قصيدة غزليه للشاعر / غزاي العضياني
ياليل ياكثـر العتـب والمشاريـه=وقلب يفوز بطعنتـه كـل غالـي
ماباقي الا نعطي القـوس باريـه=ونصبر على رماح الجفا والتعالـي
لاطاح حظك ماحد جاء يصحيـه=وان قام حظك عد روس الجبالـي
سجوى غرامه ساقها صحصح التيه=يطوي مسافات الديـار الخوالـي
دونه سراب البعد يشّـر بياديـه=تحدرت بـه نجـد يـم الشمالـي
لاغاب واقفى من تـوده وتغليـه=ماعادلـه طـاري ولالـه مجالـي
يمـر فـي بالـي ولانـي بناسيـه=الا لياغفيت جـاء فـي خيالـي
كنه يصحيني بصوته وانا اوحيـه=جدد جروحـي ماتركنـي بحالـي
حسبـي عليـه الله والله يجازيـه=مالي وماله كـان مالـه ومالـي
اهوه يبيني لارحل عنـي ابكيـه=والا يبي دمعي ليا جـف سالـي
والا يبي شعري تسابـق قوافيـه=عليه لكن صعـب ذل الرجالـي
والله ماطيعه فالخطا اللي يسويـه=صحوة عقل والا جنـون الهبالـي
لو كان حبه شاهـرات غوانيـه=ماهـو بحـب مالـه اول وتالـي
ولو كان انا ماقوى فراقه ولابيـه=ابقى عزيز النفـس بيـن العيالـي
من باعني بعته ولايمكـن اشريـه=اجزم وابيعه لـو بربـع الريالـي
ومن لاتربّى خـل وقتـه يربيـه=ماني مربي مثـل سـود الليالـي
والعذر اذا فيه اخطاء
« آخـــر الـــمـــشـــاركــــات »
23-Feb-2008, 04:58 PM
قصيدة غزليه للشاعر / غزاي العضياني
العرض الشجري