النعم والتنعيم أصبح اليوم خذ هات !!!!

[ابـن نـعـيـس]

النعم والتنعيم أصبح اليوم خذ هات=موضات فاقدين الوعي دون مقياس
حده مصالح ولياخسر لومات وشمات=قولت نعم للمصلحة زيفن بقرطاس
نقص بميزان الحكم والمنارات=من عقب ماصارت موارد ونبراس
تحولت هوجا وتاليها خلافات=ومن ينسب الطيبة على غير نوماس
باع الحقايق كلها بالمرآت =شوفه قصير ولاعرف قوة الباس
ومن يرتكي على هشيم بظلمات=يذوق في عمره نوبات بفلاس
خالي فكر جره طمع بين هقوات =هذا نعم وهذا فوق الأنعام والناس
يجي زمن شل الأمل صار عثرات=باح النعم لأهل الشماتة والاخساس
حسرة وماضيها على كل مافات =قفت مراكبها على الخيل وأفراس
وصارت مكاسبها على الكون تارات=لاتمدح الهيس الردي كيفن بمجلاس
تندم ندم على ماض به الفار مامات=نجسن ولوقالوا ترى القط حراس
يفلت زمانه ينتشر بالمغارات=خلك لراعين الوفاء نبض وإحساس
يغنوك لجار الزمن بالمضرات=يستاهلون النعم وحبه على الرأس
أهل الكرم والطيب يوم المعانات=أصالة لأهل الثناء بدقات الأجراس
أطباعهم عادة ولو زاد طفرات=ماهم قراح وشايله زين الأجناس
مشيه ركاد وازنه بالمسافات=ينثر على جون من الحب بأقواس
طار الكرى واستسلمت بالآهات=كيف الحكي أصبح اليوم مساس
جملة وتفصيله بلاحق نكبات=يشير مافكر بوقتن معه يأس
هذا البلى ياصاحبي بغب المقامات =أهل النعم صاروا خبثن بالأنفاس
لاوحسافة يازمن صبره بونات=اللي بناء فوقه قصورن بلا ساس
الحض قام واستدار بخبرات=أهل المتاجر والذهب والألماس
أهل القصور المايلة والمسارات=هذا زمنهم لاتعجل كله ادماس

التوقيع