
في وصفها ذالوقـت ماهـو مواتـي =
لاكن تعالي قبل لا وقتـي ( يفـوت)=
واسترسلي في زيـن قولـك وهاتـي=
وش جفلك من ديرة عقـاب يانـوت=
ماعوضت (عالييه) رجـم السراتـي =
ووراك عارضتي هل الصوت بسكوت=
وزينـك تعـرض للريـاح العواتـي =
انا اعرف ان الناس لا لبست الكـوت=
تبغي دفا ماهيـب تبغـي عراتـي!! =
وانتي لبستي كوت والكوت بسبـوت=
كوتـك فـرو لاكـن فـروه شتاتـي =
لبسك بوسط الريح والثلـج مشمـوت=
وانتـي مزاجيـة سواتـك سـواتـي =
ليش الهمر ماهوب لكزز ولا حـوت=
ماصنعـوه الغـرب لجـل البنـاتـي =
يعني بدي شمعـات تنـده وكبـوت!!=
وشلون تاتي بـس وشلـون تاتـي؟؟ =
وختامها لو صحت في عالي الصوت=
مالمتـك مـن عيـن غيـري عباتـي=

دام القصايد مرضيات ٍ هل الديـن=حتيش لو تزعل علـي الرخومـي

البارحة والناس هجـع ووممسيـن=وانا لحالي مـع جمـوع الهمومـي
صارعتها بالسيف وسط المياديـن=ونطحت فيهـا كـل قبـاً قحومـي
معها سلاح الغدر والبعـد والبيـن=والحمـدلله مـا تثنـت عـزومـي
لاني عريبن من سلالـة عريبيـن=نسل الرجـال الطيبيـن القرومـي
ربعـي عتيبـة ملحقيـن المخليـن=لا جا النهار الي طيـوره تحومـي
الي ليـا هـدو سـواة الشياهيـن=من فعلهـم كـن القيامـه تقومـي
امجادهم تذكر مـن الهنـد للصيـن=وافعالهم طالـت بعـاد النجومـي
ولاهوب مرهبني كلام الحسوديـن=اختم على وجه الرخـوم الختومـي
في عام ثالث بعد الالفيـن واثنيـن=جيت ارهب الساحة بلحضة قدومي
ماجيت ابشكي فالقصايد من الديـن=ولاجيت ابقضي بالقصايد لزومـي
جيت ارفع الكلمة واوضح عناويـن=واشكي هموم الشعب واشكي همومي
واصب فالقالـب ثقافـت فهيميـن=واقول شعر ٍ يفتخـر فيـه قومـي
ماهوب شعري ليل يالـي ياعيـن=شعري مضاريبه سـواة السهومـي
الين من اللين علـى حـزة الليـن=وان كان تبغاني هجومي هجومـي
اليا مدحت اذهل عقول السلاطيـن=ولا الهجاء شعري مثل غزوا رومي
هذا وانا عمري ثلاثـة وعشريـن=ارهبت في شعري كبار الخصومي
رح انشد اهل الدار والـي بعيديـن=وان ماكفاك اصعد لذيك الرجومـي
تلقى الصخر يبكي على شان بيتيـن=قد قلتها له بالضحـى ذات يومـي
وان ما كفنك يا ابن الاجواد ثنتيـن=ذلي ترى كـوم ٍ وهاذيـك كومـي
طالع وجيه اهل الـرداء والثعابيـن=تلقاهم ان قلت القصيـده كضومـي
وتلقانـي اردد لهـم بـس قوليـن=تحشر عليهـم واسعـات الهدومـي
ياحفنـة الألحـاد مهمـا تقوليـن=متمسكن فالديـن واتبـع سلومـي
دام القصايد مرضيات ٍ هل الديـن=حتيش لو تزعل علـي الرخومـي

