يحسبون كل صيحةٍ ..عليهم ..

[بعيـد المرامع]

القصيده ..المضمنه في هذا الرابط..

http://www.otaibah.net/m/showthread.php?t=76705


لا أعلم ..هل كانت ..مجرد قصيده..

ام كانت مصيده..


ُعرضت ..وُتعرضّت ..فقعقعت..وأوقعت ..

شعراء مطير ..في نفق مظلم وخطير..

فارادو بالرد عليها.. شفاء وترياق..


فشفت..وكشفت..وانشفت..ارياق..

والمردود..مااافادت ..ولا اجادت .. الردود..

لا في مستوى السبك..ولا في محتوى الحبك..

وعلى ماقيل ...مجرد جعجعه .. ودبك ...

افحموا..في مجاراتها...وكان الصمت لهم ابرك..من الرد الرك..

حتى ان البعض منهم .. اعاد الشطر كاملاً...

وصدق البيت القائل ..

الناس مشتبهون في ايرادهم = وتباين الاقوام في إلاصدارِ

وسواءً بالفعل..ولا بلغة الضاد...ماتقدر مطير تضاد...


علما...بانها ماخصتهم ..ولا نصتهم ...

ولكن القوم يحسبون كل صيحةٍ.. عليهم..

او انهم اخذو النذاله . قلاده ..ومقاليد..

و شافو انها تنتاسب مع .. العادات والتقاليد..

وتأطير ..النذاله في.. مطير..

ومع مقولة
..جب للنذاله طاري...وتحرا لك مطاري..

قابلوها..وتقبلوها..

عموم ..كلو جايز..ولكن الاكيد انها عجزتهم ..

فالابيات و قاف ايز ...خلى الوضع مهزوز..وبايز

وحول الامر عندهم .. لمنافس عجايز..(


و الامر الغريب الا عليهم ..انهم يدعون ...بانها لابن عون ..

فتاره يزعمون انها لغازي بن عون..وتاره لعبدالله بن عون..

وثالثه ..انها لغازي..وباسم عبدالله بن عون ..

و لله يكون في العون..ويعين اعوانهم ..


وصحيح ..

خط النذاله قدم الأنذال مقزوز= النذل يمشي مثل ما هوب عايز

ولاهمنا

لو كح فوق المنبر العفن منحـوز= ربعي يزيـدون المنحـز نحايـز
راع الخطا يجزا على الفرد بالجوز =لا جا المساس اللي يمس الركايـز

ولمحماس بن شميسان ..وكل من انسحب..

مشكور يا محماس ونشعرك بالفوز= فوز ٍ ماهوب مدور ٍ عنـد فايـز
فوز ٍ ما هو بالفوز بالسيف والروز= فوز الرجال اللي تعـاف الجوايـز

ولا هو بس الجوايز..

لا شفت للعيله علامات ورموز= عنها ومنها صرت شايم وجايز

ولله يهدي

قوم ٍ عبير أحمد لها عندهم روز = تجتاز شي ٍ ما اجتيازه بجايـز

وتبقى ...

قبيلة الهيلا لها العز مكنوز = ما تنتحني هاماتها للفايـز

ونختم ..ونتم ..بابيات للشاعر الكبير كديميس العصيمي من عرض قصيده طويله..

كـــل مـاقـلــت الـمـشـاكـل لــــن تــعــود= نـزلــوا ســـرج الــجــواد عــــن الــجــواد
مـانـبــي نـبــحــث مـلــفــات الــجـــدود= ولا نـبــي نـشــر المـشـاكـل فــــي الــبــلاد
انـفـلــت مــغــرض وقـلــبــه فــيـــه دود= وقـــام يـطــرق لــــه مــواويــل ٍ جــــداد
ومـــد بلـعـومـه وحـــط الـبـيــض ســــود=مــــادرى انـــــه مـسـتـقــر ٍ لـلــســواد
وعــلــق الــرايــه عــلــى راس الـعــمــود=ويـنـفـخ الـجـمـر والـــذي تــحــت الــرمــاد
مـــن مـطـيــر مـقـطــرة جــــم الــعــدود=شـهــرة ٍ لمـطـيـر مــــن بــيــن الـعـبــاد

بعيد المرامع..منتديات عتيبه الهيلا

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[‏ミ♡彡 العميد ミ♡彡]

حروفك يابعيد المرامع اشد من ضرب السيوف


عزالله انك صدقت في ماكتبت

والربيع جاهم جرب عسى الله يشفيهم .

