عجاب الدغيلبي تفضل لاهنت !!

[فهيد النفيعي]

صحة الألسن والقلوب

حوار عمالقة وكبار

من أجل ذلك لخصت لكم المحاورة للمتعة :

المشاركة الأصلية كتبت بواسطة سلطان الجـذع

/
/

سلام ياقافٍ على معناك تعّبت الهجوس = ويا مرحبا يا ساعةٍ جينا على ميعادها!!
الضحكة اللي عمرها محدود في الوجه العبوس = عن موتها وش كثر باقي ياسنة ميلادها!!

المشاركة الأصلية كتبت بواسطة عجاب الدغيلبي

حييت ياقافي وهوجاسي ثري ٍ بالدروس=ودام البقاء في ساعةٍ ربي بفضله زادها
ماعاد فيها ضحك دام الريح قفت بالغروس=الطق في سبع الأراضي لا تشد أوتادها

المشاركة الأصلية كتبت بواسطة سلطان الجـذع

..
.

الله الله

سبحان ربٍ في المواقف حط فوق الروس روس = اليا متى الروس الصغيرة ما تكب عنادها!!
انا اعرف اهل المصلحة ماتمشي الا بالفلوس = الوقت خلاها رهاين في يدين اسيادها!!

المشاركة الأصلية كتبت بواسطة عجاب الدغيلبي

نفسيتك مرتبطة بحالات الأجواء والطقوس=يمكن بلاك الدلة اللي زدت كيل قنادها
المصلحة لاخالفت منهج عزيزين النفوس=ماهي لنا !! يمكنها تسقيك من ميرادها

المشاركة الأصلية كتبت بواسطة سلطان الجـذع

..
.

الله الله .

والله ما اروح أدوّر المحماس والبن محموس = العام يوم النار من كفي قديح زنادها!!
الحق ثابت والشهود بغرفة القاضي جلوس = وانا مورد في القضية حجتي واسنادها!!

المشاركة الأصلية كتبت بواسطة عجاب الدغيلبي

وش عاب أبو زيد الهلالي يوم حب العيطموس=أهم شي إن الهنوف معربين أجدادها
ماتنتصدق حجتك لو تحلف اليمنى الغموس=منبوذ حتى من شعوب المملكة وبلادها

المشاركة الأصلية كتبت بواسطة سلطان الجـذع

..
.

الله الله .

العيب يوم تروح صيدة ليل للذيب الفروس = والوقت يحسب والليالي ما فصل عدادها!!
العام تمدح في الربيع وترسل اصحابك عسوس = يغريك براق المزون ويخلفك رعادها!!

المشاركة الأصلية كتبت بواسطة عجاب الدغيلبي

اللقمة اللي بين تأثير النواجذ والضروس=أقفت سوات الزرعة اللي صامل ٍ حصّادها
يوم الكرامة قلطت وأنته يدينك فالدسوس=ودك بها مير الكرامة عنك قطع إمدادها

المشاركة الأصلية كتبت بواسطة سلطان الجـذع

..
.

الله الله

يابو سعد ما ودنا نطلق من السجن محبوس = حتى تصحي عين ابو عرام من مرقادها!!
كرامةٍ ماهي بإلي في ذمة الحظ النحوس = وانا بنفسي عز عن بعض الرجال وزادها!!

المشاركة الأصلية كتبت بواسطة عجاب الدغيلبي

سيارتك علق مثبتها تدوس أو ماتدوس=أبنصها وبريكها ماضرها مافادها
كرامتك يمكنها حول النصارى والمجوس=مافيه مانع لو تصير أعيادك مع أعيادها

[عجاب الدغيلبي]

خالد الذيابي & ثامر الثبيتي
صحت أبدانكم مشكورين على متابعتكم

[سلطان الجـذع]

..
.

الله الله

سبحان ربٍ في المواقف حط فوق الروس روس = اليا متى الروس الصغيرة ما تكب عنادها!!
انا اعرف اهل المصلحة ماتمشي الا بالفلوس = الوقت خلاها رهاين في يدين اسيادها!!

آخر تعديل سلطان الجـذع يوم 11-Feb-2012 في 11:01 PM.

[سلطان الجـذع]

..
.

أرحب يامستشار الروقة .. صح بدنك ولاهنت ..

[سلطان الجـذع]

..
.

أرحب ياثامر ارحب .. صح بدنك وانت وبن جبار كفو .. تسدون

[جمال منير]

.
.

.
الله الله
طاروق عمالقه بلا شك

صح لسانك ياسلطان
وصح لسانك ياعجاب

حضور هنا للإستفاده < ماهوب الظاهر


متااااااااابع

[سلطان الجـذع]

..
.

ارحب يابو منير ارحب وانت وفكرك يمكن تستفيد ويمكن لا

[عجاب الدغيلبي]

نفسيتك مرتبطة بحالات الأجواء والطقوس=يمكن بلاك الدلة اللي زدت كيل قنادها
المصلحة لاخالفت منهج عزيزين النفوس=ماهي لنا !! يمكنها تسقيك من ميرادها

[عجاب الدغيلبي]

جمال منير
صح بدنك مشكور على تواجدك ومتابعتك

[سـعـد الـعـصـيـمـي]

الله الله

حيهم وحي لعبهم

متابعين للاستفادة << ماهوب الظاهر هههه