قصيدة للشاعر : مطلق الثبيتي . (( رائعة )) !!

[منصور بن فهيد]

اختـار سمحـات الـدروب النظيفـة = اللي غسلها رايـح المـزن برشـاش
يمشونهـا قـوم النفـوس الشريـفـة= اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة= ما هي لطير البوم غيران واعشـاش
وإحلالهم للضيـف دايـم مريـفـه = لو رجلهم يسرح ويضوي على مـاش
والرجـل منهـم مـا يخلـي رديفـه = إن ما ت مثله مات وان عاش له عاش
وان مات منهم رجـل عقـب خليفـه= يطعن نحور القـوم ويـرد الادبـاش
يعرف هدف روحه ويعـرف وليفـه = ما يعرف الخونـة ولا هـو بغشـاش
وليـا رزقـه الله بعـذراء عفيـفـة = ايحطها مـا بيـن نونـه والارمـاش
ماهو على الخفـرات يستـل سيفـه = وان طالعوا فيـه الرجاجيـل ينحـاش
حلـو النبـا سمـح المحيـا لضيفـه = ويصير له خـادم مسخـر وفـراش
وان مـد مـا مـدت يمينـه قصيفـة = مدت يمينـه تبهـر الخبـل والـلاش
واليا هـرج تلقـى علومـه طريفـة = ما هـو لهفـوات المناعيـر منقـاش
وان شبت النيـران مـا هـو بليفـة = في ساعة الكربـة سـواي ورشـاش
سده بعيد ولا أحـد يعـرف غريفـه = ولا هو لعرض المكرم العرض نهاش
والشوك في جنبـه سـوات القطيفـة = إن كان ما له بيت مامـون وافـراش
ما يرتكي فـوق الخبـول الضعيفـة = اللـي ليـا حركتهـا قدرهـا طـاش
وان جـا نهـار كـل قـرم يعيـفـه = ما هو ليا ثارت على القـوم رمـاش
الكذب يعرف بيـن الأجـواد زيفـه = والصدق مثل السيف صاطي وحشاش
وصحيفته يـا طيبهـا مـن صحيفـة = ولهـا مـن العقـال كاتـب ونقـاش
حـاز المراجـل والمراجـل كليفـة = الا على اللي كل مـا رامهـا هـاش
وان شاف له من جانب القـوم خيفـة = تلقـاه للخيفـة مهـاجـم وبـطـاش
الصدق والمعـرف والطيـب كيفـه = ويغبش لها مع طلعة الفجـر مغبـاش
للحمل مـا تلقـى جنوبـه صخيفـة = حوله بروق تعمـي العيـن وافـلاش
يصبر على جرحـه ويمسـح نزيفـه = طبه بشبه خير مـن طـب الاحبـاش
ولا هو كمـا سبـع سنونـه ضعيفـة = دايـم يلحسهـا وللعظـام عــراش
وان شاف له في غيبة النـاس شيفـة = ما هو بخبل لاخضر العـود قـراش
دنيـاه لـن صـارت ذلـول عسيفـة = طوع علهـا كـل عاصـي ونفـاش
وان كان قفـت مـا عليهـا حسيفـة = ولا هو ورا هوج المعاصير قشـاش
وان جاع ما وقع كمـا طيـر جيفـة= وان عري ما يلبس سماليل وأخيـاش

التوقيع

man.9.our@hotmail.com

[برقا وي باشه]

رحم الله الشاعر الكبير مطلق الثبيتي واسكنه فسيح جناته


وسلمت عل هذا النقل الجميل والمميز



لك خالص تحياتي

[أبو مرحبا]

الاخ النويري

لاهنت على نقل قصيدة الدكتور مطلق الثبيتي رحمة الله

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابوجراح]

الله يعطيك العافيه يا النويري على نقل هذه القصيده الرائعه

ورحم الله الشاعر الكبير مطلق الثبيتي واسكنه فسيح جناته .....

[ابـن نـعـيـس]

رحم الله الشاعر الكبير مطلق الثبيتي واسكنه فسيح جناته


وسلمت عل هذا النقل الجميل والمميز



تحياااااااااااااااااااااااااااااااااااتي

التوقيع

[ابو سديم]

الاخ النويري

لاهنت على هذة القصيده

للشاعر مطلق الثبيتي

رحمة الله

ابو سديم

[الفراهيدي]

رحم الله الشاعر الكبير مطلق الثبيتي واسكنه فسيح جناته


لاهنت يالنويري على النقل الموفق


والله يعطيك العافية

التوقيع

AL-frahedi@hotmail.com

[عتيبي معاصر]

الله يرحم الشاعر الكبير مطلق الثبيتي

ويسكنه فسيح


جنانه


ولاهنت يالنويري على القصيد الرائعه


عتيبي معاصر