اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
05-Apr-2008, 02:02 AM | رقم المشاركة : 1 | |||
|
قصيدة الشاعر عواض الشلوي (العسكريه) ورد الشاعرة الشمريه
السلام عليكم ورحمة الله وبركاته الشاعر عواض العطشان الشلوي من اشهر شعراء قبيلة الشلاوى قال هذه القصيدة قبل حوالي سبعين سنه حينما انتظم في السلك العسكري وحيث انه بدوي ليس متعود ان يامره احد قرر ان يفصل وقال هذه القصيده التي كثير من الناس مايكررها دون ان يعرفوا من قائلها : يالله انـك لاتعـود العسكريـه والزمان اللي على البدلـه حدانـي لبسوني لبسـة ماهيـب ليـه درعونـي باللبـوس المشبهانـي دربوني مثل تدريـب المطيـه والصعب منـا يعـود مطوعانـي العريف المستلم طبـق عليـه والخفارة طولـت والنـوم جانـي يالله انـك لاتحملنـا زريــه حيـث حنـا للمعاصـي ماندانـي يا وجودي وجد حُمُراً عيدهيـه ساقطاً منها الحقب ويـا البطانـي فوقها قرمـاً بباكـوراً قويـه من وراء العارض يبا دار اشهراني قطّـر القربـه وقـدم قيهميـه مع زوال الظهر يوم الشوف دانـي هسها العرقوب والديره رديـه لين دم الجوف بالذرعـان حانـي او وجوده وجد عَرَباً فوق طيه في لهيب القيض معطيتـن ثمانـي هملن اعيالهن بـارضٍ خليـه واصبحـن اعيالهنـه ذيهابـانـي يوم جن البير ليهـي جاهليـه ماعليـهـا لا ورود ولامحـانـي بركن بالشمس تصهرهن شويه كل منهن كنه الخـرص العمانـي لو بغيت ادله الطـاري عليـه واستحس القلب والهاجوس جانـي يوم اشوف الدين مرتجدن عليه والظهر عريان والجوع ايحدانـي طالباً رزقاً تحطـه فـي يديـه ماعلى بابـه شريـف ولاهدانـي * وهذا رد الشاعرة الشمريه القاسي ( يا طيب عينها ) وسِّـع الملعـب لقـاف الشمريـه وسّعـه للحـق أنـا بطْلِـق عنـانـي خلني لا تْحِـط قيـدك فـي يديَّـه ولَّعَـتْ ألفـاظ شعـري و المعـانـي جمـرةٍ كتمانهـا صعـبٍ علـيّـه كـل شاعـر لا كِتـم شعـره يعانـي يشتِعل من شان يسْتهدي بضيّـه كلّ طرقـي فـي دروب الليـل عانـي هزّني شاعر سمعتَه فـي عَشيّـه ( عسكريٍ ) يشتكـي مـرّ الزمانِـي قال ( ربي لا تعـود العسكريـه ) ( و الزمان اللي على البدلـه حدانـي) قلت أكيد الرجل واقـع فـي بِليّـه أو مصيبـه صكِّتـه بيـن المحـانـي قال وشو ( درّبونـي كالمطيّـه ) و اتِضح مقصود شعره لـي وِ بانِـي طار قلبي و أثري الدعوى كِذَيَّـه ما أقـول إلا يـا دانـه دانـي دانـي استلمها جَتْك نِصح اخـتٍ لِخيَّـه ولا أبي مـن وقتـك إلا لـي ثوانـي قُمْ وِ صلي و اردع النفس الشِقيّه و احمد اللي يرتجيـه إنـسٍ و جـانِ الله اللي مدّ لـك رزق و عطيّـه حـرِّك بحمـده يديـنـك و اللـسـانِ كان شغل (العسكري) متعب شِويَّه قبلك اللي من التعـب عـضّ البنـانِ الرجال اللـي يخوضـون المنيّـه كـلّ صعـبٍ يَحْمِلُـون إلا الـهـوانِ إسأل الصحراء وِ صمت المهمهيّه عـن فعايلهـم وِخِـذْ منهـا البيـانِ كيف شقّوا بالصخر مجرى وِ مَيّه كيـف عاشـوا مِـعْ ذيابتهـا بأمـانِ صادقوا في مشْيُهم شمسه وِ فَيّـه وِ عْقِدوا مَـعْ بـرّده و قيظـه رهـانِ كلّ من له نفس صبَّـاره و حَيَّـه بـإذن ربـي يقطـف ورود الأمانـي لا تِشَكّى ... أشهد إن العسكريـه غِصـن رزقٍ وارفٍ رطْـبٍ وِ دانـي كَمِّ بيتٍ من وراهـا شـبِّ ضيِّـه يغْرِفـون اللحـم دايـم بالصـوانـي و كم راسب بالفصول المدرسيّـه ما لقـى فـي غيرهـا رزق و مكـانِ ( جندي ) و راتِبْه خمسُ وكم ميّه نعمـةٍ مـا يجحـده غيـر الجـبـانِ اضربوا ( للعسكري ) أحلا تحيّـه لَوْهُ ( جندي) أشهـد إنـه راعِ شـانِ حَيِّ (عَينه) لا غَفتْ عين البريّـه أسْهَرَه لجـل الوطـن حـبّ و تفانـي اللي لا صِحْنا رمى ( روحه ) هديّه يوم غيره مـن غـلا روحـه أنانـي لا تلومونـي بحـب العسكـريـه لـو أغنـي دَهْـر حُبـه مـا كِفانـي خيرها طَـوّق بَعَـد ربـي يِديّـه رزق (ابوي) وْ شِغل (اخوي) بهالزمانِ و أنا بنـتٍ لا جحـود ولا غبيـه و احمد اللـي بالرضـا دايـم كسانـي في ردودي دوم لي ب(النصح) نِيّه لا طلب شهـره ولا هـو شـي ثانـي عِنْد هذا البيـت وَقَّفـتْ المطيّـه وِ اكتمل ردي عسى المقصـود بانِـي منقول |
|||
|
|
05-Apr-2008, 02:11 AM | رقم المشاركة : 2 | |||||
|
صح لسان الشاعرين..
عز الله انها وافيه.. مشكور يالغالي..
|
|||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
أدوات الموضوع | |
انواع عرض الموضوع | |
|
|