للطيب درب وللرخامه متاهات=ويالي بغيت الطيب اسمع مقالي

يالله يالـي فـوق سبـع السـمـاوات=تفـرج لحـال الـي عصتـه الليالـي
سايرتهـا بسكـات بسكـات بسكـات=واقـول بكـره يصلـح الله حـالـي
ماودي اشكي عنـد عـاذل وشمـات=ولابي علـي النـاس تلقـى مجالـي
اقضي طـوال الليـل نـوح ٍوونـات=والناس ماتـدري عـن الـي جرالـي
صبـرت واستبدلـت قولـي تنهـات=وتسابقـن دمعـات عينـي تـوالـي
عليـك ياحلـم ٍاشـوفـه ولا مــات=رغم الحضـوض النـادرات القلالـي
لك الذي مـا تختلـف فيـه هقـوات=ماتختلـف هقـوة رفـيـق ٍعنـالـي
لا والله اثبت والحـق القـول باثبـات=والقول مـا يثبـت عـزوم الرجالـي
لا والله الى الفعـل والفعـل بالـذات=محـد ٍيقـول المـر يانـاس حـالـي
للطيـب درب وللرخامـه متـاهـات=ويالي بغيـت الطيـب اسمـع مقالـي
صـل الصـلاة واد كـل العـبـادات=واسجد لوجـه الله عزيـز الجلالـي
وللوالديـن حقـوق ذكـرت بالايـات=ياجب عليـك اصغـاااء ثـم امتثالـي
ثـم عقبهـا لاتلحـق النـاس نمـات=اوزن كلامـك يرفعـك فـوق عالـي
ترى لسان الشخص للشخـص مرئـاة=ان اعتـدل عدلـت وان ملـت مالـي
واحرص على وقتك ترى الوقت لافات=تنـدم علـى فوتـه ليـال ٍطـوالـي
لاصـار مـا شيـد شبابـك بنايـات=لاصرت شايب مـا بنيـت العوالـي
شيدلك من الطيب قصـر وعمـارات=تذكربهـا لاصـرت تحـت الرمالـي
اسمع كلام الناس وانضـر للامـوات=واختـر لنفسـك مـا تريـده يقالـي
واحذر ترى للنفس رغبـه وشهـوات=ان طعتهـا راحـت عليـك المعالـي
طـرد الهـوى ذلـه ولافيـه شكـات=يامـا تنـزل مــن (سبايبَه)عـالـي
ولا تلحقك من قلـة الحـال ضيقـات=خلك على ماقال( صـدرك شمالـي)
اضربهـا واحـذر تطيـح بمغـبـات=ولا تنفتـن نفسـك بطـرد الريـالـي
واعرف ترى غال الكنـوز القناعـات=من فـاز فيهـا فـاز والفـوز غالـي
ولا تخـوَف مـن نهـايـة بـدايـات=خلك علـى كـل الامـور ارتجالـي
الخوف يرمـي صاحبـه فالهزيـلات=ويثنيه عن كسـب الامـور الجزالـي
الموت مره لاكـن ان خفـت مـرات=والله مـا تمشـي حيـاتـك عـدالـي
خالط جميـع النـاس كـون علاقـات=لا تجلـس لحالـك تصيـر انعزالـي
لاكن بنفس الوقـت ياصـاح هيهـات=تمشي بهواك الناس فـي كـل حالـي
فالناس طيب واكثـر النـاس عيَـات=رافق هـل الطـولات خـل الثعالـي
والجـار كثـر جيتـه والـزيـارات=سيَر تـرى الدنيـى سريعـة زوالـي
فنجال بن وعـود ٍ ازرق وضحكـات=تشيـل هـم الـي همومـه ثقـالـي
مافـات فـات ومـاهـو اتــي ٍ آت=اسمـع كلامـي وافهمـه للتـوالـي
رتـب حياتـك حـط الـك اولويـات=وخطوط حمرى واضحـات ٍ جلالـي
الدين لا ترضى على الديـن خمـلات=هـاك الكـلام الـي يهـز الجبالـي
والله ما ترضـى عليـك الولايـااااات=اليـن تتبـع درب ذيــك المـلالـي
جاهد عـدو الله فـي كـل الاوقـات=بالحـال ولا الـمـال ولا العيـالـي
ثـم الوطـن احيـان تاتيـه حـزات=تبـي رجال(ن)يحملـون الحمـالـي
وقـف بعـزة نفـس قلـه سلامـات=يالمعتدي فالعقـل جـاك اختلالـي؟؟
ثم اقطع الرجعه وقـل جيـت مـوات=والله مـا تفـرح بـيـوم احتـلالـي
هاذي لأهل الطيـب مثـل العلامـات=نضمـت فيهـا كـل كـار ٍ طرالـي
وللطيـب درب وللرخامـه متاهـات=ويالي بغيـت الطيـب طبـق مقالـي

