مقعد الدغيلبي
اللـيـلـه اللـيـلـه بــــدون مـجـامـلـه واقــصــد ســعــود=الله يسود وجه ابن عاصم ومن يمشـي معـه
ياللي تلد العين مالك غير وسط العين عود=مثلـك تـرا مقعـد يرقصهـم عـلـى راس اصبـعـه
سعود العصيمي
اللـيـلـة الـلـيـلـة مـافـيــه امـجـامـلـة واطــلــع ســنــود=والله يـســوّد وجـــه ابـــو فـيـصـل بـعـلـم ٍ طـلّـعـه.
امـــة مـحـمــد مسـلـمـيـن ولايــجــون مــــع الـيـهــود=وش حدك لدرب العسر وانته من الله في سعه.
مقعد الدغيلبي
الليا متى وانتم على دربي تحشدون الحشود=الزوبـعـه مــن طارفتـكـم وانــت اســاس الزوبـعـه
تـارد علـى لطـم الخـدود وتصـدر بـسـم الكـبـود=ولـــيــــا حــديــتـــك لـلـحـقــايــق لايــجــيــلــك طــرطـــعـــه
سعود العصيمي
انـتــه عـلـيـك مخـالـفـة فـالـصـادرات وفـالــورود=والنـاس مـن يخـطـي عليـهـا بالقـشـر تتشبـعـه
وانـا تـرا مانـي بـراض ٍ منـك غثـربـة الـعـدود=وان كان وقتك عاص ٍ ماطاع يامقعد طعه.
مقعد الدغيلبي
انـــا عـلــى وضـــح الـنـقـا مـمـشـاي والـعـالـم شـهــود=وانـتـه مــن عتـيـبـه وطـبـعـك طـبــع قـــوم المجـمـعـه
الياطلعت اطلع جبل وانحر جمل واترك قعود=والمسبـعـه ماهـيـب قسـمـك كــب عـنــك المسـبـعـه
سعود العصيمي
مـااقـول فـيـك قـصـور لـكـن لاتعديـهـا الـحـدود=واللي يخالف للسنع محد ٍ بسمعه يسمعه!!
حـنـا رياجـيـل ٍ علمـنـا دايـمــآ فـــوق الـعـمـود=والـلـي يعاديـنـا بـحـد السـيـف الامـلــح نقـلـعـه.
مقعد الدغيلبي
جريت صوتك لين صحيت العباد اللي رقود=رحـلــتــك يـــــم سـويــســرا مــاهــيــب رحـــلـــه مـمـتــعــه
ياسعود من وقـتٍ مضـى منتـه رمـوح ولاهبـود=ساعة حضوري هد وضعك والخشـم لاترفعـه
سعود العصيمي
انــا لـيـا واعــدت فالمـيـعـاد مااخـلـفـت الـوعــود=لي ماقف ٍ مشهود ماني مثل مقعد مطمعه.
وين انت يوم إن البروق تلوح وتحن الرعود=ماشفت لك ميقاف يشهد لـك ووقفـه مقنعـه.