متى تحج البقرة ؟؟

[خالد السيف]

===== مقدمة =====

متى متى ..

حبيبتي

ياليتني كنت حسيلاً وتكونين الحسيلة

ونغتذي من أفضل الأعشاب

ودائما بذيلي الجميل .. اهف عن عيونك الذباب

ياليت عندي اجنحه .. اطير كالذباب

ادخل من ثقوب كل باب

اتيك في فترة المبيت وليس بالنهار

لأنني أخشى من الفليت

لنستقي إبداعنا من مثل شكسبير وكارول ماركس

وسنك بيف

وغيرهم وغيرهم من قادة الفكر النظيف
متى متى

متى أراك تمططين صهوة الأمريكي

متى أراك تعبرين حرة على السزوكي

متى متى

يامن غدى لحبها في مهجتي تفحيط

ماذا أقول ؟؟ حقا انني عبيط

إذا ذكرتها التويت لوعة وصرت مثل القرنبيط

وهي التي تحبني .. كحب احلى نعجة لكبش

فحبها وسوس بي .. كأن عقلي كوسه والهم فيه محشي

من غيرها اجمد في مكاني يستحيل امشي

كالقير لاغنى له عن الكلتشي

وليس للمفتاح قيمة بلا سوتش

والجبنة البيضاء .. لاتحلو بغير طرشي

فهذه قصيدتي افكارها منعنشه

وقد يظن الجاهلون منكم أنها مخربشه

لأنهم لايفهمون العمق في النصوص

وياترى من يفهمون قولنا ويعرفونه إلا الخصوص

=========الموضوع============

متى اتزوج ياعم ؟؟

سؤال دائماً ما اكرره على والد حبيبتي

فيكون جوابه

عندما تحج البقرة ‍‍‍‍!!

فمتى تحج البقرة ؟؟


كل آمال الناس متوقفة على حجة هالبقرة مو بس أنا... مادري ليش!!

الزوجة تقول لزوجها خلنا نسافر.. يقول إذا حجت البقرة!!

الولد يقول لإمه اشتري لي هالعبة.. تقول إذا حجت البقرة!!

البنت تقول لابوها أبي أكمل دراستي بأمريكا.. يقول إذا حجت البقرة!!

وطلبات كثيرة لا تتحقق إلا بحجة هالبقرة!!

سبحان الله.. بس ليش؟ أنا ودي أحج السنة هذي..

وباخذ معاي بقرة واحججها.. عشان ما يصير لاحد عذر..

وباخذ معاي بقرة لها قرون.. عشان احججها على قرونها..

والثور محرمها باخذه معاي بعد عشان "بعض" الناس ما يقولون حجتها باطلة..

وماني ناسي.. بصوّر هالحجة على شريط فيديو واعطي كل واحد ووحدة نسخه..

عشان إذا أحد قال لك لما تحج البقرة (تقول هذي هي حجت)


وتسافر الزوجة..

والولد يشتري اللعبة..

والبنت تكمل دراستها بأمريكا..

وكل الآمال تتحقق بعد ما أحجج هالبقرة.

--------------------------------------------------------------------------------

منقول

[مؤمن]

اخي خالد السيف

الا تعتقد ان من الافضل لنا نحن كما مجتمع مسلم وعربي وقبلي له خصوصيته وعاداته وتقاليده الا تحج تلك البقرة ابداً لكي لاتتحقق بعض الاشياء مثل سفر البنت الى امريكا لتكمل دراستها وكذالك سفر الزوجه

ولك كل الحب والمودة

[ابن مشيب]

المشاركة الأصلية كتبت بواسطة اثلث

اخي خالد السيف

الا تعتقد ان من الافضل لنا نحن كما مجتمع مسلم وعربي وقبلي له خصوصيته وعاداته وتقاليده الا تحج تلك البقرة ابداً لكي لاتتحقق بعض الاشياء مثل سفر البنت الى امريكا لتكمل دراستها وكذالك سفر الزوجه

لله درك يااثلث


تحياتي

[سنافي الهيلا]

موضوع جميل اخوي خالد السيف

ويعطيك العافيه عل النقل

اخوك : محسن الشيباني