لا والله ألا شاعر وطن يابن هذال

[ابو براك]

مشكووووووووور أخوي نواف

والله يحفظ شاعر الوطن خلف بن هذال

وابو هذال كلما ألقى قصيده نجد فيها أنه يثبت للجميع أنه شاعر وطن

وأنه شاعر بل مدرسه شعريه الله يطول بعمر شاعرنا الكبير

[قادح شرار]

أخواني وأبناء عمي المشرفين أنا أدري إن بعض الكلام اللي كتبته كان حار وقارص , ولكن أنا أكويهم عشان يفهمون .

الله يحفظك يا أبو هــــــذال فعلا ً أنت شاعر الوطن .

لا ننسى إن شاعر الوطن خلف بن هذال العتيـبـي كان حافز وله دور كبير في حرب الخليج عام 1990-1991 ميلادي . وأثبت ذالك رؤساء الدول فالخليج العربي .

ليا حل الثعل بالفين أسد من شافهـن يحتـار==ثعالب لو عليهن من تواصيف الاسـد عينـه
وليا حل الاسد بالفين ثعلـب غيـر المعيـار==صنع منهن أسود ولونهـن طابـق ملاوينـه
وأنا مانيب شاعر للوطن كل الوطـن شعـار==سلع بيع وشـراء بالنقـد لاسلفـة ولادينـه
وأنا ما أقول عالم يعلم الـي سيـر الأقـدار==أفراسه من خيالن ماارسن ماضـاع تخمينـه
عبرت من البحور أبحور مايعبر بها البحـار==ولادورت للمحـار وأغرتـنـي مثاميـنـه
شربت من القناعه والمناعه بالضمير الحـار==والي نفس رضت بالوقت في عسره وفي لينه
لقيت الحقد ياكل صاحبه مثل الحطب والنـار==يشوف من الغباين حي ويمـوت بطواعينـه
اذا خاطبك عاقل صارحه يشبعـك بالافكـار==وإذا خاطبك جاهل قل يازين الهـرج يازينـه
وإذا مالت بك الكفه تخير بالرجـال أخيـار==علـى الكفـه موازينـك تعادلهـا موازينـه



أي والله الحقد والغبن يحرق صاحبه
ماغرتك مثامينه
وإذا خاطبك الجاهل قل يازين الهرج يازينه !!

أختصر وأوجز بعبارة فديتك يابوهذال .. وأنت تستحق أكثر بكثير





أخوكم / قادح شرار.

[عتيبـــــ ولد ــــــــة]

يا أخوان ما تلاحظون إن أبوهذال الله يحفظه ويطول عمره في كل قصيدة يثبت إنه شاعر للوطن غصب ورا خشم اللي ما يرضى مع إنا ما يطري اللقب ..!!؟

ومو هذا الغريب ..!!!


الغريب إنه في هذي القصيدة أثبتها بقوة مع إنه قال أنا ماني شاعر للوطن ..!!!


عجيب هالشاعر .. قوة شعرية ما شاء الله عليه الله يبارك فيه ..

[ابن مشيب]

لاهنت يانواف على هذا الموضوع , وسعادة اللواء الشاعر/خلف بن هذال , منذُ شبابه حتى ماوصل اليه الان من تقدم في العمر , وهو لم ينسى وطنه ولاشعبه ولا امته الاسلامية , ونسأل الله ان يطيل في عمره , وان يوفقه لمايحبه ويرضاه


تحياتي

[ابو فايح]

ابدع ابو هذال قصيده ليست سياسيه فقط اشتملت على كل اغراض الشعر لله درك يا ابا هذال وصح لسانك وسلمت يداك اخ نواف

التوقيع

عالم تويتر abofayeh@

[بدر100]

بيض الله وجهك ياخوي نواف


http://www.otaibah.net/m/showthread.php?t=48492

[مستشار القبيلة]

بيض الله وجهك اخوي نواف على الموضوع الرائع ،،، موضوع رااائع


و يستااااااااهل شاعر الوطن

[فتى وادي الرشا]

لافض فوك يانواف ......

الصراحه ابدعت وهذي ماهي بغريبه عليك...... بيض الله وجهك

الله يخلي لنا شاعر الوطن / خلف هذال .... ويطول عمره

بيت للزلامي/

كل واحد يحب يصير شاعر وطن && والمصيبه خلف هذال عيا يموت

[فهيد الشيباني]

انا ماني بشاعر للوطن كل الوطن شعار @سلع بيع وشرا ماهيب لاسلفه ولادينه


من ينتبه لهذا البيت ابن هذال اكد انه شاعر الوطن وبجدارته

رغم من ان البعض تسلف بعض القصائد حتى يجد من يقول له انت شاعر وطن هههههههههههههه

اسلوب ذكي من ابو هذال لله درك يابو هذال عشرات السنين وانت شاعر الوطن ولا يكفيك هذا اللقب انما يكفيك لقب شاعر العرب

لانك تتكلم عن قضايا الامه العربيه من فلسطين والارهاب وقضايا الشعوب لله درك ياهرم شعر النظم

خلف ابن هذال كثير من الناس من الباديه والحاضره من الغيره والحقد
يريدون بالكلام او بأي حركه ان يسيؤا لخلف هذال لكن خلف هذال جبل من جبال الجزيره العربيه لن يتزعزع وخادم الحرمين وجميع الاسره المالكه والشعوب العربيه خلفه انه شاعر العرررررررررررب وشاعر الوطن وشاعر الشعراء الذي لن يصنع التاريخ مثل ابن هذال شاعر المحافل


لله درك باو هذال وعسى عمرك طويل

[القيصر المطيري]

علي الطلاق وفي ذمــتي انك شاعر وطن يابو هذال هذا ثابت ولايختلف عليه اثنين؟؟؟
ومعروف ؟؟ بــس المشكله الشات والمنتديات اللي يكتبونها فخمت الموضوع؟؟؟ وصار فرصه كل عدو في التفرقه والكراهيه والبغض
من بعض الناس هداهم الله
++++++++++
وانا اوجه نادى اللي في المنتدى ؟؟ واقول تراء الموضع مايسوى تفخمونه او تعطونه كبر حجحمه؟؟؟ خلف شاعر وطن ولايباى شهاده اي احد؟؟
بس هداء الله من كان السبب في التفرقه والحسد والبغض
ودمتم بخـير؟؟

آخر تعديل القيصر المطيري يوم 08-Mar-2008 في 02:59 AM.