الى حاكم العالم ( بوش )

[متعب معتق البدراني الحربي]

البارحه والكون ضايق ابالي = وجهت للرحمن رب الجلاله
امن الهموم اللي تلاعب بحالي =واصبر قلبي كل ماشفت حاله
انا حكمني الهم حكم انتقالي = واصبح هو السيد وانا اصغر عياله
تلعب بي هموم الحياه الثقالي = وانا لها اقاوم بصبر وجماله
لاضاقت الدنيا بحالي ما ابالي = احط بوش الأبن راع البقاله
يابوش لو تفعل لشيئاُ طرالي = حطيت توني بلير وسط الزباله
لو هو خويك والرفيق الموالي = وأنت تراعي في حقوق الزماله
أصيل ماتجهل علوم الرجالي = من قوم واشنطن رجال الجماله
ياحاكم العالم ابطرح سؤالي = الضلم هل معناه نفس العداله
يابوش انا بسألك وش هو بقالي = الا الصبر في كل شيئاً نناله
وأنت بواشنطن تقيم الليالي = فيها فسق فيها مجون وسفاله
وتغني الأشعار في صوت عالي = شف يابل كلينتون عطيت الرساله
اللي يتحدانا ابعطيه صالي = ابقتله مع زوجته مع عياله
خسرتهم اثنين على التوالي = ماباقياً لي غير ناساً حثاله
ترى العرب أهل الطرب والتسالي = من قبل ماكانوا رجال البساله
أسقيتهم من مر وأخذت حالي = وترى العراق الحين أكبر دلاله
الله.. يابغداد يا أرض المعالي = ذقتي من أنواع الحزن والنكاله
لاقلت لك صدام يمي تعالي = ثم خبريني بالبطل وش جراله
ان قلت لي هو مات والراس عالي = ان قلت لي ذاق الغدر والنذاله
وان قالك ذقت القهر في عيالي =لابد مايصبر وصبره يناله
الله اكبر يافعول الليالي = تخلي المسلم يزيد اتكاله
ومن يتبع الأسلام وش له يبالي =النصر مكتوباً لهم لا محاله
ولاضاقت الدنيا يزيد اتكالي = على العظيم رب الجلاله

[لاندكروزر]

على العظيم الله رب الجلاله



ونعم بالله


صح لسااانك يابن حرب


لا هنت


ننتظر الجديد يالامير

[السميــــــري]

..

.

مبدع مبدع .,.
صح لسانك يابن حرب ..
قصيدة جزززلة ..
ننتظر الجديد ..

[مرزوق حمدان العتيبي]

...
.

الله الله
.. صح لسانك يامتعب ..
قصيده تستحق الاشاده وننتظر منك المزيد
...
مودتي
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نواف العصيمي]

صح لسانك

قصيدة رائع ...

وبيض الله وجهك

ولك التقدير والإحترام

التوقيع