ما لقيت اللي شكرها ؟

[خليل المطيري]

بسم الله الرحمن الرحيم

قصيده متواضعه كصاحبها
أتمنى ان تروق لكم بعض حروفها

الحياه إن ما صفت لك لا تعاندها عنيده = طبعها دايم تعاند وإن صفت قامت تشره
ينكر الرجال زوله لا تفكر في غثاها = لا عطته اشوي قامت تطحن تبغى تفره
ذاق لوعات الليالي ما عرف وين اتجاهه=ما عرف خط المسير ولا لقى شيء يسره
ما لقيت اللي شكرها والعرب فيها طوايف = ما تعرف اللي يودك من امدورة المغره
والله ان القلب خايف من همومه ما يغادر = ينتظر هجمات بقعى للحزن دايم تجره
كل ما طابت اجروحه عودت والحال ساهد =ما يدوم إلها صديق ولا تدوم إلها مبره
تضحك الجاهل وتبكي عاقلٍ عارف شقاها = مستريح البال فيها لو ضحك لازم تحره
شيبت طفلٍ صغير ونكست راس المكابر = روعة ناسٍ كثير وتوهتهم بالمجره
يا صديق الروح لا تغتر في زرعٍ زرعته = انتبه ميلات بقعى لو نسيت اتعيد كره
والحياه إن ما صفت لك قول هذا اللي مقدر = راضي باللي كتبلي لو يجي مثقال ذره
واخر المشوار لا بد الفتى تطوى صحافه = ثم يدفن فالثرى والموت يمسح كل جره

خليل المطيري
10/1/1426هـ