في ليلة من ليالي صيف الطائف احتفل الشيخ محمد بن صلاح الحصيني بزواج ابنه المهندس صلاح
وكانت لي هذه القصيده ......
بين محماس القصيد وخرمة النقاده = فاحت الدله وقام اللوم يزحف غادي
فوق حدب من ضلوعي نارها وقاده = تطبخ الهاجوس لين يفوح مثل الكادي
دلة ماتاخذ من الراس غير قناده = بنها من يم صنعاء والنقر بغدادي
تفرق اهل العرف والنخبه عن القصاده= مثل مايفرق قميص المنتخب والنادي
قالها اللي مايحب القهوه الا ساده = مثل قهوة تركي بن حميد وبن هادي
شاعر مايغفل التاريخ عن ميلاده = الوكاد انه ظهر في وقت ماهو عادي
يكحل عيون القصيد ويقنع النشاده = بين بيضان الفعول وترثة الاجدادي
ان مدح مايمدح الا روس قوم وساده = وان لبس ثوب القبيله مايصير حيادي
ياسلام الله سلام ماختلف ميعاده= في محل للكرم مثل المحيط الهادي
عزوة الاد الحصيني فزعة الهجاده= من طفيح اللي نجمهم في عتيبه بادي
عزوة الاد الحصيني للرفيق عياده = وللعدو سم ذحاح يفطر الاكبادي
سقم من ساقوا ذلوله والتووا بشداده= سعد من يبدي علاهم فاللزوم ينادي
عزوة لابن نجم تفخر بفعل اجداده = مانقول انه نقص عنهم بفعله زادي
قالها اللي دون ربعه وقفته معتاده = يزبن الضلع المنيع و لا يطب الوادي
من ثبيت اللي اليا جاء للطلب سداده = وقفتي من دونهم ماهي كما مقعادي
من ثبيت اللي اليا جاء للنسب عداده= ماحدى سموا العتيبي عن طرفهم حادي
من ثبيت اللي اليا عد الفريض امجاده = نفتخر بانا خوال اللي بعثه الهادي
من ثبيت اللي اليا ناش النشيط زناده = ان سلم منهم نكس في مشيته متحادي
من ثبيت اللي اليا زاد الخصيم عناده = ما يبا يلقون بعده للخبر ردادري
ربعي اللي فاللزوم من اول الوراده = يوم دون الريع متردي ولاش وغادي
والختام الله ومركم والصلاة عباده = الصلاة على محمد وزعة الاجوادي
التوقيع |
إذا شئت أن تحيا سليما من الأذى=وحظك موفور وعرضك صين
لسانك لا تذكر به عورة امرىء=فكلك عورات وللناس السن
وعينك إن أبدت إليك معايبا = فصنهاوقل يا عين للناس أعين
وعاشر بمعروف وسامح من اعتدى=وفارق ولكن بالتى هى أحسن
|