الحارثي يرثي خويه العتيبي!!!!

[الشيباني العتيبي]

هذي قصيدة /قالها الشاعر حسن بن محمد الحارثي

في وفاة خويه/ ناهي بن وحير الدعجاني العتيبي رحمه الله


قالوا بنيت القاف وأحكمت مبناه
وقلت من علماً سمعته وجاني

جاني خبر هز الضلوع المحناه
وهتز ماسد الضلوع المحاني

وكذبت نفسي فأول العلم وأتلاه
وأخذت مده ماتكلم لساني

وسمعت صوت العقل وأمنت بالله
وربك لتصديق الحقيقة هداني

حقيقة إن الموت ماعنه مجلاه
مهما يطول العمر بالمودماني

وان كان ناهي مات لابد نقفاه
يموت جيل ويتبعه جيل ثاني

ماحداً يبي يبقى مخلد بدنياه
ولاأحد يقول أنا صفالي زماني

لأكن ناهي هزة القلب ذكراه
ولا يذكر إلا طيبين المعالي

رجلا حشيم وسمعته بين أخوياه
أتخلد اسمه بين قاصي وداني

طيب حسين أخلاق تحمد سجاياه
لا نفس له تكره ولا قلب شاني

عليه منا رحمة الله وارضاه
والله يفتح له وسيع الجناني

والطيب إليامات مامات طرياه
ولا الردي تسلى عنه في ثواني

والموت ياشارد عن الموت تلقاه
إن جيت له منقاد وأن جاك عاني

والموت له سهماً ماتقدر تخطاه
واللي رما غيري مسيره رماني

والرابح اللي ظم دينه ودنياه
وحسب حساب إن آخر العمر فاني

كم قصر شيدنا وكم صرح اقمناه
واللي قبلنا كم بنو من مباني

ونفنى ويفنى كل شي عملناه
إلا عمل صالح لو الله جزاني

ويالله ياللي تسمع العبد ودعاه
يامن عفا عن كل مذنب وجاني

طالبك تغفر كل ذنب جنيناه
في غفلة منا وكثرة تماني

والخير في سنة نبيك وبهداه
اللي رفعته في رفيع المكاني

وصلوا على من ثبت الحق واعلاه
ومسك الختام المسك والزعفراني

آخر تعديل الشيباني العتيبي يوم 26-Dec-2008 في 07:10 AM.

[الاخطبوط]

الشيباني

تسلم يمينك

قصيدة من اروع ما قريت

[البريماني]

الله يرحمه وصح الله السان الحارثي

[الجوفـ]

الله يرحمه وصح لسان الحارثي
وتسلم على النقل