بندر بن سرؤر

[ضاامي وفااا]

الشاعر ..بندر بن سرور ,,

يا منير دوك الفرت واخذ الفوا تير *** افحص عليه ودخله في الكراجي

اللي يبي بنــزين ركب مواصيـر.. *** والي تبية النار ركب بواجي

وليا استعد وصخر البعد تصخير *** تصخير شيهان لفــرخ الزراجي

عده على اللي ما يحسب المخاسير *** ركــاز عمدان الخشب للنعاجي

ثم قل لابو بندر ترى وقتنا غيـــر *** تبدلت سحــب المطر با العجاجي

ربعك عتيبة شيوخهم مابهم خير *** لا تعتزى بسيوف شوخ الخراجي

نبكي سيوف سمرت نجد تسمير *** تسمير عود العاج في عود ساجي

عدن بن هادى محمد ورا النير *** والفرم محسن عقبنه سواجي

ربعٍ رســو بين الحفيفين يامنير *** ماسلموا لمـــدور الباج باجي

واليوم ناطا نجد مثل المداوير *** نقضي اللزوم ومسرعين الهجاجي !

رحنا ندوّج ونتسمى منــاصيــر *** نمشي مع البيدا بليا مزاجي

متى يجي في نجد بعض التغايير *** حتى يجي للصابرين انفراجي

اشيوخ نجد اللي تهز الطوابيــر *** ينثـر لهــم حبـا سوات الدجاجي