غزوة الأساعدة على الظواهر من حرب .. وقتلهم ماجد بن مضيان

[سيف الأساعدة]

ذكر أنه في أحد السنوات حوالي عام 1335 هـ غزا ركب من الأساعده على قوم من حرب وهم الظواهر من بني سالم وشيخهم ابن مضيان وعندما جاء الصباح صبحوهم وشالوا البل ولحق الطلب ووقعت مطاردات بينهم ورمي فتغلبوا الأساعده على من فزع من القوم وذبحوا ماجد بن مضيان ذبحه مطلق بن فهيد الحداري (راعي الشوشلية) وكسرت سنون أحد فرسان المضيان واسمه جحيشان ومات منهم عدة رجال فلما ساروا فرحين بهذه الغنيمة قال عقيدهم مطلق بن فهيد الحداري هذه القصيدة :

نحورنا في مهب الهيف=مع الخرايم في الليالي السودي
وحنا على ملا فخت السفيف=لفح السفايف كنها البارودي
والميارك لها هفيف=بخرمسي الليالي السودي
نتعب الإنضاء وهي هجيف=والغنايم طمعةً والفودي

وعندما وصلوا إلى أهلهم تباشروا بالغنايم من الإبل وقام مطلق الحداري بذبح ناقة لقومه فرحاً وشكراً لهم على فعلهم وشجاعتهم .

بقية القصيدة :

كل ضلع عالي ومنيف=الرقيبة يسبره ويعودي

والركايب من القصاء عجيف=متعبينه ما نبى المنقودي

لازرفلت جاي لها صفيف=يوم جونا وبشروا بالذودي

طبو أهل الجيش وحولنا الرديف=شالها ناصر وخلف وسعودي

لحقت الفزعة من أهل الكيف=وأحتميناهم أنا وزنودي

وأقفت الخيل وللرعود رفيف=ثار ملح الدخن بكل حيودي

أردها والمقمع لها وحيف=وأفك تاليهم ولي شهودي

مارد لجرابه وهو نظيف=وأفعالنا يشهد بها الجحودي

يوم قفوا تفاهقت عطيّف=والنعم والله يا عيال سعودي*[/poem]




* عيال سعود : عزوة الأساعدة










سيف الأســـــــــاعدة

آخر تعديل سيف الأساعدة يوم 15-Apr-2010 في 08:14 PM.

[سيف الأساعدة]

بقية القصيــــــدة :

كل ضلع عالي ومنيف=الرقيبة يسبره ويعودي
والركايب من القصاء عجيف=متعبينه ما نبى المنقودي
لازرفلت جاي لها صفيف=يوم جونا وبشروا بالذودي
طبو أهل الجيش وحولنا الرديف=شالها ناصر وخلف وسعودي
لحقت الفزعة من أهل الكيف=وأحتميناهم أنا وزنودي
وأقفت الخيل وللرعود رفيف=ثار ملح الدخن بكل حيودي
أردها والمقمع لها وحيف=وأفك تاليهم ولي شهودي
مارد لجرابه وهو نظيف=وأفعالنا يشهد بها الجحودي
يوم قفوا تفاهقت عطيّف=والنعم والله يا عيال سعودي

تحياتي للجميع ،،،،

[فهااد]

ونعم بالاساعده طوال الايمان

[مشاري الحبردي]

ونعم والله بالاساعدة


لاهنت

[سيف الأساعدة]

المشاركة الأصلية كتبت بواسطة فهااد

ونعم بالاساعده طوال الايمان

ماعليك زود أخوي الكريم ولاهنت على المرور .










سيف الأساعدة

[رعد العصيمي]

والله ونعم بربعنا الاساعده

[عبدالله غازي المغيري]

والله والنعم بربعنا

لاهنت اخووي

[سيف الأساعدة]

المشاركة الأصلية كتبت بواسطة مشاري الحبردي

ونعم والله بالاساعدة


لاهنت

ماعليك زود يالغالي ..


ولك خالص تحياتي على المرور و التعليق ..










سيف الأســــــــــاعدة

[سيف الأساعدة]

المشاركة الأصلية كتبت بواسطة رعد العصيمي

والله ونعم بربعنا الاساعده

ماعليك زود يارعــــــد ولاهنت على المرور يابعدي ،،،











سيف الأســــــــــــاعدة

[سيف الأساعدة]

المشاركة الأصلية كتبت بواسطة عبدالله غازي المغيري

والله والنعم بربعنا

لاهنت اخووي

ماعليك زود يابو غازي ولاهنت طال عمرك .













سيف الأســــــــاعدة