قال الحميدي...وقلت

[ماجد الدعجاني]

السلام عليكم ورحمه الله وبركاته
مساء الخير ( صباح الخير )
بطاقه العبور كانت أو قد تكون آخر كذبه لشبكه شاعر المليون
نايف الحميدي:
ابن الحميدي قال والشعر مخزون
والخايب الـي ماتجيبـه حميـه
تكفون ياعتيبه ولاقلـت تكفـون
ابـي فعـول اجدودنـا الاوليـه
فعل الجدود الي به الغير مغبـون
ساعة نزلنا غصب ..نجد العذيه
يوم انها مابين طاعن ومطعـون
ولافيـه لارفقـه ولامرحمـيـه
قبيلةٍ ماتعشـق الـذل والهـون
نارٍ على روس الشواهيق حيـه
واليوم مافيها منـازل ولاكـون
روٌح زمـان الفتنـه الجاهليـه
فزعتكم لخالـد رسالـة تليفـون
تكفـون يالله زيـدو المعنويـه
يستاهل الي شعره ابداع وفنـون
راع البيوت الشامخـات القويـه
الرقم عشره مابها شك وظنـون
وانا ماوقفنا لـه علينـا خطيـه
تكفون ياعتيبه ذرا كل مشطـون
بكـره نباهـا فوقهـم عالميـه
لاحدٍ يقول افلان بالدعم مضمون
(والـورع منٌامدتـه حاتمـيـه)
لازادوالكيلـه اعتيبـه يزيـدون
خطوة عتيبه فالمواقـف جريـه

قلت:
قال الحميدي قال وإبليس ملعون
واقول روحي لبن عمّي هديه
فن كان يا نايف يخمنّك إجنون
أنا خويّك في ورود المنيّه
نخلّي الصاله بلا ساس وركون
الراحه إتعوّد عليهم شقيّه
وسعيدهم يرجع بلا خشم وسنون
ودكتورهم نكويه تسعين كيه
وسبوقهم يبقى بلا أذان وعيون
وتركي يخلى عبرة للبريه
والا النعيمي حالته دون في دون
حرام حتى تسرحه مع الرعيه
نحيي فعول جدودنا اللي يعدّون
أهل القنى وسيوفهم صيرميه
وإن كان فالتصويت مانقبل الهون
جدّي وجدّك كاعم كل عيّه
لاشك ماحنّا من اللي يشحّون
ولانا بمضحاكه لشلّه رديّه
ووالله لو صوّت من الناس بليون
مافاز خالد لو مافيه سيّه
وانا أدري إنّك خابر وأنت مغبون
وأنا بعد مغبون مابها كنيّه
وصلّوا على أشرف من ظهر في رحى الكون
فختامها يا أهل العزوم القويّه
مانيب شاعر لكن عساي وفّقت في إبلاغ رسالتي
أخوكم: ماجد الدعجاني