محاوره لمعيض العجي الحربي وخلف بن هذال

[وليد الزراقي]

هذه محاورة جرت بين الشاعرين الكبيرين معيض عوض العجي الحربي وخلف بن هذال العتيبي وتعتبر محاورة نموذجية خصوصاً أنها من العصر الذهبي لشعر الرد:
معيض:



يوم جابتنا الليالي يا سلام الله بردّه
من حقوق الله على المسلم يباشر بالسلامي
بشتري وابتاع لوليّ عن جبال طويق مده
هي تجي بالوسط وأنا منتحي قبله وشامي


خلف:

البقا يا الشاعر اللي يوصل المكيال حده
عالم يحفظ كتابه مع مفسرة الحلامي
من جبال طويق حتى تنتهي في بحر جدة
البلاد بلادكم والأصل يعرف بالأسامي


معيض:


مايهون التاجر اللي يعطي الطلاب سده
ما يبور بعملته لودونها عشرين عامي
الوفي يافي إلى جاب الوفا خاله وجده
ويش بصرك بالجمل شقران مزبور السنامي


خلف:


أكثر التجار خسروا بالسنين المستجده
والسبايب يا العجي خلط الحلال مع الحرامي
الجمل شقران يبرك والوسيمه فوق خده
قادها اللي قادها لين الحقت مخ العظامي


معيض:


الحكيم إلى بنى بني الشرف ما قط هده
والعرب تعرف شعاع النور جلاي الظلامي
أنت يا اللي جبت لي العلم في طرقتك وده
قالوا إنك يا صليب الراي ميبوس الحزامي


خلف:


أنته الرجل الحكيم إلى تلوّوا بالأشده
والعرب تارد على الحجة مثل ورد الحيامي
ما نودي علم ما برّق عميلي في مردّه
العلوم محددة ومعقده واحفظ كلامي


معيض:


انت متحكم وسيف ذياب تدري ليش حده
والعرب نامت ونقال الوداعة ما ينامي
العرب كلٍ فصل ثوبه على طوله وقده
غير ذاك اللي مرامه ما يوافق مع مرامي


خلف:


خابر انه يوم حده للبلاوي دوب ضده
علّم اللي ما تفيد إبه النصايح والعلامي
اشهد ان الوقت يا معيض العجي ما عنه صده
بس لو احركه يبكي خوالي عمامي


وتقبلوا تحياتي

[((الدلبحي))]

تسلم ياوليد على المحاوره الجزله


تحيااااااااااااااااااااااااااااااتي

[وليد الزراقي]

المشاركة الأصلية كتبت بواسطة ((الدلبحي))

تسلم ياوليد على المحاوره الجزله


تحيااااااااااااااااااااااااااااااتي

الدلبحي
نورت الصفحه
تحياتي

[زلزال العضياني]

تسلم على المحاوره والله يوفقك

[الوليد العتيبي]

وليد الزراقي تسلم يمينك
ياغالي محاوره في قمة الروعه

[فواز الشيباني]

الله يعطيك العافية

ولاهنت يالغالي