قـصـيدة الـعـلمـانيـة=

سلام الله على الشعب السعودي كاسبين الكار=سلام ٍ قاله الصارم قبـل لا تبـدي الغـاره
اخاطب نقوة العالم ولا اخاطب عقول صغار=ومن يفهمني ايترجم كلامي لا افضل عباره
لأني دايماً سيده ولا عنـدي يميـن يسـار=وانامن عادتي ما اخشى كلام الحق واضهاره
انا لي ثارماخذته ولاكن ماهوب ايـت ثـار=عضيم ٍ لا تذكرته يضيق المـوق بعبـاره
الا ياليت عبدالله يصرح يوم لأهـل الـدار=عشان الي يبى ثاره يقـوم وياخـذ بثـاره
قسم بالله مايرفع علمهـم والحـروب تـدار=ولا يضهر لهم صوت ٍ يصج الناس بأجهاره
عسى صوتن يغنابه على معزوفـة الكفـار=ليا منـه بلـغ حـده تقطـع كـل اوتـاره
عسى من حارب الهيئة قبل يقلط بوسط النار=يذوق الذل في وسط الحياة وتنطفـي نـاره
وألا من حارب الهيئة ياكود الحابل المكـار=وشخص ٍ عيت اخطائه تطابق جملة اعذاره
هذولا العلمنة والي تبعهـم خايـن ٍ غـدار=ولا هالناس هي ناسه ولا هالدارهـي داره
هذولا آلات مصنوعةعشان تطبـق الادوار=عطاها الغرب مايملك عشان تطبـق ادواره
سفارات الدول تبني حواجزها على الاسوار=وهم دروبهم تفرش مـن البـواب للحـارة
خفافيش الضلام الي تخاف تواجه الانـوار=وجوه ٍ سود مكروهـة ومكـاره وغـداره
يمضيها اليهودي لا انحنت عنده على اقرار=وتبقى طول ماتبقـى تطبـق كـل افكـاره
حثاله فكرها ماسخ تغذىمن حليـب العـار=عقول ٍ ساقطه دايـم بأتفـه شـي محتـاره
تسب الدين وتحاول تزيل رسالـة المختـار=يبين الطهر لاكن القلوب انجس من الفـاره
يبون قيادة المرئة يبـون يخربـون ديـار=يبون الدين ماينصر يبون اجسـاد منهـارة
يبون الفسق فالدولة يبون الرقص والمزمـار=يبون ان الوطن يبني كراماته علـى بـاره
يبون من البني بنت ٍ تقط حجابهـا بأشهـار=يبون من الولد يترك عيون الناس في عـاره
يبون اليا لفى جيشٍ على حـد البلـد جبـار=يفزون ومحارمهـم تـرش الوردوازهـاره
مثل بغداد ماينسى ولا يخفى على الانضـار=غزى جيش العداء واكرم يدين الخاين وجاره
ولاكن فز يانايف عسـى يفدنـك الاعمـار=ياحر ٍ لا كفخ نومس هل المقناص بطيـاره
ترى لازادت الكيلة نفوس المسلميـن تغـار=وفيهم من ملك نفسه وفيهـم نـاس ثـواره
وحنا نعرفك سيف ٍ يبت الراس لامن ثـار=ولاكن كيف يفهمها كبار العقـل وصغـاره
ختمت القول واوجزته ولا باقي معي اسرار=واذا بلغت فأشهدلي يارب الكـون وامـاره

اتمنى ان ينال على اعجابكم اخوكم وافي الخماش ..

[صنديد العصمه]

وافي,,,,,
الله يعطيك العافيه جهد مميز شكر عليه

[وافي الخماش]

المشاركة الأصلية كتبت بواسطة صنديد العصمه

وافي,,,,,
الله يعطيك العافيه جهد مميز شكر عليه

يعافيك ربي لا هنت على المرور ..

[العمري ابو فهد]

وافي الخماش,,,,
الله يعطيك العافيه جهد مميز تشكر عليه

[محمد العتيبي]

وافي ياوافي

بيض الله وجهك على هذا الجهد الجبار ..
تقبل تقديري واحترامي ..
...

التوقيع

للتواصل عبر twitter تويتر al_bargawy@

[وافي الخماش]

المشاركة الأصلية كتبت بواسطة العمري ابو فهد

وافي الخماش,,,,
الله يعطيك العافيه جهد مميز تشكر عليه

يعافيك ربي لا هنت مشكور على المرور ..

[نواف البرقاوي]

وافي الخماش

يعطيك العافيه على النقل الموفق

والشاعر/ نايف عرويل

شاعر شال هموم المجتمع بأشعاره الجزله

حتى لاقت أستحسان جميع شرائح المجتمع

هذا يحسب للشاعر / نايف عرويل الله يجزاه خير


ومشكور يا وافي مره أخرى على الموضوع


تقبل تحيات / نواف البرقاوي

[وافي الخماش]

المشاركة الأصلية كتبت بواسطة ابومشعاب

وافي ياوافي

بيض الله وجهك على هذا الجهد الجبار ..
تقبل تقديري واحترامي ..
...

ارحب يا بو مشعاب منور لا هنت على المرور ..

[وافي الخماش]

المشاركة الأصلية كتبت بواسطة نواف البرقاوي

وافي الخماش

يعطيك العافيه على النقل الموفق

والشاعر/ نايف عرويل

شاعر شال هموم المجتمع بأشعاره الجزله

حتى لاقت أستحسان جميع شرائح المجتمع

هذا يحسب للشاعر / نايف عرويل الله يجزاه خير


ومشكور يا وافي مره أخرى على الموضوع


تقبل تحيات / نواف البرقاوي

مرورك فـخر لي لا هنت يالذيب ..

الله لا يحرمنا شـوفـة هالوجيه الطيبة ..

[محمد العتيبي]

تمت اضافة ديوان
الشاعر الكبير : نايف بن عرويل الدعجاني العتيبي
لدوواين شعراء عتيبه المثبته بأعلى القسم ..
ولك الشكر والتقدير مره اخرى ..
...