توجد اهداء للهيلا

[ابوجراح]

كلما هاجت هواجيسي وزاد الهم هما =التوى قلبي على ضلع الصدر من قو همه
وقمت افكر في مصيري بين حزن وبين غما =كلما يبعد فوادي سارت الاكدار يمه
طاشت الافكار ثم قامت تخم العلم خما =شتت ذهني مقادير الدهر وازريت ألمه
والاماني والهقاوي طمها العاصوف طما =طم سيلن للشجر يوم انحدرمن مدلهمه
واوجودي وجد ورعن فاقدن خالن وعما =قبلهم قد مات ابوه وعقبهم قد ماتت امه
كن عينه يوم تذرف دمعها فياض جما = فيض سيلن من قليبن ملت الشعبان جمه
وعنده اختن عمرها فوق سنتين(ن)مايتما =طفلتن ماعتادت الامرقدن في حيد كمه
ويل حاله وأن ذكرها دون اب و دون اما =ينفطر قلبه كما مطعون رمحن سال دمه
وطاح مغشياً تقل تصلى عظام الجسم حما =نوب يصحى ونوب في رحمة مقاديرن تزمه
والجماعه هملوه وقالو امره مايهما =ماوراه الاالفقر ماأهبلك يارجلن تضمه
في رجى المولى ويدعي ياللهما ياللهما =تعتني بأختن لياقامت بكت وتقول يمه
وشد لديارن ديار الخير والجيره تسما =رايهم في راي شيخن يفزعوله فالمهمه
يوم جاهم رحبوبه ثم بنوله اخيما = وقالواطلب يالقصير اللي تبى وحنا انتمه
قال وفيتو حقوقي ياقويين الهمما =وبيض الله وجه شيخن للجماله مد كمه
عاش معهم لين صاربدرس هالدنيا ملما =جودعلوم الرجال وزاد فالنوماس همه
عقبها مابين ربعه جات للفتنه اغمما =وريح شرن مقبلن من يم جيرانه يشمه
اتهمه عدوان طيبه والخبر للناس عما =والسبايب هرج ناسن بين كذب وبين نمه
قال ياشيخ العرب هذا الخبرهرجن ينما =قال قد دارت رحاها لومبغا لك مذمه
قال ويش الراي يأهل العرف يارجال الشيما =قالواختك تظهرك ياجارمن ذي المطمه
هاتها واسكت ولاتفتح بذا الموضوع فما =هاتها من يدك في يدنا وضم العلم ضمه
ثم نادى بنت ابوه وضح القصه فلما =حل نصف الليل والغدرا على الدنيا ملمه
ثم سرى بأخته بليلن في ظلامن مدلهما =شد بأخطام المطيه ناجين باخته ودمه
عودت حاله كما كانت من الدنيا تزما = شتت شمله مقاديره وعيى لا يلمه
ذاك وجده مثل قلبي حطمه وقته احطما =هووجودي في زمانن خاينن مافيه ذمه

[خلف بن مرزوق]

...
..

اسمحلي بالحجز في الصفوف الامامية

ولي عووودة

شاعر المعلقات : ابو جراح

القصائد الجزلة هي مايستخلص منها الحكمة

مهما كان توجهها

وهي مانبحث عنه دائما وتضمأ لها الذائقة

وترتوي بها ..


هنا ارتوت ذائقتنا عندما امطرت حرووفك بمعانيك الجزلة


ومازال الشعر بخير


دمت للهيلا وللشعر


مووودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[أبو مرحبا]

ابومرزوق ولاتهون احجز لي مكان في المقدمه

قصيدة تستاهل من يقراها

لاهنت ياابوجراح

صح الـســانــك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[النافذ]

ابو جراح

صح للسانك يالغالي قصيده في غاية الروعه والجمال

[ابوجراح]

ابشر باللي تباه ياخلف بن مرزوق

غالي والطلب رخيييييييييييييص

[ابوجراح]

مشكور على تنسيق القصيده
بارك الله بك , شكراً أخي الكريم

[مرزوق حمدان العتيبي]

...
.

ابداع يابو جراح
قلت فاجدت صح لسانك ياراع الجزاله.
...
في انتظار جديد اخر ...
..
..
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

الله .. الله


عليك يابو جراح قصيده جزله
وفي قمه الروعه وصح السانك ولاهنت

وننتظر جديدك







تحياتي

التوقيع

.....

[مقعد الدغيلبي]

لا ياتي
الأبداع الا من أهله
وعشـــــــــــــــــاقه
مثلك يابو جراااااح
صح
صح
صح
اللسااااااااااااانك مليون
أخوك/مقعد الدغيلبــــــي

التوقيع

[خالد اوصاهب]

ابو جراح صح لسانك
على هالقصيدة الجزله

عادتك مبدع