غـــــز لــــيـــــات حـــــا و ي الــطــــيـــب

[حاوي الطيب]

بسم الله الرحمن الرحيم



(غزليات حاوي الطيب)

قابلتها تمشي وتقصرخطاها $ وفي مشيها أنواع العنا والبهاذيل

ومن شفتها نفسي نكسها عناها $ وليلي قضيته بين نوح ومواويل

سبحان خالقها بحسنه زهاها $ تذهل بطلتها زحول الرياجيل

***********
ابطت مراسيل غض العود ماجتني * يومين عندي مثل عامين وزياده

ياداعج العين ايام الخير جابتني * لك ياعساها سعاده في سعاده

***********
يااللي ملكت الروح حقك عليه * أرضيك واسليك يامالك الروح

وانا بهمي في مسأ وضحويه * عايش مع العالم وفي جوفي اجروح

***********
البنت والفكسار هن شف بالي $ الله يحققهن بسهل وسيله
ــــــــــــــــــ

الله وانا جازي قبل حفرة الموت % غفوه على صدرالحبيبه دقايق

ــــــــــــــــــ

ياخفيف الدم روح المبتلي $ استلمها روحه ماتغلى عليك

ـــــــــــــــــــ

ياحساس قلبي يس وشاغفه حبك * ماعاد ينظرلقاصي الناس والداني


الشاعر : جازي بن مفرح بن ناجي العطاوي ( حاوي الطيب )