من منطلق خالف ويعرفكـــ القريـــب والبعيــــــد !!!!

[أبو مرحبا]

السلام عليكم ورحمة الله وبركاته


هذه القصيده الرائعه نقلتها من احد المواقع وهي للشاعر عبدالله بن مقبل

أتمنى ان تنال على أعجابكم /

من منطلق خالف ويعرفك القريب والبعيد=اخذ القلم واكتب على صاحبك سبع مخالفات
الارض ماهي كرويه والسماء قطعة حديد=والشمس مبداها عصر وتغيب في خمس الجهات
والهند وسط افريقيا واسكندريه في الصعيد=ونواكشوط اكبر مدينه بين دجله والفرات
إن صدقوك الناس ما فيهم ولا واحد رشيد =وان جاملوك أعرف ترى كل الحياة مجاملات
أحيان تلقانـا نصفق للهزيـل من القصيد=ما هو طرب لاكنها شر البلايا المضحكات
ما عاد نستنقد ولا نستغرب المد الزهيد=بعد دخل في سوق تجار الذهب بياع قات
دام اصبح المعقول لا معقول والاوهام أكيد=والصدق يمكن يحسبونه من كبار الموبقات
ماهي غريبه لو طلع واحد وقال ابن الوليد=ما هو شجيع وساعده حضه وسوى المعجزات
تغيرت كل المفاهيم وبدا عصرٍ جديد=سلّم على العادات وسلوم الرجال الاولات
عبيدنا سادات والسدادات في حكم العبيد=والعولمه ساوت مطاليق العيال مع البنات
واللي منول مايفيد أصبح من أصحاب الرصيد=لوكان ماله في سجل الطيبين مقدمات
وقتٍ يذل الشهم ويعز المنافق والبليد=عاشت به انصاف الرجال اللي يديهم قاصرات
مانحسد المخلوق والخلاق يفعل مايريد=وإيماننا راسخ بأن الباقيات الصالحات
الناس في دنيا الفنا بين الاقامه والشديد=واللي مقيم اليوم عينه للسنين القادمات
اما قضى عمره شقي والاّ قضى عمره سعيد=واما كسب قولة نعم يصبر على كثر الشمات
والعاقل المدرك من أحداث الليالي يستفيد=ياخذ من الدنيا عبر مادرستها الجامعات
ياهيه لا تركض ورا الشهره بعلم مايفيد=تضحك لك الجهال وتضيق محاريف الثقات
خلك على منهج رجال الطيب لو تبقى وحيد=ماهو بشرط يصير عندك معجبين ومعجبات

تقبلوو أحترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[فيصل بن ضاوي]

خلك على منهج رجال الطيب لو تبقى وحيد=ماهو بشرط يصير عندك معجبين ومعجبات

ياسلاااام علاااك يابو مرحب
ولا يهون بن مقبل
الصدق الصدق
أنها قصيدة واقعية
بكل ماتعنيه الكلمة
بيض الله وجهك
وصح لسان الشاعر
وتقبل موفور ودي
وتحياتي

[الشاعر فهد رحيم النفيعي]

يعطيك العافية على النقل المميز

تقبل مروري