الفااارس الشاعر سعدي بن مزيبد !!!!

[سلايل مزيبد]

سعدي بن مزيبد :-

هو سعدي بن مزيبد بن سامر بن محمود من السحله من العضيان
من الر وقه من عتيبه

من قصيده في عياله .. كان سعدي بن مزيبد على العلم وهي منطقه قريبه من الحنابج .. وكان معه قطعة ذود وقطيع من الاغنام وكان إبنه مناحي يرغب في الذهاب الى مكة للبحث عن عمل وكان يقول لوالده سوف اذهب لاجد لي شغل مع الشريف وعذله والده وعيا يطيعه.. بعدها قال سعدي قصيده لا احفظ منها سوى هذين البيتين :

مادام اشوفك يامناحي تمرا = القلب الك فـ ادناه واقصاه مرباع

مرباع اهل قومن عن البدوا برا = بين قحطان اهل المضاريب واسباع



ايضاً من قصائده في ابنه مناحي :

يالح قلبي لح معوىً على قاع = في وسط لهبوب وسيع شعيبه

على اللذي قد عذلته ولاطاع = وعودت من عنده براس الزريبه

وهليت من عيني يجي سبعة ارباع = طارٍ طرى علي ماينحكيبه



ومن القصص التي جرت على سعدي بن مزيبد هو انه كان طرقي ومر اله عربان من الروقه وتقهوى عندهم ويومنه راح من عندهم وابعد والتفت واليا هاك الحرمه تتبعه تمشي وراه وهوه على ذلوله وهيه تمشي على رجلينها لاتقرب منه ولاتبعد عنه ويوم امساه الليل الياهو في ديرةٍ مخليه لاش عرب ولا شباب نار وهوه ذباح صيد وهو يذبح له ارانب ويشب ناره وهي تجي وتقف عنه هناك قال تعالي ياحرمه علميني انتي وش تبين ؟ جات تمشي لين قربت منه .. قال انتي وش عندتس ؟ انتي من العرب اللي اليوم روحت من عندهم !! قالت نعم وانا رجالي معزرٍ في ومبغاه وابا فرقاه وعيا يوديني اهلي وعلموني فيك العرب وامنت بالله ثم ابك وجيت تابعتك واهلي قدام يم اهلك قال زين ! ويوم شوى الصيد وخلصه قال تعالي خذي هذي وتعشي قالت لا .. قال معاهدتس بالله إن ما أخذتي الصيده وتاكلينها لخليتس في هالمكان واسري !! وهي تاخذها وهو ينسدح بعد ما تعشى وصلّى ويوم رفع راسه الياهي قاعده قال ياحرمه تعوذي من الشيطان ثم انسدحي وتراتس من العارض هذا اليا هالعارض رفيقتس سعدي بن مزيبد ما هوب خمام بيطمع فيتس .. والا والله لخليتس في مراحتس هذا واسري وهي تطيح ما طمعت انه يقول الكلام هذا .. ويوم اصبح ويمس الشداد على ذلوله قال اركبي قالت لا ابمشي قال اركبي ياحرمه وهي تركب .. قال ها علميني منهم اهلك ووش اسم ابوتس ؟ قالت الفلاينه ويوم وصل العرب وينشد عن اهلها قالوا عانهم في هاك المكان وهو يتجه اله ويوم وصلهم وهوه ينوخ ذلوله قال هذولا اهلتس ؟ قالت نعم .. سلم على ابوها وسلمت هيه على ابوها قالت يبه يبوي تكفى تجزاه قال ابتس الطيب ماهوب لاحدٍ عن احد لكن هوه بيض الله وجهه واللي يبيه نبي نعطيهياه .. قال سعدي ماشلتها وجبتها هيه اللي جابت نفسها وانا اعنتها على نفسها وماجبتها الكم ابا عرقه .

ويقولون إن سعدي قال (( ابا أموت وهاللحيه هذي ماجت على الحرام )).

ايضا من اجمل ما سمعت من قصائد سعدي بن مزيبد رحمة الله عليه هذه القصيده:



الليلة القلب باطرافه هناديب =هنداب قوم تقفوا حاكم عادي

سارين من ثرب وأيمنهم وطا الذيب =يبون جبّار وألا الشظو ميرادي

تاطا الاصايل على روس الضواريب =قحص الطلايع تباري الجيش وتقادي

الجمع ساري وجايلّه جناديب =ودليلته ينهض الفينار وينادي

معطين مدهال اهل عوج العراقيب =والجمع يبرالهم قافي وذوادي

كله سبايب تعاجيب وذواريب =فيّه لقوها العيال وبنت الاجوادي

وآ رجلي اللي بعد مبدى المراقيب = ماطا قدمها عن العرقوب متحادي

ثنيتها في نهار الكره والطيـب = لين اعطبوها رمـات ألادعبـادي

أهل العزاوي اليا جات المطاليـب = وإن ترسوا دونهم مكني وسـوادي

كله حشايم بكار وفطرن شيــــب = ماهيب حشمتك يامركوز الأنهادي

لو كان ترحب وكثّرت التراحيب =هاديني الله على درب القدا الهادي

واليا ركبنا على شيب المحاقيـب = نسبر غضيره ورجع العرج منغادي

اقطعبها الخوف وديار الاجانيب =وافرّح امي وابوي واتبع القادي

وأهذل هذيل الفهد وأبري كماالذيب = وأبدى مباد الصقور الشقر الأفرادي

واومي لراجح ورايه مورد الهيب = ضارن بغراتها والنور اله باقي

صفحٍ عن اللي يسجون المواجيب = والبس ثياب المعزه بين الأجوادي

اصبربها الموقعه وام المجاريب = وادنا غضاير وخشم الهضب من غادي

قطعان بدوٍ تيهة بالمعازيب = ضارٍ بتقسيمها والنور اله باقي

واليا انهزمنا وبانن المضاريب =لهل الجمايل وقام العلم يزدادي

اثني خلافٍ عطن امع اللهابيب = دون الردي يوم فيّ الملح ينقادي

وكم سابقٍ علقت فيه الاصاويب =مضرابها القلب والا بين الاعضادي

وياما طردنا لنا جيشٍ صواليب =اللي من الشام واللي من هل الوادي

[يزن الهيلوم]

كفووووووو ابوعتب 0 عوايدهم كابر عن كابر 0 المجد معقود في نواصي خيل اعتيبة الهيلا


سلمت يالغالي وصح السانك

[عبدالرحمن الهيلوم]

والنعم مليار بنسل فريس سيف عمهووووووج 0

مشكووووووور يالغالي

[سلايل مزيبد]

عبد الرحمن الهيلوم
يزن الهيلوم
اهلابكم

اسعدني مروركم
ولا عليكم زود