ناصرالمرشدي
يامعجب بن سعود ياراعي البحرين=من بحرك الاول لبحرك الثاني
وش لون مدري كيف رايح وجاي من اين=والا مسويها كله على شاني
معجب العتيبي
يامرحبا واهلين ..يامرحبا واهلين=ياشاعرٍ يشرب ببسي على شاني
وش لون ماسلم راع الكلام الزين=والا من الفرحه مستعجل وعاني
ناصرالمرشدي
رحبت مارحبت دوك الخبر هالحين=وش لون يامعجب تقدر تعداني
السالفه ماهيب ضحكه وغمزة عين=يالباني الهادم يالهادم الباني
معجب العتيبي
اقول هاك الزين وتقول هات الشين=وليا نشدتك ليش.؟قلت الزمن فاني
السالفه عمله يعرف لها و جهين=يالداني القاصي يالقاصي الداني
ناصرالمرشدي
ياحبحبه حمرا ...حمرا على السكين=بغيت امشيها /لكن ممداني
ياراعي العملة/ حملت روحك دين=والعام ماشاء الله مخباك ملياني
معجب العتيبي
ناصر معه عله فالراس والخدين=ومن الخطا راجع دكتور الاسناني
الدين لأهل الجود ياناصر الالفين=ياللي ذبحك البخل وتقول طفراني
ناصرالمرشدي
خلاص ابا طلعك من عالم التمكين=واحمل الشرهه مرزوق حمداني
يكفيك يامعجب وحده من الثنتين=وحده من الثنتين اسمي وعنواني
معجب العتيبي
اكبر بحر جده والا بحر قزوين=ياشاعرٍ غنى زيناة الالحاني
والنعم ياناصر وقت اللزوم تعين=لكن تخربها في بعض الاحياني
ناصرالمرشدي
اثر العليميه فالمعمعه غادين=صار الشعر مابين هندي وسوداني
ترى يسار يسار ولا يمين يمين=لاتحتدي واقول شكلك تحداني
معجب العتيبي
ناصر بدا يلعب. يلعب على الحبلين=مايدري ان الماد ياناس ميداني
الحق ياناصر بيّن ودربه زين=ياطيب من يفهم ويلد الاعياني
ناصرالمرشدي
المعذره لكن/ طرتلي ام قرين=وموصل المعني فكري وقيفاني
ماتابع المليون الا لجل دارين=بين الخدود الحمر خاتم سليماني
معجب العتيبي
يازين بعض الهرج يافلان ابو قلبين=خصا ليا غننيت ياليل ياداني
برنامجٍ مليان لكن خذاك البين=والا تمثل دور مشهور يافلاني
ناصرالمرشدي
خطاك بالتحديد تندى له الكفين=ان كام راضيبه وان كان زعلاني
عليك محسوبه لو انها بيتين=وانته تمثلنا فالعلم من داني
معجب العتيبي
ما اخطيت في ديني واصلي البردين= واحفظ حقوق الناس بالفعل ولساني
ما نخلف الميعاد فالسبت والاثنين=مادامنا من روق والاصل عتباني
« آخـــر الـــمـــشـــاركــــات »
09-Jun-2008, 08:47 PM
العرض المتطور
