والله بحق يا عتيبه.........

[قــلب الــذيب]

بحق والله يا عتيبه


يا قاضي يا قاضينا يا الي با الحق ترضينا.....اسمع السالفه واحكم.


بديت با التسجيل في ا لمنتدى وكملت كل الحقول الخاصه با التسجيل

واعطاني رساله انه سوف تصل رساله لي با لايميل ..... ومن يومها وانا انتظر


لاكن ما في فايده،،،،،ومن حسرتي (اسلوب استعطاف للقاضي) كل يوم افتح ها المنتدى واقرا المشاركات لكن ما اقدر اشارك ولا ارد ولا اعلق على المواضيع...

بعد خمس ليالي يا قاضي وانا اقرا احد المساجلات لعبت با الكيبورد وبديت اكتب رد للموضوع ...وقبل الردواعتبرت مشاركه لي.

با الله يا قاضي يرضيك وانا ولد عمهم
اذا ما يبوني يقولونها ما فيها شي وربي خلق ما ضيع،،،،


راعي الحق يقوم فيه الله لا يهينه

اخوكم:
قـلـب الذيـب|4|

[ابن شامان]

اخوي قلب الذيب مرحبا بك في المنتدى
عضو فعال وانا مثلك جديد وحسب ما سمعت المنتدى
جديد ويبيله شغل والمهمين ماهم مقصرين
تحياتي

[((الدلبحي))]

اخوي قلب الذيب ابشر باللي تبيه مالك الامن يرضيك
ابشر بالحق اذا كان ان القائمين على المنتدى مخطين في حقك انا مستعد
ارضيك
لاكن مثلك لابد انه يقدر الوضع لان المنتدى يعمل فيه بعض التعديلات والاضافات
لتطويره والقائمين على المنتدى سوف ينظرون في شكواك واقبل كلامي
وعساك تكون قدرت الوضع
اخوك:
((الدلبحي))

[قــلب الــذيب]

تستاهلون ،،،وابشروا وانا عذرتكم والله لونها من غيركم كان فيها علوم.
لكن ربعي عزوتي ما لي حيله.
( وين القائيمين على المنتدى ليه ما ردو)


اخوكم :قــــلب الذيب

[ابو وعيل]

ابشرر بالي تبيه يالغالي

ان شاء في المستقبل ماتكرر هلاخطاء والعذر والسموحه

بالنيابه عن جميع مشرفين المنتدى واداره.

وياهلا ومسهلا فيك

[شليويح العطاوي]

يا هلا ومرحبا فيك اخوي قلب الذيب شرفتنا منتدانا
حياك الله اخ وصديق في منتدى المحبة منتدى عتيبة
تحياتي لك اخوك / شليـويح العطاوي