من قصائد الشبل /نواف معيض المحيانى النفيعي

[عبدالرحمن الهيلوم]

يامضعفا نفسه على سبه ريال=ارفع قدر نفسك ترا الموت جاها
ماكل مـن يملـك ملاييـن رجـال=حتى العجوز الثاويه ربى عطاهـا
اشوف ناسا همها جمـع الامـوال=تصبح وتمسى وحاجتـه ماقضاهـا
لايعرف الدله ولا يسـوق فنجـال=ودرب المراجـل كلهـا ماوطاهـا
ماكل من يركب على الخيل خيـال=ولا كل من شال الثقيله قواها
ابنصحك عن قوله القيـل والقـال=واللـى نقـل نمـه يلقـى جزاهـا
اربع وصايا حطهالى علـى البـال=تنجيك من نـار الجحيـم ولضاهـا
تم رمضان واتبعـه سـت شـوال=وامـك تلطفهـا واتبـع رضـاهـا
لاتحسبن العز فى جمـع الامـوال=وترا الكرم يستر عيوب(ن) لقاهـا