شاعر البالون"تضامناً مع الفراعنة"

[شاعر مبتدئ]

السلام عليكم ...
هذه أبيات نقلتها لكم تصف شاعر المليون أيما وصف ...
أنقلها كما هي
ودمتم...
شاعر مبتدئ



توطئة : ( لا يحب الله الجهر بالسوء إلا من ظلم )


إهداء إلى شاعر المليار ناصر الفراعنة





فِدَا راسك يَبُو فارس بلدْ زايد وابـن طحنـون

زمانٍ يطْرح الشّيهان للجهّال يشوونـه

عطوا "نشوى" وشلّتها كتابـي علّهـم يقـرون

"حسين العامري" يقـراه والجمهـور يوحونـه

تباهي في فساتينك وجـرّي خلفـك الشّيفـون

تباهي به لَدَام انّ السّعـودي سـاق عربونـه

تبنّينا الشعر وقتٍ قبل " قصر الحصن " تبنـون

بليّـا قـول " ييناكـم " ولا قولـة " تريّـونـا"

تعلّمنا الشعـر لكـنْ رفضنـا ننفـخ البالـون

ولا شوّه منابرنا نَغَـمْ " دانـة" و "دا العونـة"

حملْنا بيرقٍ شـالَ الشهـادة والمـلاَ يـدرون

زمانٍ به علمْ " لندن" على الساحـل تشيلونـه

تحطّون الشّعر سِلْعة مكاسبْهـا مـن المديـون

تبنّيتـوا لهـا سـوقٍ بـه الهامـور والتّونـة

بها السمسار روّجها وهمّـه يقبـض العربـون

على الرّاحـة ومسرحهـا وبيْرقهـا ومليونـه

حدٍ ودّه تبسّـم لـه ويرجـع بيتـه المرهـون

تصير الناس تحْسب له عقـب كانـوا يذلّونـه

عزيـزٍ والفقـر حـدّه يبـدّل عزّتـه بالهـون

مدَحْ شيـخٍ رعى المليون والمقْصـد يجيزونـه

يجيزونه لجل شيـخٍ يمينـه خطّـت القانـون

تغاضت لجنة المليون عن شِعْـرٍه ومضمونـه

وغيره ينتخي ربعـه ينـادي صوّتـوا تكفـون

نبـا فزعـة قبايلـكـم ولـدكـم لا تخلّـونـه

كثير اللي يصدّقهـا ويرسـل فالـك المليـون

عسى فال الّذي مثلـه علـى عِلْبـاه يكوونـه

كذوب أبريل صدّقنا كلامه فـي شهـر كانـون

تسابقنـا وهـي كذْبـة وكـلٍّ جـاب طبلونـه

نسينـا هـمّ ديرتنـا وكـلٍّ بالعبـث مفتـون

ولا شفنا القمر وشلون صار الغـرب يرقونـه

ألا يامدّعيـن إنّـه خَـدَمْ موْروثنـا وشْلـون؟

هدفهم واضـحٍ لكـن قليـل اللـي يشوفونـه

ولو كان الهدف سامي تبنّوا شعر ابـن لعبـون

ولكنّ همّهم سلْـبَ الجيـوب وغيّـروا لونـه

وأنا ما قلتهـا غيـرة ولا حاسـد ولا مغبـون

ولا أرجي صيت حيث إني رفيع الرّاس من دونه

جبرني من نسب فضله على موروثنا المدفـون

وقالـوا رجّـع آدابٍ بسـوق عكـاظ مدفونـة