غــــــــــــــــــزال الحمى

[هلال العتيبي]

السلام عليكم ورحمة الله

ابناء العم يسعدني ويشرفني الانضمام اليكم في هذا الصرح الشامخ

احبتي اضع بين ايديكم هذه القصيدة على البحر الطويل كمشاركه اولى

اتمنى ان تنال بعض استحسانكم

يانسيم الصبا قلبي صبا والشوق نصب علـى قلبـي سحابـة =
= جيت كلي خطا يوم الخطا درب الخطا فيه حثيـت الخطـاوي
احسب الحب واقه وانصفاقه قلت اشوفه واوقـف عنـد بابـه =
= جيت اجرب قدر نفخة صدر مدري كبر والا انا ماكنت نـاوي
البحر يغري المـلاح والمـلاح سبـاح فـي نشـوة شبابـه =
= جو هادي قمر بادي طموحي غير عـادي وكثـرن الهقـاوي
الفضول وعمى الراي وغروري والهوى كيف يخدعني سرابه =
= عقلي اوهمني وقلبي خذلني واثرني طحـت فالحـب متسـاوي
ليت من غاب عن عيني وطول غيبته يتصل حضرة جنابـه =
= كان يقوى على الهجران انا ماني على الصد والهجران قـاوي
القمر والمطر والشمس والازهار والبحر تشكي مـن غيابـه =
= جاذبية غرامه تجعل اللي فـي مـداره وفـي جـوه هـواوي
احتجب في عسام الوقت وانا ضعت في عجه وعتمة ضبابـه =
= وأصبحت شوفته متعذره في الواقع وصارت احـلام ومنـاوي
ياغزال الحمى دمعي هما والقلب روحت بـه عنـدك نهابـة =
= مستحيل اكبح الاشواق والاشواق تدوي كما السيـل النحـاوي
كلما مر طيفك داعب الخفاق من بيـن الاضـلاع وسرابـه =
= كنت احب اجتماعات البشر والحين محبوس في سجنك خلاوي
انت ياملهم الشعر وملاذ الشوق دونـت فيـك احلـى كتابـه =
= كلما ترحل من الذاكرة والعيـن احصلـك فالوجـدان ضـاوي
اعطني قلبك وعهد الهوى واطلق شنب لو وقف دونك ما اهابه =
= لو معه سيف عنتر رمح ابو زيد وشجاعة شليويـح العطـاوي
كيف اهابه وانا منجومي ثبيتي وبرقـاوي وربعـي عتابـه =
= نجرح قلوب عدوان الوطن والدين قول وفعل نجـرح نـداوي

[مرزوق حمدان العتيبي]

...
.

وعليكم السلام ورحمة الله وبركاته ... ياهلال ...
صح لسانك ... والله يحييك بين ربعك ...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابوبجاد الرويس]

هلابك يا هلال

وصح لسانكـ

وحياك الله

[أبو نجر النفيعي]

..

صح لسانك يا هلال ..
قصيدة جزله .. ورايعه ...

ويا مرحبا فيك ..

.

اخوك

التوقيع

.....

[رشيد النقريني]

صح لسااااانك ياهلال قصيدة جزله ورااائعه

وبيض الله وجهك يالقري


ولاهنت

[عيضه الثبيتي]

كيف اهابه وانا منجومي ثبيتي وبرقاوي وربعي عتابه
نجرح قلوب عدوان الوطن والدين قول وفعل نجرح نداوي


ونعن ونعم ونعم ونعم


وحياك الله ياهلال


تشرفنا بوجودك هنا




تحياااتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[هلال العتيبي]

المشاركة الأصلية كتبت بواسطة مرزوق العتيبي

...
.

وعليكم السلام ورحمة الله وبركاته ... ياهلال ...
صح لسانك ... والله يحييك بين ربعك ...
..

اخوي الغالي
مرزوق العتيبي
صح نبضك يالغالي
الله يبقيك وانا اخوك
تحيااااااااااااااتي

[السميــــــري]

صح لسانك ياهلال ..

الله يعطيك العافية ماقصررت ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[محمد الـعـريدي]

هلال العتيبي

صـح الله لسـانكـ .. ولاهــان شاأأأأأأنكـ .. .


قصـيدة جـزله ... تشكر عليـها

لله درك والله لايضـرّك

تقبل تحيـات أخـوك:محمد العريدي

دمت سالما من كل مكروه

[هلال العتيبي]

المشاركة الأصلية كتبت بواسطة ابوبجاد الرويس

هلابك يا هلال

وصح لسانكـ

وحياك الله

الله يبقيك اخوي ابوبجاد
صح نبضك يالغالي
مرورك أسعدني