أن قلت انا روقي تراني مقاطي**وان قلت من برقا تراني اسعدي

[غازي البقعاوي]

قصيده بمناسبة المزاين
واعذروني ان جاء خلل بالوزن ،تروني عليمي

أن قلت انا روقي تراني مقاطي=وان قلت من برقا تراني اسعدي
هذا كلام مافيه اعتباطي=وعلم اكيد اوكد من الاوكدي
برقا وروق هي روح ارتباطي=تاريخ نجد على ذلك يشهدي
صف واحد مثل سنون المشاطي= عتبان والتاريخ مشرف وامجدي
من عال مشيناه على الصراطي=ونطوعه بالسيف الحدب الاجردي
ومن جا معتدي بخبط خاطي=يطيح في ليل اقشر و سرمدي
بافعالنا نحط على الحروف النقاطي= وخل الرواه للملاحم تسردي
الضيف أن جانا مغطنا السماطي=الحجاج يضحك والبساط احمدي
والعاني أن لفى وفيه اشتياطي=رجع من عندنا باسم وتلقاه يحدي
الجار نوفي بحقه غاط فوق غاطي=وناقف بوجه من جاله معتدي
والجار من قبل يشم ريح الشياطي=تلقى العزام لمه راح يعدي
وان صاحت الحرمه من قوم نشاطي=في غيبة رجاله بغزو وطردي
ينتخي له واحدن دون اشتراطي=يلحق بالغزو ونهارهم اسودي
يفك البل من بين عالي اوواطي= ويقول خوذي حلالك يالله غردي
وان جانا الدخيل يدور شواطي=يلقى الامان وسور الهيلا الاصمدي
والشعر لنا بدروبه اعظم مواطي= ونقطف من كل روض اخضر ندي
نفيعي او دلبحي او سواطي=الكل عتيبه وحط يدك في يدي
كل واحد للثاني احتياطي=ذخر في مواقف أن جت لاتجحدي
من الخليج الى اقصى الرباطي=ومن مأرب الى فوق المشهدي
ومن كل لون وكل الانماطي= تلقى عتيبي حتى فوق الجدي

	قصيده/غازي بن جزاع البقعاوي

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي

[راس القوم]

صح لسانك

وكلنا عيال رجال واااااحد

وابناء عم

وبصراااحة اوجه الشكر الى ملاك الابل اللي سوت معهم قناة الساحة لقاء

كانت كلمتهم انا الفايز منا اهو ولد عمنا وحنا اللي نبارك له

ومشكوووووووور

[محمد العتيبي]

بارك الله فيك ياغازي

والناس يقولون في الماضي ( من هنّدب غنّى )
وصح لسانك بما ذكرت
وان دل فانما يدل على قوة وشدة حبك
لنسبك بارك الله فيك وفي نسبك
الطيب ...

تقبل تحياتي ...

التوقيع

للتواصل عبر twitter تويتر al_bargawy@

[غازي البقعاوي]

المشاركة الأصلية كتبت بواسطة راس القوم

صح لسانك

وكلنا عيال رجال واااااحد

وابناء عم

وبصراااحة اوجه الشكر الى ملاك الابل اللي سوت معهم قناة الساحة لقاء

كانت كلمتهم انا الفايز منا اهو ولد عمنا وحنا اللي نبارك له

ومشكوووووووور

	تسلم يابن العم وهؤلاء الرجال اصحاب الابل اصحاب عرف وشيم وهم من يحسب كلامهم ويثمن ولله درهم لتجسيد روح التاخي والايثار بين ابناء العم والشعور والاحساس بالفوز لفوز المنافس ابن العم تحيتي لك ولهم وعساكم على القوه

[عبدالله الجـــذع]

غازي يالبا قلبــك والله روعه وصح لسانكـ وبدنــكـ انشاء الله ..





الله يكثــر مــن امثالكـ ,,,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد بن غازي]

بيض الله وجهك ياغازي وقصيده تغني عن ديوان كامل وسوف نطالبك بالمزيد لأنك كشفت عن شاعريتك التي وضحت في هذه القصيده الجزله ولاهنت .

[مالك الذيابي]

صح لسانك يابن جزاع

كلنا تحت اسم واحد الهيلاا

[طحطوح نجد]

صح لسانك هذا وأنت عليمي ماشله الله عليك و شلون لونك شاعر

[ابو فهد المقاطي]

صح لسانك على القصيدة الرائعه

[غازي البقعاوي]

المشاركة الأصلية كتبت بواسطة ابومشعاب

بارك الله فيك ياغازي

والناس يقولون في الماضي ( من هنّدب غنّى )
وصح لسانك بما ذكرت
وان دل فانما يدل على قوة وشدة حبك
لنسبك بارك الله فيك وفي نسبك
الطيب ...

تقبل تحياتي ...

	هلا والله بابو مشعاب شرفني مرورك واشكرك على اطراء الطيب تحيتي وتقديري لك