ان عشت ياراسي كسيتك عمامه للشاعر المرحوم محمد بن سرار المنبهي ؟؟؟؟

[عبدالرحمن الهيلوم]

ان عشت يارأسي كسيتك عمامه 0000 وان مت يارأسي فدتك العمايم
يا رأس شيبك ما بدأ بك مذله 0000 والشيب تكرم به كبار اللمايم

الاجواد يكرم شيبها في مشيبها 0000 نقالة القاله محوص الصرايم
ياما نطحنا في الصبأ من قبيله 0000 يوم الصبا والرمح للكيف رايم

وياما خذينا تونا من كسابه 0000 بسيوفنا راحت تقسم غنايم
وياما نسفناهم على جال وادي 0000 وياما نخونا فوق سود الشكايم

اربع مية خيال جونا مسيره 0000 جونا يبون الفرس حلو الطعايم
وقالوا يسار الفرس والا يمينه 0000 أمس لكم واليوم جأ فيه سايم
وقلنا لهم من دونه الموت حامي 0000 اليوم نهدي الروح نخشى اللوايم
وثنيتها لعيون غرس بكاير 0000 بثمر لهيبتنا غصونه نعايم
وأخذت اطاردهم وأنا فوق قبا 0000 مثل الهدود اللي على العشب صايم
تلحق ليا غارت ولا يلحق بها 0000 شقرأ ولا ضريتها بالهزايم
من يوم بان الفجر لين اعتلى الضحى 0000 وحنا نقلط للمسير عزايم
والله عطانا منصب الحق والظفر 0000 يوم التقت بين القروم الولايم
يوم أسلموا للمنع واستدت عنهم0000 لياهم كما عشب لفح به سمايم
هذاك أسير وذاك يومه دنابه 0000 وهذاك مكسور وهذاك شايم
هذا زمان فات ماينفع المنا 0000 يوم اذكر الماضي تزيد العضايم
الرأس شاب وثالثة رجلي العصا 0000 والله يوقظ قلب من كان نايم
لعل قبل الموت نسمع بشيره 0000 أبجاه من يحي العظام الرمايم
وصلاة ربي عد ما ذعذع الهوا 0000 على النبي واصحابه اهل الكرايم