منهم رجال الحميه .......؟

[حمدان العصيمي]

أبيات متواضعه أتمنى أن تنال إعجابكم .

ياشاعـر المليـون مانـي بغلطـان=أحييـت عصـر الفتنـه الجاهليـه
سببت لك صجه وضجـه وبركـان=وحطّمت روح الشعـر والمعنويـه
لكن لك معروف واحد علـى شـان=علمتنـا منهـم رجـال الحمـيـه
أقولهـا واطولهـا سـر واعـلان=أعلـن بهـا قـدام كـل البـريـه
ربعي لياشان الدهر واللغـى شـان=أهـل المواقـف والعـزوم القويـه
سلطانهم يغلب علـى كـل سلطـان=وتاريخهـم تعجـزبـه الابجـديـه
نعم لياقالـوا هـل المجـد عتبـان=امثبتيـن أركـان نـجـد العـذيـه
أمجادنا قامت على سيف وحصـان=ويـوم عبـوس أوقفـةً عالمـيـه
ماهو بهـرجٍ قالـه فـلان لفـلان=لاجاتـنـا فـزعـه ولاهاشمـيـه
ألاّ بعـد عـدة مناويـخ وأكــوان=يــومٍ كــل ناويّـلـه بـنـيـه
يامـا ثنينـا دون حلـوات الالبـان=بالسيف والرمـح الردينـي خويـه
نرعابها دار الحيـا ويـن ماكـان=ونـارد لحشمتهـا حيـاض المنيـه
تمسي تحت هيبة طويليـن الايمـان=وتصبح تحت ظل السيـون محميـه
هذا الكلام اللي حصل ماض الازمان=قـدام نـزع الظلـم والعنجهـيـه
واليوم حنـا كلنـا ربـع واخـوان=لوكـان بــاقٍ للحمـيـا بقـيـه
بيوتنـا للضيـف جنـه وبسـتـان=وكفوفنـا لهـل المكـارم نـديـه
في ظل عبدالله وفي ظـل سلطـان=آل السعود اهل الحصـون الذريـه
الله جعلهـم للوطـن غيـث هتـان=احيى القلوب مـن الحيـاه الدنيـه
وختامها صلوا على نسـل عدنـان=ماخاب مـن يذكـر محمـد نبيـه

وسلامة الجميع ....؟