[عبدالله بن صلهام]

الأخ بعيد المرامع

أنت لك من أسمك نصيب

تحليلك دقيق جدا ووافي وأنت وافي

الله يسلمك

والشاعر الداهيه عبدالله بن عون

أستغل خبرته الطويله وذكائه الحاد ودهائه المعهود

في أختيار القافيه التي تحقق هدفه

فقطف ثمرةالقافيه الجزله وترك الهزله لراعيها

ما أروع عبدالله بن عون عندما ضرب مثالا للشعراء يحتذابه

عموما الله يطول عمر شاعرنا عبدالله بن عون الرويس

وأهديه هذا البيت ولجميع أولاد العم الروسان وهو لي طبعا


مانيب خابر فالرويس من العذاريب

ألا ليا منك نخيته جاك كله


وأقبل تحيات : ابن حنتوش

[ابو عطا]

ايه والله يحسبون كل صيحه ..عليهم

ابك شاعرنا ماجاب طاريهم .. لكن شافو انها تنتاسب مع .. العادات والتقاليد..

لله درك يابعيد ..ابك انت سيف ..

[وافي الخماش]

لله درك يالذيب صدقت وكلٍ يعرف طبايعه ..

[هاجس الشعر]

ما احد جاب طاريهم\لكن اللي على راسه بطحا يتحسسها

[المقــ ماجدـــاطي]

بيض الله وجهكـ يابعيد المرامع

تلاعب رائع بالكلمات سبك وحبك

وكلامك في الصميم

دام نزف قلمك

[ابو فايح]

ابداع ابداع ابداع
صدقت سيعجزون ويعجزون ان ياتوا بمثل رائعه ابن عون
يعجز اللسان عن شكرك اخ بعيد المرامع
ننتظر جديدك على احر من الجمر

[نزهان الروقي]

مافيه كلام يووفي بالغررض








القصيده تحكي عن شاعر مبدع



اخذته الحميه في قبيله





بيض الله وجهك وصح لساانك

[سالم رباح]

وتأطير ..النذاله في.. مطير..

ومع مقولة
..جب للنذاله طاري...وتحرا لك مطاري..









أشكر لك رجاحة عقلك الذي اتى بهذه الدرة .


للأسف اصبح بعض الكبار يرددونها آخر الزمن ربما أنهم من تأثير الخرف .


عموماً قبائل



مطير وعتيبة وعنزة وشمر وقحطان .



هذه قبائل لها تاريخ كلل بالذهب لايمكن لواحدة أن تقول أنا الأفضل , أمجادها ضربت في عمق التاريخ في النخوة والشهامة والشجاعة والفروسية والابطال والشعر والحكمة , وكل علم غانم , وأن شذ احد فهو من كل قبيلة والناس ليسوا سواسية , وليس هناك أحداً منزه .








يدوم لنا النت حتى يجد البعض فيه متنفساً لما يكابد .



أنا أقول الاحترام هو المفترض , لأننا أذا قابلنا بعضاً وجهاً لوجه لن نجد الا كل محبة وجيرة وأخوة , لماذا وضع النت ساحات صراع دائم .





وأدري أني مثل من يقول للحاج أوقف , لكن عسى أن تصل لأحد يعتبر كلامي صحيح .



وأشكركم ياأبناء وطني وديني وانسابنا وأخوالنا , رغم أني اعلم أن هذا كلام نت لايمكن أن يكون في الواقع أو يعتبر به الا مصدوع رأس.

آخر تعديل سالم رباح يوم 27-Aug-2008 في 12:10 AM.