في اللية الظلماء يفتقد البدرو

[الـذيب]

السلام عليكم ورحمة الله وبركاته

شلونكم عساكم طيبين يالبى قلوبكم يعلم الله كم من الشوق والحب لكم في قلبي يابناء عمومتي بهذا المنتدى.

أنا من احد المنتمين لهذا الصرح والكيان العظيم (( منتدى الهيلا )) الي طالما فاخرت فيه عند الغير وتغزلت به وطبعاُ شاهدتي فيه مجروحه وانا بعد طول غياب ها انا اعود لكم .لاكن المهم والاهم ليش انا كتبت الموضوع هنا ولا كتبته في قسم الترحيب انا اقولكم لان بالعربي سبب رجعتي في هذا الوقت بالتحديد ولا انا من غير شر راجع راجع للمنتدى . لان حالي بالمنتدى اشبها بحال السمكه بالبحر ماتقدر تفارقه ولا تموت هي شاعر المليون او كما يسميه البعض شافط المليون انا مارجعت عشانه هو بحد ذاته لاكن رجعت لان فيه شخص يستاهل منا الوقفه والدعم والفزعه والحميه كما قال هو بلسانه حميا بني عمي يعلم الله اني من اشد المعترضين على مشاركه شعار عتيبه بها المهزله الي اسمها شافط المليون كما سماها اخواني من قبلي وانا من بعد يوسف وانا انادي ذيك الايام بمقاطعة البرنامج لاكن مايهم بغض النظر عن رأي فيه وعن التصويت سابقاً لاكن اقولها وبالفم المليان كلنا بندر من اليوم ورايح لانه والله وبدون مجامله او تحيز وهذا الي بيكون رأي فيه لو كان من خارج قبيلتي شاعر بكل ماتعنيه الكلمه فما بالكم وهو عتيبي وشاعر وذو اخلاق عاليه بشهاده الجميع وبيض الوجه وانشاءالله مانخذله ياعتيبه الكلام الي عندي وبصدري كثير لاكن ماودي اطول عليكم .

على قولتهم بشافط المليون ((ييناكم))

آخر تعديل الـذيب يوم 06-Mar-2008 في 01:52 PM.

[مشاري]

الذيب الله يعطيك العافيه


كفــــــــــــــو وبيض الله وجهك

وكلنا بندر المحيا

تحيتي

[الـذيب]

أخوي مشاري أشكرك على مرورك والله يقدرنا على الوقفه مع أخونا بندر

[عبدالله الجـــذع]

الذيب بيض الله وجهك وهذي العاده من أبناء عتيبه الكرام نحن بالفعل شددنا على المقاطعه من بعد يوسف ولكن جاء بندر وأجبرنا على الوقفه المجهوله المصير ولو أن بندر او غيره من أبناءنا يطلبنا أي شيء ونحن واثقين من تلبيه طلبه فوالله لن يتوانا الصغير من عتيبه قبل الكبير فوقفاتهم معروفه ليست وليده اليوم والأمس..

الذيب انت بالفعل ذيب بيض الله وجهك ولافض فوك يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[العود حبيب]

طيب يوم انه شافط المليون وبرنامج فاشل... ليه نصوت..؟؟

وهل بندر المحيا أولى من أبناء وبنات العم اللي ظروفهم قاهرة ومزرية..

يستاهل بندر نوقف معه.. لكن في غير هذه الأماكن المشبوهة..

قاطعوا شافط المليون.. قاطعوا برنامج النصب والاحتيال...

[أبو فيصل الدلبحي]

الذيب مرحبا في مرحبا في مرحبا في مرحبا لين مالا نهايه فيك وانا اشهد انك ذيب على اسمك والله ان لك وحشه وترا اذا انقطعت مره ثانيه بقطع راسك ههههههههههههه هذا من حبي لك وبنسبه لموضوعك ماقدر اقول غير انك تصوغ درر كما عودتنا وبنسبه لشافط المليون انا غاسل يدي منه مير ليت ربعنا يسوون سواتنا ولايحطونا في مواقف حنا في غنا عنها وختام الكلام صح لسانك يالذيب





تقبل خالص تحياتي

[محمد فيحان العصيمي]

الله يعين إن شا الله