من روائع بندر بن سرور

[خالدالعصيمي]

البارحه زل أكثر الليل واعي = سهران واللي راقدآ مادريبي
أشري وأبيع بحسبتن ماتباعي = خطرآ من التفكير راسي يشيبي
تحسني كلمة خطاة الدناعي = اللي ينم بغيبتي وش يبيبي
يستر عيوبآ ماسترها القناعي = مسترن عيبه ويحكي بعيبي
لو كان مازود علينا ذراعي = ولا قدمنا باج الطريق الصعيبي
مغير بين مفصلات الجزاعي = طول السنه عن عشقته مايغيبي
ان كان فالبندق معاشه قطاعي = والا أنثبر بين أمرته والقليبي
والا مشى بامر الحليله وأطاعي = يطيب له والا على غير طيبي
وان كثر مالك صرت رجل أجتماعي = لو كنت بالماضي تعصر الزبيبي
حطوك رجل وزودو فيه باعي = ناسٍ تعصر الضرع تبغى الحليبي
وان قل مالك جيت من غير داعي = تجلس بدون فراش كنك غريبي
أفواههم وسط المجالس وساعي = وأزين حصيلك قول كلمة يهيبي
في فية الجدران دايم مقاعي = مخطين درب الوارده والعزيبي