الشاعر / فهد القثامي والحديث مع الامير / فيصل بن احمد

[خلف القثامي]

اليوم في جريدة عكاظ بتاريخ 1/8/1428 هجري

ترجم الشاعر فهد القثامي الحديث الذي دار بينة وبين

صاحب السمو الملكي الأميرفيصل بن احمد

حول مشاركة الشعراء السعوديين في برنامج ((شاعر المليون))

والذين استطاعوا ان يعكسوا ثقافة ورقي المواطن السعودي

بقصيدة رائعة جاء فيها

في لمة الناس وأنا أعيش وحدانـي=والصادره من بنات الفكر اضويهـا
خرجت من جوهم في جوي الثانـي=وذي عـادة ماتخلينـي واخليـهـا
مضت سنين العمر احـلام وامانـي=وعلى أني اقدر احقق بعض أمانيها
حظي على سكة العثـرات يحدانـي=لوماتجينـي علـى دربـي يناديهـا
تهذيب نفسي عن اكثر شىْ ينهانـي=وأنا على الذل والهيبـة ماضريهـا
واللي تعلمتـه أن ترتيبـي الثانـي=والأولـه حقتـي ولأنـي براعيهـا
الصوت من غفوة التفكير صحانـي=والحال في حالها جاء من يواسيهـا
من بعد فيصل حفيد العـود نادانـي=معاد حاضر أموري مثـل ماضيهـا
الله جعل نجدتي من قلبـه الحانـي=والله جعل فزعتـه تحمـد تواليهـا
ماهومجرد أميـر أميـر وانسانـي=ويش علم أمـارة ماميزتـه فيهـا
ماقول في حظي المقبـور عزانـي=اقول رحع مياهـي فـي مجاريهـا
يافيصل أمر ياولد أحمـد وتلقانـي=اطوع النفـس بأمركحيـث تبغيهـا
وأمـلا عليـه كـلام مـا تعدانـي=واناكتبتـة علـى نفسـي لقاريهـا
قال أنت شاعر ولك عندي قدر ثاني=وأبيات شعـرك تشرفنـا قوافيهـا
ياكثر ماقال فـي حقـي ومااطرنـي=ومدحه لشعري شهاده وافتخر فيهـا
ومن بعد ما اثنا على وصحح ألساني=حملنـي أرسالةهـاذي معانيـهـا
سلم على إخوانك الشعار واخوانـي=ومن مثل المملكة خـارج أراضيهـا
هم مفخره للبدفالشعـر مـن دانـي=وهم خير من مثل الدوله وأهاليهـا
وهذا الوطن عادته من بين الأوطاني=يصنـع رجـال تشرفنـا مباديهـا
ذي كلمتي حطها في كـف ميزانـي=والكـف الأخـر لبايعهاوشاريـهـا
هذا رقم هاتفي واسمـي وعنوانـي=واللي تجي حاجته يامر وانااقضيها
الله يجازيـك يافيصـل بالأحسانـي=لفتتـك فـي حقهـا محـدً يوفيهـا
لكنـك أنته ولدأحـمـد كحيـلانـي=ولا هي غريبه على مثلك يسويهـا

منقووووووووووووول

[أبو مرحبا]

صـــح السان الشاعر الكبير فهد القثامي (شاعر الدفن)


بيض الله وجهك ياخلف

اتمنى انك تجيب المزيد من أخبار الشاعر فهد القثامي

اسمحلنا تم تنسيق القصيدة


أخوك
أبومرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[خلف القثامي]

الاخ العزيز/ ابو مرحبا

صح بدنك

لاهنت على تنسيق القصيده وبحضورك الطيب


وان شاء نقدم اخبار عن شاعر الدفن وش حدك على الدفن يابن جازي


الشاعر فهد سبق ان نشرت مجلة شهد عن التكريم من قبل الامير /


عبدالعزيز بن فهد بن عبدالله للشعراء السعوديين والمشاركين في

برنامج شاعر المليون ودعا شاعرنا اخوانه الشعار لتناول


وجبة الغداء في مدينة الخبر بعد هذا التكريم


تحياتي لشخصك الكريم

[فارس الباديه]

خلف القثامي لا هنت يالغالي