بسم الله الرحمن الرحيم
هذه القصيده للشاعر مجلي فنيس العضياني اولها وطنيه ونصفها عتيبيه واخرها عضيانيه وهي من اقوى قصايد الشاعر واروعها
اول مانبـدا الـولا منـا لدولتـنا = من بعـد نبـدا بذكـر الله سبحانـه
الله على بلادنا يحفـض حكومتنـا = والله يقوم عمـود الديـن واركانـه
في حكم الاسعود طبقنـا شريعتنـا = في حكم ابو متعب وسلطان واخوانه
قـدام لانبتـدي نـرفـع تحيتـنـا = حنا الولا والولا ما مـال ميزانـه
كلآ موصـى وحنـا ذي وصيتنـا = على الولا مع هل التوحيد واعوانه
وصيـت الاب لابنـه مـن بدايتنـا = متوارثين الولا من ماضي ازمانـه
حنا جنود الوطـن نحمـى عقيدتنـا = حنا جنود الوطـن لاثـار بركانـه
واليوم في ملتقـى العتبـان وقفتنـا = زاد الطرب والمغني زانت الحانـه
ياقل مانكتبـه فـي حـق عزوتنـا = هيلآ تهيل الخصيم وتقلب اكيانـه
عتبان تشفي عليـل الكبـد فزعتنـا = لطامت العايـل اليـا حـد نيبانـه
ذباحت الحيل هـذي مـن كرامتنـا = ستر الهنوف ان تغشى الجو دخانه
تلين قاس الحجـاره مـن قساوتنـا = ترمي لنا الورد عنق الريم طربانـه
واليا هجمنا تهـز القـوم هجمتنـا = هجمة صقورن سطاويه وحدمانـه
كسب الجمايل وفعل الطيب غايتـا = نفوز بالطيب غصب ونقضب عنانه
الطيب والجود والمعروف منوتنـا = منوة رجالن بسوق الطيب ربحانـه
حنا عتابـه تعـرف النـاس مدتنـا = من مد كفـه تعـود ايديـه مليـان
الحمـد لله وهـاذي مـن غناوتنـا = فضل الـذي كلنـا بامنـه وبامانـه
وانا ماقول العرب من تحت هامتنـا = الناس كلآ فرض طيبـه وسلطانـه
وانا من الي تعرف النـاس لابتنـا = عضيان دايم للبيت العـز عمدانـه
يابعـد هقواتنـا ويابعـد نضرتنـا = نضرات حر الحرار براس ضلعانه
ناخذ من الصقر فى الهده صطاوتنا = صطواتنا تردع المخطي وشيطانـه
واليا عتزينـا تطـم القـوم هيبتنـا = سوات سيلآ غزيـرآ طـم جيانـه
الترك مـن فعلنـا طاحت لقوتنـا = شيآ موثق وضــح للكـل برهانـه
من فعل عمهوج راحو من شراستنا = طشــيش صيد الخلا لاشاف سرحانه
مستعمريـن العـرب لكـن لقوتنـا = خلتهم مع الـخلايـق مالهـم خانـه
طبعآ لنـا لطمـة العيـال عادتنـا = من ماضي الـوقت يوم الناس بلشانه
عضيان في نجـد ثابتـن شجاعتنـا = تشهد لنا فيـه ضـلعانـه ووديانـه
ياما نشرنا على العـدوان غارتنـا = يومآ يذوب الحصا مـن حر نيرانـه
واليا اعتزينا تهاب القـوم ركضتنـا = مركاضنا يشبع الي جــات جيعانـه
في قمـت الطيـب ثبتنـا مكانتنـا = والبيت مايثبـت الافــوق سيسانـه
وان جا مجال الكرم تعرف طبيعتنا = رجالنـا للكـرم يـفــك بيبـانـه
نفرح بشوف المسير مثـل فرحتنـا = بالمزن لاخيل من الغــرب ربانـه
خوينـا مستحيـل يمـل خوتـنـا = نفوسنا للخوة اهل الطيــب شفقانـه
الطيـب نقـدره ويعـرف قيمتنـا = والخبل ندمح خطا يمنــاه والسانـه
ندمح خطايا الخوي ونحفض سمعتنا = واكفوفنا من علوم الطيــب مليانـه
اهل الجمايل تعرف النـاس وقفتنـا = اهل المعاريف مثل الغيث وامزانـه
واختم كلامي للرب العرش سجدتنا = سبحان منهو بيده الخيـر سبحانـه
والله على بلادنا يحفـض حكومتنـا = حنا الولا والولا ما مـال ميزانـه
مجلي فنيس العضياني
« آخـــر الـــمـــشـــاركــــات »
21-Nov-2007, 02:40 PM
حنا عتابيه تعرف الناس مدتنا = من مد كفه تعود ايديه مليانه
العرض العادي
